( اللى تعبنا كثير وياهم ) - بقلم محمد البلاط

( اللى تعبنا كثير وياهم )
==========
اللى تعبنا كثير وياهم
مش فهمين ايه سر قساهم
لما بنفرح بيبكونا
ولما بنضحك دول يلومونا
ولما يكون الصمت رفيقنا
يهربو منا وما يودونا
نعمل ايه علشان نرضيهم
طال الصبر وبندادى فيهم
واتحملنا كثير لقساهم
ياما صبرنا كثير عليهم
اللى تعبنا كثير وياهم
مش فهمين ايه سر قساهم
لما بنفرح بيبكونا
ولما بنضحك دول يلومونا
ولما الدمع يبات فى عنينا
لا بيجونا ولا يعزونا
اللى تعبنا كثير وياهم

بقلم محمد البلاط

متحرميش قلبى يعيش - بقلم محمد البلاط

( متحرميش قلبى يعيش )
==========
انتى اللى ليا ودنيتى
انتى دموعى وبسمتى
وانتى اللى منغيرك هعيش
مطفية ليا شمعتى

متحرميش قلبى يعيش
الباقى ليه فى دنيتك
ده انا اللى فى العشق مليش
اى طريق غير سكتك
انتى اللى ليا ودنيتى
انتى دموعى وبسمتى
وانتى اللى منغيرك هعيش
مطفية ليا شمعتى
انتى الونيس وانتى الحياة
وانتى عشانك اقول ااااه
يا شمسى وانتى القمر
يا ظل برقد فى حماه
هيسوى ايه فى الليل سهر
من غير قمر اكون معاه
ومع مين هيحلى السمر
وحبيبى بيقولو جفاه
متحرميش قلبى يعيش
الباقى ليه فى دنيتك
ده انا اللى فى العشق مليش
اى طريق غير سكتك
انتى اللى ليا ودنيتى
انتى دموعى وبسمتى
وانتى اللى منغيرك هعيش
مطفية ليا شمعتى
بقلم محمد البلاط

( دامت لمين 2) - بقلم محمد البلاط

( دامت لمين 2)
دامت لمين ولمين دامت
ياما من الجديد هدوم دابت
اوهام وركبة عقول الناس
وناس ظنونها كثير خابت
الشيب مفيش اسرع منه
ومرض يصيب وما يهمه
وامر الاله ان جيه ولقاه
سلطان بيخده على مشمه
دامت لمين ولمين دامت
ياما من الجديد هدوم دابت
ومفيش فى الدنيا دى ثابت
لكن العقول فى الناس خابت
وظلمو ساجد وعابد
ونسيو ان الملك الله
فيه ناس بتعبد المخليق
وناس بتعبد المدة
وناس دواها يكون على الريق
لرزق المخليق سده
ونسيو ان الملك الله
وامر الاله ان جيه ولقاه
سلطان بيخده على مشمه
دامت لمين ولمين دامت
ياما من الجديد هدوم دابت
ياما من الجديد هدوم دابت

بقلم محمد البلاتط

دامت لمين علشان تدوم - بقلم محمد البلاط

( يا كل كاتب محترم )
==========
يا كل كاتب محترم
يا كل من مسك القلم
يا تكون ملم بالكلام
يا تكون حمار وتتشتم
على اللى بتفهمه اكتبه
وحبة ضمكيرك انبه
قبل ما تجرح بالكلام
ولحد تانى تعزبه
وبلاش مع الموجة تعوم
ويكون كلامك ضرب شوم
قبل ما تبقى فى المكان
دامت لمين علشان تدوم
اكتب لوطنك مجده
وبلاش حد تعبده
الدين مين هيسدده
يوم الخصام
يا كل كاتب محترم
يا كل من مسك القلم
يا تكون ملم بالكلام
يا تكون حمار وتتشتم

بقلم محمد البلاط

اكتب اشعارك واحسبها - بقلم محمد البلاط

( اكتب اشعارك واحسبها )
==========
اكتب اشعارك واحسبها
كام الف قصيدة انت كتبها
وان كان الشعر يأكل عيش
ابقى املا الدنيا واخربها
ده زمنا مش هو الماضى
للكلمة فيه الفين قاضى
ومضيع وقتك فى الفاضى
وللنفس ليه معزبها
ناس قاعدة تسرق فى كلامك
وترص وتقبض قدامك
واعز احبابك ده خانك
وبايدهم ضاعت احلامك
ونسيوك ومفيش الا سيرتها
يا تطبل وتعيش وتنغنغ
وعلى ريش نعام تتمرغ
ويبقى الاعلام خدامك
وانت الاستاذ اللى حيلتها
اكتب اشعارك واحسبها
بقلم محمد البلاط

( صبح صبح يا جميل صبح ) - بقلم محمد البلاط

( صبح صبح يا جميل صبح )

=============

صبح صبح يا جميل صبح

ولو بالكلمة قلوبنا تريح

ليه تقلان علينا وقاسى

وبنظراتك لينا بتجرح

بنعاتبك ما ترد علينا

وليه لعتابنا حتى ما تسمح

صبح صبح يا جميل صبح

ولو بالكلمة قلوبنا تريح

بنستنى مواعيدك بدرى

واملنا نكحل عنينا

وانت بحالنا والله ما تدرى

ولا عايز تحن علينا

صبح لو بالنظرة بعينك

او بايدك لينا تشاور

ده احنا بقلنا سنين بنجيلك

وانت لا سائل ولا بتناور

ولا حسيت فى يوم بقلوبنا

ورغم الجحد قلبنا صابر

وبنستنظر منك مرة

واهى بالمرة علينا تصبح

صبح صبح يا جميل صبح

ولو بالكلمة قلوبنا تريح

ليه تقلان علينا وقاسى

وبنظراتك لينا بتجرح

صبح صبح يا جميل صبح

بقلم محمد البلاط

عودوك على الشوق يا قلبى - بقلم محمد البلاط

( عودوك على الشوق يا قلبى )
==========
عودوك على الشوق يا قلبى
عودوك
وفى هواهم وبهواهم
دول رموك
عودوك تحن ليهم
عودوك تسأل عليهم
وان غابو عنك تجيهم
وفى غيابك دول نسوك
نسيو انك فى غيابهم
بالألم بيعزبوك
عودوك على الشوق يا قلبى
عودوك
ليه معزبنى معاك
وفى هواك حيرتنى
ليه تبيع اللى اشتراك
وللى باعك تشترى
عشموك بالوهوم ياما
واللى خدته الملامة
وانتظار وطول صبرك
ومطولتش السلامة
الندامة كانت نصيبك
من اللى فكرته حبيبك
ولسة عشمان يجيلك
بعد ما بأيدهم بعوك
عودوك على الشوق يا قلبى
عودوك

بقلم محمد البلاط

انا مش هعتب عليك - بقلم محمد البلاط

( انا مش هعتب عليك )
=========
انا مش هعتب عليك
ولا هزعل من كلامك
قلبى لعبة فى ايدك
ومعزبه بخصامك
وان كان هجرى مزلة
انا هشكى والله لله
واطلب منه يعينى
اصبر عليك واستنى
ده انت لعينى النن
وانت كل امالنا
وان غبت يوم عنى
تبقى تقصد جنانا
انا مش هعتب عليك
ولا هزعل من كلامك
ده انا كلى كلى ليك
وحياتى من حنانك
ده انا بس عايزه اقولك
خف حبة خصامك
خف حبة خصامك
ليه بتلعب الاعيبك
وبتبعد بالحداقة
فاكرنى راح اسيبك
ما بلاش شغل الرواقة
على الجنان هجنك
قبل ما تجننى
وهشرب بأيدى سمك
لو ناوى تسمنى
ومش هتنول مرادك
وهفوتلك عنادك
وهقبل المذلة
لو حتى تصدنى
انا مش هعتب عليك
ولا هزعل من كلامك
قلبى لعبة فى ايدك
ومعزبه بخصامك
انا مش هعتب عليك
انا مش هعتب عليك

بقلم محمد البلاط

( متلومش على اللى باعك ) - بقلم محمد البلاط

( متلومش على اللى باعك )
===========
متلومش على اللى باعك
ولا تعتب يوم عليه
يمكن من خصامك
غلطه يحس ده بيه
واعتب على اللى يحبك
وبتصعب عليه
وان شافك يدلك
طريقك تمشى فيه
حبيبك ده حبيبك
ينضغلك الزلط
وعزولك لا يريدك
ويتمنالك غلط
علشان سهل يصيدك
وفى حيطة تتخبط
قلوب مليانة قسوة
من الطيبة عملة كسوة
وتدارى الشر فيها
وتسوق قطرالعبط
ابعد واعمل نسيها
وبلاش بيها تختلط
ومتلومش على اللى باعك
ولا تعتب يوم عليه
يمكن من خصامك
غلطه ده يحس بيه
يمكن من خصامك
غلطه ده يحس بيه

بقلم محمد البلاط

متلومش اللائمين يا قلبى - بقلم محمد البلاط

( متلومش اللائمين يا قلبى )
===========
متلومش اللائمين يا قلبى
متلومش اللائمين
يمكن مش حسين بغلبى
يمكن مش حسين
ومتدعيش عليهم
منه الله يوريهم
اصل الهجر عزاب ومرار
وصعب كثير عليهم
واتحمل لكللامهم
واياك يوم تخاصمهم
يمكن يجى يومهم
ويعودو نادمين
خلى الكل احبابك
واوعى تزعل حد
وان جم قصدو بابك
ابقى عليهم رد
واوعى يكون عتابك
بالتأنيب والصد
ومتلومش اللائمين يا قلبى
متلومش اللائمين
يمكن مش حسين بغلبى
يمكن مش حسين

بقلم محمد البلاط

دستور يا اخوانا دستور - بقلم محمد البلاط

( دستور يا اخوانا دستور)
===========
دستور يا اخوانا دستور
يكفيكم شر المستور
فيه ناس بتعشق الظلمة
وفيه ناس بتخاف من النور
انا جاى ابارك واهنى
فى فراحكم وده غصب عنى
دلونى طريق يطمنى
ومفهش تزوير ولا ظور
بستأذن من كل جنابكم
مش عايز اقف على بابكم
ما انا فاهم كل الاعبكم
وعايشها معاكم بالدور
دستور يا اخوانا دستور
من اول اللى مسماش
ولا بعده اللى مكملهاش
ولا حتى الباشا البكاش
ولا عم الحج الطرطور
دستور يا اخوانا دستور
يكفيكم شر المستور
فيه ناس بتعشق الظلمة
وفيه ناس بتخاف من النور
دستور يا اخونا دستور
بقلم محمد البلاط

مين اساك عليه - بقلم محمد البلاط

( مين اساك عليه )

======

مين اساك عليه مين اساك عليه

وانت اللى بحبه ونور عنيه

بتصدق كلامهم وتطاوع غرامهم

مش دول اللى بعوك واشتكتلى منهم

مين فى الحب حبك قدى وعطاك

ومين فكر يودك او يسأل عليك

وليه سلمت ودنك للى غدرو بيك

وتسمع كلامهم وتصدق غرامهم

وتقسى عليه وانا اللى ليك

مين اساك عليه مين اساك عليه

وانت اللى بحبه ونور عنيه

منى ذكرى ليك يمكن يوم تدلك

على مين اللى شريك ومين خدعلك قلبك

وان كان راحتك رحيلى انا ليا بردو راحتك

وان فكرت تجيلى هتلقانى سامحتك

مين فى الحب حبك قدى وعطاك

ومين فكر يودك او يسأل عليك

مين اساك عليه مين اساك عليه

وانا اللى بحبك وانا الباقية ليك

وانا الباقية ليك .

بقلم محمد البلاط

غريب يا حب - بقلم محمد البلاط

( غريب يا حب )
=======
غريب يا حب
ومضيع قلوبنا معاك
وعارفينك تحب الكذب
ونصدق ونستناك
بتجرحنا وتهرب منا فى فرحنا
ونجرى وراك
غريب يا حب
ومضيع قلوبنا معاك
غريب فى مجيتك لينا
بتخدعنا وتغوينا
تفهمنا - تعشمنا -
تحقق كل امانينا
تورطنا تمرمطنا
وتنسى عنوان بيتنا
ونسأل ليه ده فاتنا
بدمع العين وننعاك
غريب يا حب
ومضيع قلوبنا معاك

بقلم محمد البلاط

( لما بتموت المبادىء ) - بقلم محمد البلاط

( لما بتموت المبادىء )
==========
لما بتموت المبادىء تنتظر من الخلق ايه
بيتوه كذاب وصادق والغفير يترقى بيه
وناس بتكتب لجل ترضى وما يهم بتكتب ايه
المهم يبقى مرضى والامام راضى عليه
لو امامنا شيخ منصر يغسل السمعة وينشر
ويبقى فى المجموعة عنصر راضى عنه اللى بنيه
والادب تاه فى المتاهة واكله الكذب بشراهة
واقلامه اللى براها بتشكى لله من اللى فيه
لما بتموت المبادىء تنتظر من الخلق ايه

بقلم محمد البلاط

افردوا جناح المحبة - بقلم محمد البلاط

( افردوا جناح المحبة )
=========
افردوا جناح المحبة
على البشر تلقو السلام
فيها ايه لو حبة حبة
تبقى فعل مش كلام
لو نطيع الله فى امره
الوداد يطول عمره
وكل منا يطول صبره
وننسى كلمة الخصام
تبقى جد الانسانية
اللى ساكنة قلوبنا هى
واللى ناوى على نية
فيها غدر وقسية
يبقى انسان مش تمام
افردو شراع المحبة
خلو ريح الشوق يخدها
مركب الحياة دى نعمة
مين بطوق عايزيسيبها
ويرمى نفسه فى المهالك
وكل يوم فى حكاية شابك
وده فى الاديان حرام
افردوا جناح المحبة
على البشر تلقو السلام
فيها ايه لو حبة حبة
تبقى فعل مش كلام
افردوا جناح المحبة

بقلم محمد البلاط

سمحت كثير - بقلم محمد البلاط

( سمحت كثير )
======
سمحت كثير وطال صبرى
وحقى اتنزلت عليه
وقولت اسير على دربى
وعمرى ما افرط فيه
وعشمانة اشوف منك
تغير يوم من طبعك
وتعرف ان انا منك
وقلبى الحزين تداديه
لكن ملقتش غير قسوة
وردك للجميل تنفيه
راح اصبر ليه راح اصبر ليه
على قسمة لقلبى ما كنتش ليه
سمحت كثير وطال صبرى
وحقى اتنزلت عليه
مفيش بعد السماح سماح
غير انى ارحل عشان ارتاح
وانسى الماضى والامه
بمره واداوى اللجراح
سمحت كثير وطال صبرى
وحقى اتنزلت عليه
وحقى اتنزلت عليه
.....................
بقلم محمد البلاط

( يا خسارة يا صحبى انى عرفتك ) - بقلم محمد البلاط

( يا خسارة يا صحبى انى عرفتك )
=============
يا خسارة يا صحبى انى عرفتك
يا خسارة يا خسارة
بأخلاص وبحب عاملتك
وردك فيه مرارة
على نفسى وروحى انا امنتك
وجمايل ياما انا شيلنك
ومكنتش اتوقع منك
تغدر بخيانة
يا خسارة يا صحبى انى عرفتك
يا خسارة يا خسارة
بالمال بتبيع ليهم روحى
وتفتش اسرارى وجروحى
ونصبت شباكك بالخسة
ولا همك دمعى ولا نوحى
كام صاحب بعته وهتبيعه
وهتكسب ايه لما يضيعو
هيروح المال ويفضلك
العار ولمين هتبيعه
يا خسارة يا صحبى انى عرفتك
يا خسارة يا خسارة
على نفسى وروحى انا امنتك
وجمايل ياما انا شيلنك
ومكنتش اتوقع منك
تغدر بخيانة
يا خسارة يا صحبى انى عرفتك
يا خسارة يا خسارة

بقلم محمد البلاط

ودعت الحب وودعتك - بقلم محمد البلاط

( ودعت الحب وودعتك )
==========
ودعت الحب وودعتك
ولا عدتش من تانى اجاملك
القلب معدش بيتحمل
ولا انى هشوفك راح اقوملك
مش بالحرمان هتعزبنى
ولا هجرك ليا هيتعبنى
ومش هرجع لو بعد خصامك
هتصالح او راح تعاتبنى
ودعت الحب وودعتك
فيه جراح فى القلب من افعالك
مش جرح الهجر ولا خصامك
ولا جرح القسوة فى معاملة
ولا جرح سؤالى وانكارك
الجرح جرحته انت بأيدك
وشريك جبتولى يشارك فيك
وسألتك عنها كان ردك
انكار والكذب باين فى عنيك
ودعت الحب وودعتك
ولا عدتش من تانى اجاملك
القلب معدش بيتحمل
ولا انى هشوفك راح اقوملك

بقلم محمد البلاط

من غير ما تقولى انى بحبك - بقلم محمد البلاط

( من غير ما تقولى انى بحبك )
===========
من غيرما تقولى انى بحبك
انا حاسه باللى داخل قلبك
وببادلك بالحب محبة
لكن مش قادرة انا اصارحك
من عينى هتفم احساسى
وفى رد الفعل ولو قاسى
ذى ما بشوف نظرة عنيك
حبك متفصل بمقاسى
انطقها وقول وريحنى
خلينى انطقها واقولهالك
ده انا شوقى لقربك ده فضحنى
ووصلنى انى امسك فى خناقك
انطقها وقول انى بحبك
وهنطقها واقول انى بهواك
مش عايزة تقولى انا فى عرضك
وان غبت عليه راح استناك
واصبر على الشوق لما يدلك
لطريقة سهل ويوصفلك
اذاى تقول انى بحبك
وساعتها هقولك انا بهواك
من غيرما تقولى انى بحبك
انا حاسه باللى داخل قلبك
وببادلك بالحب محبة
لكن مش قادرة انا اصارحك
لكن مش قادرة انا اصارحك
بقلم محمد البلاط

مش قد كلامك متقولش - بقلم محمد البلاط

( مش قد كلامك متقولش )
مش قد كلامك متقولش علشان الناس متعرفش الجهل معشش فى دماغك وترتيبك فى العالم جحش . ليه بتفتح صدرك على الأخر ومن حتة لحتة بتسافر وبطلب من الناس الخدمة وانت فى الجد بتتاخر . وفاكرنا لكذبك هنصدق وعليك بالعفو راح نصدق ده الحلو اللى انت عملته هم على الخلق بيتفرق
مش قد كلامك متقولش
محمد البلاط

حكاية بلدنا - بقلم محمد البلاط

( حكاية بلدنا )
======
فى البلد حبة فلاسفة من اللى همهم الكلام
يوم ويوم ليهم منافسة والمنافسة بأحتدام
اتفاقهم فى المقر اجتماع و يقابلوا بعض
كل واحد ليه كلمة وعنده فكرة وليها عرض
وناس بتسمع والسمع واجب وفرض
يبتدى كبير الفلاسفة والبداية بس سرد
تسمع الزوم كأنه الحيطان جايبنها هد
وتبتدى حلقة مصارعة بالايادى وفيها عض
وتنتهى بهدوم هلاهل من اللى قطع واللى شد
ولما تسأل حد فيهم ايه القرار ولأيه وصلت
يطوى ذنده مخزى عار عقدها حل وفرط
هى دى قصة بلدنا اتفاقنا مفيش ود
واللى ينده على جاره صعب انه عليه يرد
والوحيد كان اتفاقهم نبتدى فى مسجدنا هد
وهو ده طبع الفلاسفة اللى ما بتعرفش جد
فى البلد حبة فلاسفة
بقلم محمد البلاط

اااه من غدرك واااه من ظلمك - بقلم محمد البلاط

( اااه من غدرك واااه من ظلمك )
===============

مين بيحبك قد ما حبك
قلبى وعقلى وكنت مناه 
ليه بالقسوة عاملته وغدرك
وايه كان ردك على اللى فناه
فنى من عمره كثير وفى صبره
شرب المر كاسات والااااه
عشم نفسه ان ترجعله
وقال ده حبيبى وهستناه
وكان الصبر دواه ولجرحه
بلسم عشمه فيه شفاه
لكن غدرك بيه وهجرك
نساه الصبر وصرخ الااااه
اااه من غدرك اااه من ظلمك
اااه على عمر ضاع فى حبك
اااه من جرح جرحته لقلبى
وكان فرحه يسمع سيرتك
بعتنى ليه ولمين الشارى
وانا بتألم ومنتش دارى
مين بيحبك قد ما حبك
قلبى وعقلى وكنت مناه
بابك بابى ودارك دارى
وانت مدارى اللى انا بهواه
بتغيب عنى وترجع تانى
واستناك وتستنانى
لكن غدرك بيه وهجرك
نساه الصبر وصرخ الااااه
ليه بالقسوة عاملته وغدرك
وايه كان ردك على اللى فناه
وايه كان ردك على اللى فناه

بقلم محمد البلاط

( راح يفيد بإيه الندم ) - بقلم محمد البلاط

( راح يفيد بإيه الندم )
=========
ياللى بتبيع بالرخيص
الوطن لجل المصالح
ايه يفيد لبسك قميص
والمقام مكسور وطالح
فين هتلقى الوطن
بعد ما بعت بأديك
واصبح الملك سكن
للشارى مش ليك
بتعاند مجروح بجرحك
وبأديك بتطفى شمعك
كره وحقد فى قلبك
مقلوب كله عليك
ياللى بتبيع بالرخيص
الوطن لجل المصالح
ايه يفيد لبسك قميص
والمقام مكسور وطالح
وراح يفيد بإيه الندم
فى اللى راح واللى اتعدم
وتاريخ كان لجدودك
جهل منك اتهدم
فين هتلقى الوطن
بعد ما بعت بأديك
واصبح الملك سكن
للشارى مش ليك
ياللى بتبيع بالرخيص
الوطن لجل المصالح
ايه يفيد لبسك قميص
والمقام مكسور وطالح

بقلم محمد البلاط

كان زنبى ايه فى هواك - بقلم محمد البلاط

( كان زنبى ايه فى هواك )
==========

كان زنبى ايه فى هواك
تشغلنى وتلومنى 
طول عمرى بستناك
وانت اللى هاجرنى
بالفكر متحيرة
فى دنيا متغيرة
وامورها مديرة
عليه تتعبنى
بالهجر والنسيان
وكثير منها بان
وشوفت اللى ليه خان
واللى معزبنى
وضاع العشم عندى
بعد ما كان وردى
ومكنش يوم ودى
ابعد ولا اتخان
وبالهجر اتعزب
ويسألونى اكذب
واقول هوايا منصان
وانت عليه تعتب
كان زنبى ايه فى هواك
تشغلنى وتلومنى
طول عمرى بستناك
وانت اللى هاجرنى

بقلم محمد البلاط

انا بالحنية راح ابقالك - بقلم محمد البلاط

انا بالحنية ودلالك 
وبكلمة هدية راح ابقالك
واياك تفكر بالعملة 
هتكون اللى مبينا معاملة
او ترشى القلب فى خيالك
ده كفاية عليه الحنية
وللحب الاخلاص فى النية
راح تسكن قلبى وفى عنية
والروح كمان هوهبالك
انا بالحنية ودلالك 
وبكلمة هدية راح ابقالك
اوعدنى وفى الوعد امانة
انك تعاهدنى وتخلصلى
و اكون وياك متصانة
والقسوة فى يوم ما تلمسنى
واعاهدك انى راح ابقالك
واعلى بينهم مقدارك
وراح افهم طلبك من نظرة
وفى قلبى راح احفظ اسرارك
انا بالحنية ودلالك 
وبكلمة هدية راح ابقالك
بقلم محمد البلاط

بالفكك والفكوك - بقلم محمد البلاط

بالفكك والفكوك
وعين العفريت معاهم
والحساد لو تموت
هيضيع والله شقاهم

العين صابت وعدت
من الصفحة خرمتها
وتروس تعليق تفوت
مش باين تعليقاتها
الناس هجروا الكتابة
ولا الديب فات اخدها

من الصبح على النيابة
انا اشكى اللى حسدها
يا اما ياخد جزاته
يا يبعد ويسيبها

بالفكك والفكوك
وعين العفريت معاهم
والحساد لو تموت
هيضيع والله شقاهم

بقلم محمد البلاط

بالعيش والملح مصدقشى - بقلم محمد البلاط

بالعيش والملح مصدقشى
وكلامك فلصو مش هيمشى
وان كنت فاكرنى راح اصدق
يبقى اعملنا حلة محشى
بالعيش والملح مصدقشى
كذاب والكذب باين فى عنيك
وبحايل انا انا فيك واداديك
تحلف ايمان يعمى عنيك
ان ما معاك ولا قرشى
بطل ايمان متحلفشى
يا تغور من جنبى وروح امشى
يا ملبس العورة نظارة
ومشيل الشنطة لجحشى
بالعيش والملح مصدقشى
بالعيش والملح مصدقشى

بقلم محمد البلاط

مستحيل ارجعلك تانى - بقلم محمد البلاط

( مستحيل ارجعلك تانى )
===========

مستحيل ارجعلك تانى ياللى قلبك كان انانى
ومنى خدت كل حاجة وقلبك الغدار نسانى

مستحيل احن ليك وقلبى عمرى ما يشتريك
ياللى ضيعت بأيديك حلمى وكل الأمانى

مستحيل ارجعلك تانى مستحيل
او يحن قلبى تانى او يميل

اللى عززلك كيانك وبكلامك كان ذليل
وطفيتله كل شمعة وانت سامع العويل

من الألم عمال يهاتى وليله من جرحه طويل
اللى عززلك كيان وبكلامك كان ذليل

مستحيل ارجعلك تانى ياللى قلبك كان انانى
ومنى خدت كل حاجة وقلبك الغدار نسانى

مستحيل ارجعلك تانى مستحيل

بقلم محمد البلاط

يا دمعة العين عودى تانى - بقلم محمد البلاط

( يا دمعة العين عودى تانى )
============

بفكر ليه فى ايامنا وناسى انت لياليها
وكل ما اذكرك زكرى تقول واللهى نسيها
نسيت ايام فيها جراحنا ونسيت ايام دوا ليها
نسيت النار واحزانا وبسمة كانت تطفيها
نسيت النظرة والهمسة ولمسة ايد تدفيها
بذكر فيك ليه ناسيها ؟؟؟؟؟؟
نسيت العمر وايامنا وساعات الفرح وخصامنا
نسيت كل اللى فرحنا وايه بكانا وجرحنا
نسيت حتى اللى ريحنا وجاى تقولى ناسيها
بذكر فيك ليه ناسيها ؟؟؟؟؟؟
بختاف لتنسى احلامنا وتنسى الباقى لينا فيها
واخاف يوم يسألوك عنى تقول واللهى ناسيها
خساره عمر طوحنا ومرجحنا مبين الفرح وجراحنا
وننسى حتى اللى ريحنا وننسى كل حكاويها
يا دمعة العين عودى تانى لنارى حولى تطفيها
بفكر ليه فى ايامنا وناسى انت لياليها
وناسى انت لياليها
بقلم محمد البلاط

انتظارك رحلة صعبة - بقلم محمد البلاط

( انتظارك رحلة صعبة )
==========
انتظارك رحلة صعبة
هى رحلة فى بحر زحمة ليل طويل مفهش رحمة
والضباب ساكن حياتى ومواعدنى بأنتظام
موسم الغدر وخسة شوفت منه كثير ولسة
حسة انه ناوى ليه انى اكون انسان حطام
والخريف من غير معاده حاوط الاحساس عناده
قالوا عنى الناس وعادوا انى ماشية فى الحرام
الف وعد خدتو منك وانتظرت كثير فى غيبتك
لما ضاع سنى وسنك وابتدى عنا الكلام
رابطة املى وكل عمرى فى وتد مغروس عندك
واللى شيفاه كله منك ابتعاد ومعاه اهتمام
قولى قصدك ايه فى عندك فسرلى كل الكلام
الصراحة فيها راحة حتى لو ذبح وخصام
بدر ليلى شيفاه عينى بس لونه مش تمام
ليه بترمينا بأيدك فى المهالك والكلام
انتظارك رحلة صعبة وليل طويل فى بحر ظلمة
الف وعد خدتو منك وانتظرت كثير فى غيبتك
لما ضاع سنى وسنك وابتدا عنا الكلام
انتظارك رحلة صعبة
بقلم محمد البلاط

( اتحملت بعادك يمكن ) - بقلم محمد البلاط

( اتحملت بعادك يمكن )

============

كنت بفكر كل ساعاتى

انى هلاقى منك حنية

كنت بفكر ان حياتى

انت وروحى وضى عنيه

كنت بفكر فيك يوماتى

انك منى وانك ليه

ولما هترجع هتكون عادى

اتريك راجع لى بقسية

اتحملت بعادك يمكن

ترجع والقى مكان فيه ليا

وكنت بصبر يائسى بنفسى

وامسح دمع العين بأدية

كنت بفكر كل ساعاتى

انى هلاقى منك حنية

كنت بفكر ان حياتى

انت وروحى وضى عنيه

كنت بفكر فيك يوماتى

انك منى وانك ليه

ولما هترجع هتكون عادى

اتريك راجع لى بقسية

اتريك راجع لى بقسية

بقلم محمد البلاط

(ليه بتدلع وليه بتدلل) - بقلم محمد البلاط

(ليه بتدلع وليه بتدلل)
====
ليه بتدلع وليه بتدلل
وانامن حبك قلبى مولع
وبيستعطف و بيتذلل
ياللى شغلت القلب بحبك
بترجاك ان انت تكمل
وارحم قلب كثير بيحبك
وهنطيعك وهناخد منك
ونمشى معاك ونسلك دربك
بشرط تلين و يلين لنا قلبك
ياللى شغلت القلب بحبك
بترجاك ان انت تكمل
قلبنا ده اللى كان زمان
كان مناك انك توصله
ولما اتعلق بيك ولان
ليه بتتهرب ما تفسرله
ليه بتدلع وليه بتدلل
وانامن حبك قلبى مولع
وبيستعطف و بيتذلل
بترجاك ان انت تكمل
بقلم محمد البلاط