دا انت بياع للكلام - بقلم محمد البلاط

( دا انت بياع للكلام )
========

فين العهود اللى مبينا
واللى رددها لسانا
واللى بيها كانت قلوبنا
حسة انها فى جنة

فين كلامك اللى كان
معسول بحب وحنان
مين فينا اللى باع وخان
وبأيده ضيع امالنا

وجاى بعد الهجر تطلب
تانى ابقى معاك فى مركب
طب منين والجاى اصعب
بعد ما ضاع الامان

انسى تانى انى احبك
او يلين قلبى لقلبك
بعد ما عرفت حقيقتك
انت بياع للكلام

واللى باقى بس اقولك
فين العهود اللى مبينا
واللى رددها لسانا
ومين فينا اللى باع وخان

مين فينا اللى باع وخان
دا انت بياع للكلام
دا انت بياع للكلام

بقلم محمد البلاط