كذب فى كذب
==-----------==
زمان لما كان شبابى شباب ولى احباب كثير ياما
وكل منطقة ادخلها يقبلونى يحيونى بألف الف سلامة
وكانت الشهرة محدوده لناس رجالة مبسوطة
فيه اللى يقول فتوة وفيه اللى يقول علامة
ضربت منطقة بحالها رجالها ويا نسونها
عشان عيل بيلعب بلى وسرقوا منه بليايه
ورجعت تانى يوم على البيت اراجع نفسى فى الحاصل
حلفت لعتكف فى الغيط وفى السكة دى ما اواصل
وطلعت من الجراش عزة وعلقت فيها حمارى
وقولت اشتغل تاجر وكان موسم موسم بطيخ
وياما ليا فيه اصحاب دى لعبتهم وفى المريخ
وفكرت اكون قريب نزلت طنطا انا اجرب
اخذت بكوين فى جيبى يكونو عربون محبة
قبلت عمنا صابر وكان مبينا الطيب
فى حضنه ضمنى وخدنى وقالى اهلا بالطيب
وحشنا من زمن يا احمد مجيناش على باللك
مفكرتش فى احبابك وايه فكرك بينا
زيارة ولا راجينا فى كل حالة خدامك
قلولى انك زارع بطيخ مفكرتش تانى وجيتلك
وناوى ادفع العربون وفوق العربون شكرك
ضحك الحاج وقال ارضك وعربونك خلاص واصل
ده عشرتنا بمية عربون من امتى بينا فيه فاصل
نزلنا الارض نتمشى نشوف الخير وبشايره
وطلعنا الخوص نشرب شاى وادفع للأتفاق مهره
وبضرب يدى فى جيبى لقيته فاضى بمقشة
وعيب اقوله ضاعت عندك فلوسى يا حاج فى ارضك
وكان موقف اخر احراج حاولت معاه اتماشى
وقولت يا حاج فيه اسبوع وراجع ومعيا العربون
وبينا منتهى الموضوع وميدخلش اى زبون
ضحك تانى يا حاج احمد مقولت يا عم دى ملكك
اسيبها وامشى مرجعش عشان تريح فكرك
وسلمت ورجعت البيت وعدى الاسبوع ورجعت
معايا العربون وللغيط على صابر بسرعة ورحت
دفعت العربون ومبسوط وخدت للولاد نمسين
وفى السهرة الولاد شبطوا لابد نقطع البطيخ
اراضى مين فيهم الاثنين وطاير فى البيت الصريخ
ولد مصمم على واحده وبنت مصمة رخرة
وكان تفكيرى اراضى الواد ما هو اللى شايل اسمى
وقدرة قادر بفتحها تعاكس السكينة فى حاجة
وربت جنبها اشوفها لقيت البكوين فيها
شكرة الله وقولت البنت ارضيها
وبفتح نمسنا التانى لقيت فردة حلق واحده
عطيت البنت كام ملطوش وقولتلها هاتى التانية
من الصايغ على الناصية وترجعيلى فى ثانية
وعملت حصالة كبيرة وجبت ميزان بكفات
كتبت سعر البطيخ ورصتها ثلاث رصات
وعرفت الحمار مكان جوار السيد البدوى
مبين البشبيشى وعطار وبعد العصر يرجعلى
ويوم حمارنا اتأخر زهقت قعدة افكر
مش العاده وليه التأخير يكنش اتقلب فى بير
شفتنى الحاجة مش مرتاح مالك راسك فى ايه سواح
يا ستى الحمار مجاش ومش عاده فيه يتأخر
قالت جايز المرور تعبه واصبر بلاش تفكر
وطال الانتظار وقلقت لبست بلغتى وخرجت
ادور على الحمار بليل وفجئة يتكشفلى دليل
وامشى ورا اثر رجليه اتارى البيه راح صناديد
وتحت جميزة ووقفت تايه محتار لرجله مفيش اى اثار
سمعت اللى بيقولى مكانك اسبت وقولى ايه سر الليل
يا عم سيبنى انا قرفان
يشاء الواحد الحنان تكون الكلمة
يا عم سيبنى انا قرفان وخدنى جوه مغارة
فوجئت بصاحبى من الحاره باشا وسلطان لأمارة
امارة نصب وسرقة شخطت فيه بعين حارقة
فين العربية يا حرامى اشوفها حالا بعينى
فتحلى وخدت عربية وفيها جوز خيل
ومن يومها وعايش مرتاح مفيش تفكير
وسيبت الخلق بمشاكله ورزقى غير شكله
وبقيت عربجى صاحب املاك
وعندى فى الميدان حناطير
وشلله يا سيدى السيد
فى كذب فى كذب
بقلم محمد البلاط
ليست هناك تعليقات:
إرسال تعليق