===-===
ميخطرش على بالى
اكون ضحية والجانى
ويبقى العار فى زمانى
ملك وبتاج
زمن العار يا زمانى
وسلطانك جاحد غدار
وناسى الملك للمالك
وملكه ما لهوش سياج
خلاص سلمت ليه امرى
ووكلت واحد جبار
فى كل من اللى ظلمنى
وحوطلى الطريق بنار
لا جرح فى قلبى كان شافع
ولا دمع عينى نافع
ونصبو لضعفى مدافع
كأن حقهم بى ضايع
يا زمن العار
بدون رجال هنعمل ايه
بتحكمنا كلاب النار
وحتى العرض تاجرو فيه
لا شوفنالك ناصر مظلوم
ولا مظلوم يدافعو عليه
خلاص سلمت ليه امرى
ووكلت واحد جبار
فى كل من اللى ظلمنى
وحوطلى الطريق بنار
راح اعمل ايه
راح اعمل ايه
وحيدة فى وسط ديابا
ضعيفة وكبيرة الغابة
وضاع كل شىء منى
وهدوا اللى اتسندت عليه
ومش باقى لى غير ربى
هسلم ليه بس امرى
واشكيلوه زمن العار
بدون رجال هنعمل ايه
بدون رجال هنعمل ايه
بقلم محمد البلاط
ليست هناك تعليقات:
إرسال تعليق