انا جنية - بقلم محمد البلاط

انا جنية

انا جنية وعقلى كبير

وبالحنية
اجيب الفهد يكون لي اسير
اوعى تفكر عقلى صغير
او من كلمة بسيطه اتعكر
ده انا جنية
وممكن تبقى خاتم فى صباعى
وتسهر ليلك فاتح عينك
جالس جنبى وليا مراعى
ده انا جنية
ممكن نظرة بعينى فى عينك
.تسحر قلبك
تخطف منك كل حواسك
تعمل منك اكبر ساعى
تسعى لحبى وليا تراعي
لكن لازم اتعب قلبك
وطرف عينى ليك بيراعى
منا جنية
ولو فى المية
صعب عليك انك تمسكنى
افلت منك وافضل احاورك
سمكة شقيه اسمها جنية
عايز تكسب حبى وقلبى
ابقى عاملنى بالحنية
انا جنية

بقلم محمد البلاط