الناس بتهاتى وتلالى - بقلم محمد البلاط

الناس بتهاتى وبتلالى
وبتدعى على اللى كان الجانى
وفى الهم رماهم وسبهم
وقلبه من الهم ده كان خالى

طمعان وحاسد مكسبهم
وفى امله انه يخيبهم
ويعلى الواطى على رقابهم
ويوطى الطالع فى العالى
فيه ناس الشارع بقى بيتها
وناس اتقلت فى اميتها
وناس من الماية نشف غيطها
وناس بتلبس من الغالى
الناس بتهاتى وبتلالى
على حلم كلفهم غالى
اتمنو اللقمة ولو كت حاف
خدها الهفاف وقال مالى
فيه ناس املها تعيش اليوم
وبتدعى المش يا رب يدوم
ذادها المعدوم هموم وهموم
والمش سعره صبح غالى
والناس بتهاتى وبتلالى
وبتدعى على اللى كان الجانى
وفى الهم رماهم وسبهم
وقلبه من الهم ده كان خالى
بقلم محمد البلاط