اللى سقاك بأديه الحنظل - بقلم محمد البلاط

اللى سقاك بأديه الحنظل
اسقيه بأيدك طعم السكر
واصبر حبة بلاش تتعكر
يمكن يعقل يوم ويفكر

فيه فى الحب حجات كثير
والمدارى فى بطن الزير
مرة تدادى ومرة تراضى
واوقات ترمى حجات فى البير
اياك تزعل او تتحامل
علشان حبك يبقى تجامل
ولو زهقان من الناس حوليك
اتحمل ومعاه اتسامر
واللى سقاك بأديه الحنظل
اسقيه بأيدك طعم السكر
واصبر حبة بلاش تتعكر
يمكن يعقل يوم ويفكر
بقلم محمد البلاط