ما بين الحق والباطل - بقلم محمد البلاط

ما بين الحق والباطل
فيه ناس تايهين
وناس فى الحق بتناضل
وناس ظالمين

وناس بالكذب بتماطل
وهم عارفين
لفين وخدانا يا دنيا
وويا مين
فتن متوالية بالثانية
نلاحق مين
وناس فى ابراجها العالية
ومش حسين
لا صوت مسموع لمجروح
ولا دمعة على المذبوح
وحتى الروح لو غالية
ليه باب القبر مش مفتوح
لفين ولأمتى الغربة
حياتنا صعب وكربة
وطال الأنتظار بينا
ما حنت لينا يوم قربة
وبين الحق والباطل
فيه ناس تايهين
وناس فى الحق بتناضل
وناس ظالمين
بقلم محمد البلاط