بكتب ليك فى رسايلى كثير - بقلم محمد البلاط

بكتب ليك فى رسايلى كثير
طلبه الود ما بينا يسير
وبلاش تهجر ولا تتعبنا
وتعزبنا بالتبرير

عرفين انك لينا مش فاضى
وبنتحمل وكمان عادى
لكن يحلالك بعادى
يبقى عليا شىء كثير
اتعودت تكون ويايا
ليا المية وليا الزاد
ولما بتعند مرة معايا
ببقى كأنى من الأموات
جتلك فرصة تبعد عنى
منك قسوة ولا عيناد ؟؟؟؟؟
لو فى رسالة اكتب طمنى
يمكن اعرف ايه الأبعاد
لو تعبان محتاج لجراحة
هبقى طبيبتك والجراحة
وافتح قلبك كده بالراحة
وازرع فيه الحب ان راد
وان كت قسوة وعيناد منك
اسمح لى بصراحة اقولك
لو هتكون فى اخر الدنيا
مش هتتوه وهكون وراك
عرفين انك لينا مش فاضى
وبنتحمل وكمان عادى
لكن يحلالك بعادى
يبقى عليا شىء كثير
طلبه الود ما بينا يسير
وبلاش تهجر ولا تتعبنا
وتعزبنا بالتبرير
بقلم محمد البلاط

يا جدو يا طيب يا قريب - بقلم محمد البلاط

ياجدو يا طيب يا قريب من قلبى لو الناس هتغيب
راح اقولك على شىء جوايا وبلاش على قولى ده تعيب
السن ما عدش يتحمل وبنطلب منك وبنأمل
ترتاح الباقى من عمرك وعلينا الباقى راح نكمل
سيباهم فى البيت فى مناهده والماما بتطلب وهى سجده
واملها تسمع لكلامنا وتبطل ويانا معانده
عارفينك بتحب تكافح والرب فى سنك بيسامح
على وشك بانت فيه ملامح للناس العابده والذاهده
ريحنى يا جدو وطاوعنى لو مره لكلامى اسمعنى
ارتاح الباقى من عمرك وبلاش المره دى تخدعنى
ياجدو يا طيب يا قريب من قلبى لو الناس هتغيب
راح اقولك على شىء جوايا وبلاش على قولى ده تعيب

بقلم محمد البلاط

خلاص على الحب اقسمنا - بقلم محمد البلاط ( غنائى )

بنسأل ليه بينا بتغدر
وتبعد عننا وتهجر
ما كان للود بينا عبير
ولون زرعه كان اخضر

بتغدر ليه بتغدر ليه
بتغدر ليه وتظلمنا
وعارف الظلم بييعكر
وبيغير فينا الوانا
ويقلبها للون اصفر
بتغدر ليه بتغدر ليه
ما تيجى يالاه نتصافا
ويبقى بينا الوفا
ولو سألوا جرالكم ايه
نقول القلب اكتفى
وثمر الود راح نحصد
ونصنع منه بلسمنا
وبالحب هنتعهد
نداوى الجرح واثامنا
خلاص على الحب اقسمنا
خلاص على الحب اقسمنا
بقلم محمد البلاط

خلاص على الحب اقسمنا - بقلم محمد البلاط ( غنائى )

بنسأل ليه بينا بتغدر
وتبعد عننا وتهجر
ما كان للود بينا عبير
ولون زرعه كان اخضر

بتغدر ليه بتغدر ليه
بتغدر ليه وتظلمنا
وعارف الظلم بييعكر
وبيغير فينا الوانا
ويقلبها للون اصفر
بتغدر ليه بتغدر ليه
ما تيجى يالاه نتصافا
ويبقى بينا الوفا
ولو سألوا جرالكم ايه
نقول القلب اكتفى
وثمر الود راح نحصد
ونصنع منه بلسمنا
وبالحب هنتعهد
نداوى الجرح واثامنا
خلاص على الحب اقسمنا
خلاص على الحب اقسمنا
بقلم محمد البلاط

وفى بوعدك سبنى احبك - بقلم محمد البلاط ( غنائى )

لو فى البعد علاج للجرح
هنسى الفرح واعيش وياك
يكفينى قلبك طيب سمح
اذاى تطلب منى انساك
ولو راح تقسى علشان اعصى
وابعد عنك يوم واسلاك
حاول تنسى حاول تنسى
ده مفيش مرسى الا هواك
عشت العمر ده كله فى حضنك
ولما بتبعد بستناك
نار الوجد بشوفها فى بعدك
طالب منى اذاى اسلاك
وفى بوعدك سبنى احبك
واناعلى الوعد راح ابقى معاك
ولو فى البعد علاج للجرح
هنسى الفرح واعيش وياك

بقلم محمد البلاط

علشان حبك يبقى فى قلبى - بقلم محمد البلاط -( غنائى )

علشان حبك يبقى فى قلبى ) غنائى )
=============
علشان حبك يبقى فى قلبى
بحبة ود يا ريت تراعيه
دا انا من الشوق مش قدره اخبى
ولا فيه بر انا ارسى عليه
ليه مسهرنى وليه محيرنى
ما تطمنى بكلمة راضيه
وحن عليه وعليك طمنى
وقرب منى اسألنى عليه
حسه الغربة وموطنى انت
تايهة وعايشة ايامى فى شده
وكل ما يسأل قلبى عليك
اكذب اقولو يمكن عدا
واسهر ليلى اعد نجوم
فى بحر الفكر بحاول اعوم
ونار الوجد تزيد ما بتهدى
قولى هجيب على مين اللوم
وعلشان حبك يبقى فى قلبى
بحبة ود يا ريت تراعيه
دا انا من الشوق مش قدره اخبى
ولا فيه بر انا ارسى عليه
بقلم محمد البلاط

علشان حبك يبقى فى قلبى ) غنائى )

المعانى بتستخبى - بقلم محمد البلاط

اوقات بتعطر حروفى
لما يبقى فى قلبى خوفى
وارفع المكسور واحطه
جوة خانة فى رفوفى

وافتح المقفول بضبة
واجره حبة حبة
قاصد اخلط جوة كبة
المعانى تستخبى
سهل جملة تضيع منى
رغم عقلى ورغم سنى
وتجاملنى ناس كثير
على الغلط يمكن تعينى
ومفيش صاحب يقولى
وقعة منك ياابن اللى
وبالمجاملة كله سايق
وانا رايق مشية فل
قولت سيبك من النفاق
واللى رافعك للأفاق
والسياسة اتخلى عنها
من ساعتها العقل فاق
قولت خليك فى الأغانى
كله هتش وكله فانى
همشى فيها لو هعانى
او هتشبه العراق
واياك تقولى سياسة
تشبيهى بس لتعاسة
ناس اكلها الجوع فى بطنه
وناس تحب الرياسة
واختيارى انى اكتب
اى حاجة لو راح اشجب
كلنا راكبين فى مركب
متصابة بألفين رصاصة
وقاصد اخلط جوة كبة
كل كلمة تكون صعبة
واسقى مر خليطها للى
من الحقيقة بيستخبى
بقلم محمد البلاط

خايف الجفا - بقلم محمد البلاط

مريت مرور المبتلى قاصد شفا
والباب كان بيشدنى
خايف الجفا
وبينتظرنى على الرصيف
طبع الخريف بالمنشفة
فرحان هشاركه البهدلة
وحاولت ارجع لورا
بس القدر كان ذقنى
وبكيت فى ايد بترجنى
وسمعت صوت كان صوت ضعيف
كأنه نسمة فى حر صيف
بيقول هتولى احلا ضيف
وخطفنى منهم ضمنى
حسيت امان مخلوق جبان
عايش فى غابة بدون سنان
وفى لحظة كان هو الولى
وعرفت اسم محطتى
وركبت قطر اسمه الزمن
مرات يغيرسكتى
ومرات على كتفه اتركن
فى القطر كانت ناس كثير
ولكل اسم خط سير
فيه الغفير فيه الوزير
فيه شاب هادى وبنت ليل
فيه العجب كله ركب
قطر ومشواره طويل
ويمر وقت ومن التعب
حسيت بشىء منى هرب
وحاولت اسأل السبب
الصمت خدنى شدنى
مريت مرور المبتلى قاصد شفا
والباب كان بيشدنى
خايف الجفا
بقلم محمد البلاط

وسط كوم من الذكريات - بقلم محمد البلاط

بين سطورعمرى اللى فات وسط كوم من الذكريات
اتصدفت بذكرى ليا كانت معاك من غير ميعاد
فكرتنى بكل كلمة جرت احبال الوداد
ونسيت القسوة منك ونسيت حتى العيناد
وافترشت الماضى ليا واعتبرته لصبرى ذاد
والجميل منه فى ظله اعتبرته نتاج حصاد
اتصدفت بذكرى ليا كانت معاك من غير ميعاد
وسط كوم من الذكريات بين سطورعمرى اللى فات
بقلم محمد البلاط

ما تحرمنيش من طالة - بقلم محمد البلاط

ما تحرمنيش من طلة
ولو من ورا شباكك
قتلنى الشوق ومذلة
لقلب صيداه شباكك

لا بتفكر تواسينى
ولا ترسينى ايه صابك
ولا بتروح ولا تجينى
ولسه جواك عينادك
ظلمت الهوى فى حكمك
وتحلف ميت يمين ظلمك
وتغدر بالذى حبك
وانا التعبانه من هجرك
وبحلم كل احلامى
بشىء بيكسر عظامى
وجوة القلب ده ساكن
ومش شيفاه قدامى
وافسر حلمى بهجرك
وقلت حيلتى فى ظلمك
ورغم محاولاتى وعندك
بحبك لسه بحبك
ما تحرمنيش من طلة
ولو من ورا شباكك
قتلنى الشوق ومذلة
لقلب صيداه شباكك
بقلم محمد البلاط

حاولت معاك انا اوفى - بقلم محمد البلاط

حاولت معاك انا اوفى

واقدم الخير بكفى

اتارى قلبك القاسى

لا بيسامح ولا يصفى

رجعت وحزنى جوايا

وقلبى بحزنه مستكفى

غدرة ليه بهوايا

وامتى عننا تعفى

حاولت معاك ادادى فيك

وبالطيب حاولت ارضيك

وجيت على نفسى من يأسى

وقولت الحق كله معاك

اتارى قلبك القاسى

لأعذارى طلع ناسى

وغير دفة المركب

وحط الحمل على راسى

حاولت معاك انا اوفى

واقدم الخير بكفى

اتارى قلبك القاسى

لا بيسامح ولا يصفى

بقلم محمد البلاط

عايز اصرخ بأعلى صوتى - بقلم محمد البلاط

عايز اصرخ بأعلى صوتى وناس تجينى
واحكى ليهم جرح بيا وليه انينى
بس فين راح القى فيهم اللى فاهم ويواسنى
مش بكلمة ومسح دمعة جوه عينى
قولت جايز راح تجينى وتسمعينى
قولت جايز انتى وحدك تفهمينى
اسمعينى وافهمينى
عايز اقولك شىء فى قلبى
بس خايف لتلومينى
عايز احس منك انك
راضية تعطينى الأمان
وتحتوينى لو فى حضنك
والقى منك الحنان
هحكى ليكى سر فيكى
وبأيديكى ترحمينى
رمشك السكين قتلنى
وغذب عنى روحى فيكى
عايز اصرخ بأعلى صوتى وناس تجينى
واحكى ليهم جرح بيا وليه انينى
بس فين راح القى فيهم اللى فاهم ويواسنى
مش بكلمة ومسح دمعة جوه عينى
قولت جايز راح تجينى وتسمعينى
قولت جايز انتى وحدك تفهمينى
اسمعينى وافهمينى
عايز اقولك شىء فى قلبى
بس خايف لتلومينى
بقلم محمد البلاط

ما تسألش دوايا ايه - بقلم محمد البلاط

ما تسألش دوايا ايه
ما تسألش ما تسألش
الامى وحزنى خدت عليه
ما تسألش ما تسألش

يا جارح قلبى بأيدك
ما فكرتش فى يوم ترضيه
مش هيفيدك مش هيفيدك
ولا عمرك تكون تانى ليه
وسيبنى بجرحى اتألم
لا هشكى ولا هتكلم
وهطلب من الأله يسلم
وقلبى من الألم يعفيه
ولو باقى على العشرة
وعندك بالحنان فكرة
تسيب للقلب الذكرى
وما تفكرش يوم ترضيه
مش هيفيدك مش هيفيدك
ولا عمرك تكون تانى ليه
يا جارح قلبى بأيدك
ما فكرتش فى يوم تداويه
دوا المجروح مش فى النوح
ولا بكلمة تواسيه وتروح
دوا قلبى سيبه فى حاله
وعن احواله مش هيبوح
ما تسألش ما تسألش
ما تسألش دوايا ايه
بقلم محمد البلاط

مليش فى الحياة خيار - بقلم محمد البلاط

يا تعبه القلب وياكى
وواخده من حياتى سنين
بحاول ان ارضيكى
ولو راح اقضى ليلى حزين
واسهر للنجوم اشكى
وتمسح يدى دمع العين
وراضى وياكى بحظى
وقلبك عاصى ما بيلين
بفكر اهجرك وابعد
وقلبى عاصى وبيعند
ويخلقلك حجج واعذار
وراضى بنار بتتمدد
صبح بينى وبينك تار
وقلبى اللى بيسدد
مليش فى الحياة خيار
غير انى اهجرك وابعد
غير انى اهجرك وابعد

بقلم محمد البلاط

يا ريتنى ما كنت عرفتك - بقلم محمد البلاط

خلاص مليت من حبك ومات الشوق من غلبى
يا ريتنى ما كنت عرفتك ولا حبك فى يوم قلبى
حاولت بشوقى اقربلك وتبعد ويذيد هجرك
وحيرت الهوى فى طبعك لا قابل شكوى ولا اعاتبك

خلاص مليت من حبك وقلبى قفل الأبواب
لا عاد بيسأل عنك ولاهمو بعاد وغياب
وما تفكرش راح احايلك ولو كثرة كثير اسباب
يا ريتنى ما كنت عارفتك وكنا لبعضنا اغراب
ما كنش الجرح يألمنى ولا لتفكير يسلمنى
ولا اندم على انى هوايا فى اختيارك خاب
خلاص مليت من حبك ومات الشوق من غلبى
يا ريتنى ما كنت عرفتك ولا حبك فى يوم قلبى
بقلم محمد البلاط

صبح الصباح - بقلم محمد البلاط

صبح الصباح
والرزق مستنى العمل
انسى اللى راح
جدد فى نفسك الأمل
وارضى بسماح
وكون للصبر الجبل
مخلوق لكد وكبد
ولحمد واحد يتعبد
هو الاحد هو الصمد
اياك تشرك بيه احد
فتح عنيك وارقع ايديك
ده كل شىء لو ملك ليك
لجل الأله يتذهد
هو اللى واهبنا الحياة
هو امالنا وكل جاه
كسبان اللى ينول رضاه
خسران اللى يوم نساه
فتح عنيك وارفع ايديك
واحمد واشكر الأله
الدود مرزوق فى الحجر
شاكر وحامد ما ضجر
والطير لو ساب الشجر
مكتوبله رزقه فى سماه
اسعى واحمد ربنا
واطلب تنول منه رضاه
صبح الصباح
والرزق مستنى العمل
انسى اللى راح
جدد فى نفسك الامل
وارضى بسماح
وكون للصبر الجبل

بقلم محمد البلاط

ما تسألش هجرتك ليه - بقلم محمد البلاط

ما تسألنيش هجرتك ليه
وعيد الماضى من الأول
هتعرف صبر كان قد ايه
وليه معاك ده طول

حايلتك واشتريت ودك
وقلبك صد و اتحول
وقولت اصبر عليك يمكن
فى يوم الحال يتعدل
وضاع العمر يوم ورا يوم
وبتجرع من كاسات لهموم
لا صبرى كان ليا شافى
ولا عن كتفى خف هموم
اقضى الليل سهرانة
وعينى مجافيها النوم
فى بحر الفكر غرقانة
وحيرانه ما عرفه اعوم
وجاى تسأل وتتحايل
وتندب حظك المايل
ما ضاعت ايام عمرى
بأيه تانى راح اجامل
ما تسألنيش هجرتك ليه
وعيد الماضى من الأول
هتعرف صبر كان قد ايه
وليه معاك ده طول
بقلم محمد البلاط

كلامى شكوى من المى - بقلم محمد البلاط

بكلمة بمسح دمعى
واواسى نفس حيرانه
واحاول اقيد تانى الشمع
واسد من الحيرة خانة

يقولوا ده كلام شعر
لناس فى الحب هيمانه
ما حسوش اللى انا حسه
ولا بصو لجوانا
كلامى شكوى من المى
ومن حيرة ملزمانى
يخط بيها القلم
ويطويها الورق تانى
لا قدرها ولا شالها
لا القاسى ولا الدانى
ومن حرقتها والمها
فى قلبى لسه وجعانى
وطن تاه منه عنوانه
وناس كرام اتهانو
فيه المغنى اساس وعمود
والرقاص خدامه
كان بيعطى وصبح شحات
كبيره جبلنا الهتهات
وباع الارض سى عواد
قلبها مقبرة لأموات
كلامى شكوى من المى
ومن حيرة ملزمانى
يخط بيها القلم
ويطويها الورق تانى
بقلم محمد البلاط

سر السعاده كلمة فى ورق - بقلم محمد البلاط

سرالسعاده كلمة فى ورق
ودوا العياده سطر فى ورق
وكل الافاده سطرفى ورق
واخرها كله بيتحرق

كتبت شعرى على الورق
اشكى الألم للى خلق
والفين شهادة وتنسرق
رغم ان المجد برق
عرفو انى شاعر بالألم
وانسان مجاهد محترم
لا جاملت يوم اللى ظلم
ولا اللى جاى من عدم
سألونى ايه بتسعى ليه
وايه اللى نفسك تبقى فيه
لو كنت من ضمن الخدم
هتنول رضانا وتبقى بيه
انا قولت يكفينى الورق
لو حتى كان هيتحرق
والحرف لو راح يتخنق
يمكن يلاقى اللى شاريه
ما خلاص معدش فيه ادب
واللى عايشها اللى ركب
قطر النفاق خلاص كسب
مفيش مكان باقى لينا فيه
يا كل شاعر محترم
يا كل كاتب كان هرم
اطوى الورق واحفظ ما فيه
يمكن فى يوم حد يلاقيه
جراب القلم خلاص اتخرم
سرب مداده الباقية فيه
والشعر بيته اتهدم
حتى الأدب ما عدش فيه
نطت كلاب المحترم
بمالها لمت الزمم
كسب اللى باع حبت ورق
وابن الاصول دمه اتحرق
سرالسعاده كلمة فى ورق
ودوا العياده سطر فى ورق
وكل الافاده سطرفى ورق
واخرها كله بيتحرق
بقلم محمد البلاط

زمن الخسة - بقلم محمد البلاط

زمن الخسة لسه ولسه
ياما هنشوف منه وافعاله
اللى يطاطى ينام متعشى
وسهل يعشى معاه جيرانه

زمن الفكر وزمن الحيرة
زمن اتقتلت فيه الغيرة
زمن اتهدمت فيه معابد
واللى اتعمر ابو حصيرة
بقى للرقص كاسات وشهايد
والدرجات بوسام وفوايد
اللى هيرقص فيه هيعدى
واللى هيعصى للسنة عايد
يمكن يبقى من الضالين
ويعيش كل حياته حزين
انه مكنش فى وسط الزيطه
واقف جد وكان معين
زمن الماما بقت رقاصة
وجدو وبابا ماسكين ماشة
بيخدمو على المعازيم
وكله قشاشة فى قشاشة فى قشاشة
زمن الخسة لسه ولسه
ياما هنشوف منه وافعاله
اللى يطاطى ينام متعشى
وسهل يعشى معاه جيرانه
بقلم محمد البلاط

يا قلب يا مجروح - بقلم محمد البلاط

يا قلب يا مجروح
يكفى البكا والنوح
وبلاش لحد تبوح
ان حبيبك راح

استكفى بالذكرى
جايز يجى بكرة
ويكون رجوعه مسموح
بطيف او رؤية
اتذكر الماضى
وعيش عليه راضى
واعتبره لسه معاك
وخدالامور عادى
قدرك ونصيبك
لابد يصيبك
ارضى بقدر الله
لو حتى فى حبيبك
دايما فى كاس الصبر
الطعم اصله المر
مين فى دخول القبر
كان برضاه وحر
اشرب وكون راضى
وخد الامور عادى
واعتبره لسه معاك
وابقى عليه نادى
جايز يجى بكرة
ويكون رجوعه مسموح
بطيف او رؤية
يا قلب يا مجروح
بقلم محمد البلاط

هصبر نفسى فى بعادك - بقلم محمد البلاط

هصبر نفسى فى بعادك
بنظرة من بعيد لبعيد
ومهما ان طال عينادك
فى شوفتك راح تكونلى العيد
ولو قدرلى نسيانك
هتفضل شىء جوه وريد
لقلبى بلسمه الشافى
ونسمه تهل فى المواعيد
وهفضل اروى شوقى بشوق
واسقى لقلبى كاس الصبر
واقوله اهدى حبة وروق
وليك خيار يا اما تفوق
هتفضل على الوفا باقى
يا اما من العزاب تدوق
هصبر نفسى فى بعادك
بنظرة من بعيد لبعيد
ومهما ان طال عينادك
فى شوفتك راح تكونلى العيد
هصبر نفسى فى بعادك

بقلم محمد البلاط

سلمت لعيونك امرى - ( غنائى ) - بقلم محمد البلاط

يا رموشك الجارحة وفى عيونك انا تهت وتاهت افكارى

وده لون الورد على خدودك حيرنى وقلبلى احوالى

بتسبل وتقولى كلامك لا انا فاهمك ولا عارف حالك

ومراكبى تاهت فى بحورك ما تحن ووصلنى لبابك

علمنى اللهجة وكلامهم وصدقنى عمرى ما هسيبهم

ميال لهواهم وغزالهم وبتمنى اكون يوم خيالك

بس اهدى عليا وبالراحة يا ابو خد حتة تفاحة

طيرت النوم من عيونى ولقلبى قليت الراحة

وبرغم الوجد واحوالى من بعد ما كنت انا خالى

سلمت لعيونك امرى وانا قابل تبقى انت الجانى

تقتلنى برمشك تدفنى فى جفونك انا قابل انى

لو حتى بنظرة تجننى بس افضل موجود فى النن

وكفاية عليا ان انى تايه غرقان جوه بحورك

يا رموشك الجارحة وفى عيونك انا تهت وتاهت افكارى

بقلم محمد البلاط

ما بين الحق والباطل - بقلم محمد البلاط

ما بين الحق والباطل
فيه ناس تايهين
وناس فى الحق بتناضل
وناس ظالمين

وناس بالكذب بتماطل
وهم عارفين
لفين وخدانا يا دنيا
وويا مين
فتن متوالية بالثانية
نلاحق مين
وناس فى ابراجها العالية
ومش حسين
لا صوت مسموع لمجروح
ولا دمعة على المذبوح
وحتى الروح لو غالية
ليه باب القبر مش مفتوح
لفين ولأمتى الغربة
حياتنا صعب وكربة
وطال الأنتظار بينا
ما حنت لينا يوم قربة
وبين الحق والباطل
فيه ناس تايهين
وناس فى الحق بتناضل
وناس ظالمين
بقلم محمد البلاط

اخر مرة هعاتبك فيها - بقلم محمد البلاط

اخر مرة هعاتبك فيها ليه احسيسى دوست عليها
فاكرة ايامى معاك وبحبك ليه هجرة وليه نسيها
صمتى النار اللى بتكونى وهو سؤال بس مخلينى
لسه بفكر فيك ونسينى ودمعى ما جف فى يوم من عينى
فينك انت وفين خلتنى روحت هجرة ولسه فايتنى
وانا من جهلى وطيبت قلبى حنيت ليك فى يوم ما شكتلى
كنت بتلعب بيا يا قاسى وبأحسيسى وعقلى وراسى
طب ليه قلبى ظلمته معاك بعد ما كان على شطك راسى
فاكر الحب سعادة وصافيه واللى تحبه يكون بالعافية
ياللى ظلمت الحب معاك لا انا غيرك فاهمة وعارفة
اتحملت قساك وعمايلك رغم الغدر وكثير طعنك
وده علشان من قلبى بحبك ولما احتاجك مش لقياك
فينك انت وفين خلتنى روحت هجرة ولسه فايتنى
وانا من جهلى وطيبت قلبى حنيت ليك فى يوم ما شكتلى
اخر مرة هعاتبك فيها ليه احسيسى دوست عليها
فاكرة ايامى معاك وبحبك ليه هجرة وليه نسيها

بقلم محمد البلاط

اتعلمنا ولسه علام - بقلم محمد البلاط

اتعلمنا وشوفنا كثيرشوفنا سمك فى السما بيطر

شوفنا الجحش يصارع وحش شوفنا اسد للكلب اسير

اتعلمنا كثير من ناس تفهم معنى ايه الاحساس

ولو هزموهم يوم فى لقاهم يبقى دواهم نار ورصاص

اتعلمنا من الايام وباقى فى العمر كثير علام

لما نفوت على ناس بأدبنا نلقى تحية والف سلام

اتعلمنا الرقص حرام وعيب على الوسط يكون خدام

للى يراضى واللى يقاضى واللى هيدفع مبلغ كام

اتعلمنا نكون بأدبنا وسط الناس الماس وذهبنا

ولو فى يوم حصل وغضبنا يبقى بحسن أخلاق عتابنا

اتعلمنا ولسه علام مهما تمر من الأيام

نبقى كرام لوحظنا سبنا وما نسمحش نكون خدام

مره نهز الوسط بأستك ونعمل وش يكون بلاستك

والمصارين جونا تتفرتك ونقول كله تمام فى تمام

اتعلمنا ولسه علام

بقلم محمد البلاط

اخر كلامى - بقلم محمد البلاط

اخر كلامى ارحلى

انا قلبى مستكفى كثير

وفى الوداد ما تفكرى

ردمت على الحب فى بير

ما تفكريش انى هعيش

تايه ومشوارى طويل

دا انا لو مفيش فيه ليا ريش

هقدر بنفسى انى اطير

بس ارحلى وما تفكريش

فى الدنيا غيرك دى مفيش

دا انا لو مفيش فيه ليا ريش

هقدر بنفسى انى اطير

بقلم محمد البلاط

مش هنسى الجرح والماضى - بقلم محمد البلاط ( غنائى )

مش هنسى الجرح والماضى
ولا هنسى فى يوم صدك
قبلت وكل شىء عادى
وحتى الهجر وبعدك

مش هنسى ذكرى ايامى
ولا فرحى ولا خصامى
ولا هنسى ان احلامى
هدمها انت بيدك
فى انفاسى واحساسى
وذكرى ساكنة فى راسى
بردد ليه كان غدرك
ومين فينا كان القاسى
وجوة القلب شيلها
حاولت كثير انا انساها
لكن القلب ده عاصى
وشايل جرحى ويها
صنعت القسوة والمرة
وذكرى عمرى ما انسها
ما فكرتش ولا مرة
تعالج حتى بدوها
وعايشة راضية بالقسمة
بحاول ادارى بالبسمة
واقول جايز تيجى نسمة
تحسسنى بغلاها
مش هنسى الجرح والماضى
ولا هنسى فى يوم صدك
قبلت وكل شىء عادى
وحتى الهجر وبعدك
مش هنسى الجرح والماضى
بقلم محمد البلاط