عشنا الحياة بفرحها - بقلم محمد البلاط

عشنا الحياة بفرحها
فى سهرة وفى ليلة
جمعنها كلها
وشوفناها بعنينا

انا وحبيبى اللى كان
فى خيالى بتمناه
تبدلنا حب وحنان
مع غيره مش هلقاه
حضن الحنان والوفى
خدنى فى دفا وياه
قبل ما اضمه صفا
وضمنى بأديه
ونزلنا بحر الهوى
توهنا سوى جواه
ويقولى انا اللى غوى
وانا قولتلو بهواه
وعشنا الحياة بفرحها
فى سهرة وفى ليلة
جمعنها كلها
وشوفناها بعنينا
بقلم محمد البلاط