ملكش فى الطيب نصيب - بقلم محمد البلاط

ملكش فى الطيب نصيب
============
طبعك عجيب
امرك غريب
يا شعب شبعان الاعيب
ملكش فى الطيب نصيب
ملكش فى الطيب نصيب

بتهين اللى يريحك
وتحب اللى بيجرحك
وتحنى الرقاب لو للكلاب
لو حتى باعو مطرحك
لو حتى باعو مطرحك
قالولنا نيلنا اتخرم
وهم اللى ضيعوه
حتى تاريخنا والهرم
فى مزاد علنى واجروه
والجوع بينهش معدتك
وكلاب حاكم ضلتك
ما تقولى فين حريتك
يا شعب بيخون ابوه
ويهين اللى يريحو
ويحب اللى بيجرحو
ويحنى الرقاب لو للكلاب
لو حتى باعو مطرحو
ملكش فى الطيب نصيب
ملكش فى الطيب نصب
بقلم محمد البلاط

اسطورة مصر مقبرة الغزاة - بقلم محمد البلاط

أسطورة مصر مقبرة الغزاة
==============
هل تعلم أخي المسكين أن:
* الهكسوس احتلوا مصر حوالى 246 سنة
* الاشوريين احتلوا مصر 16 سنة
*الفرس احتلوا مصر 80 سنة
*الفرس رجعوا احتلوا مصر 11 سنة و على فكرة مش احنا اللى خرجناهم من مصر لا ده المقدونيين اللى وحدوا اليونان جم طلعوهم و قعدوا هما و احنا قاعدين نتفرج
* المقدونيين احتلوا مصر بقيادة الاسكندر الاكبر سنتين
* البطالمة اللى هما اصلا مقدونيين برضه كملوا احتلالنا لمدة 300 سنة وعلى فكرة بعد الــ 300 سنة احتلال اوعى تفتكر ان احنا اللى طلعناهم لالالالالا ده الرومان بقيادة اوكتافيوس هما اللى جم طلعوهم و قعدوا مكانهم و احنا قاعدين نتفرج
* الرومان احتلوا مصر 360 سنة وطبعا عاشوا فيها و تاجروا و واتجوزوا وماتوا واتدفنوا فى مصر مقبرة الغزاة وبرضه بعد الــ 360 سنة دول كلهم اوعى تفتكر ان شعب مصر العظيم صحى من النوم ده البيزنطيين هما اللى جم طلعوهم واحتلونا مكانهم
* البيزنطيين احتلوا مصر 310 سنة وبرضه بعد الــ 310 سنة دول كلهم اوعى تفتكر ان شعب مصر العظيم صحى من النوم لا برضه ده عمر بن العاص هو اللى جه طلعهم يعنى برضه مش المصريين اللى طلعوهم و على فكرة كل جيش عمرو بن العاص كان 4000 واحد بس .
* يعنى مصر قعدت 983 سنة تتفرج على الدول اللى تيجى تحتلها و يحاربوا بعض و ده ييجى مكان ده و احنا قاعدين نقزز لب و نتفرج على بلدنا و هى بتتنهب من كل الجنسيات اللى فى العالم
* و كان اى خليفة يعين علينا اى والى و احنا مالناش رأى و حكمنا خلفاء عندهم 10 سنين و حكموا علينا نشتغل بالليل و ننام بالنهار و ممنوع اكل الملوخية و سمعنا و اطعنا
* ده غير بقى ان احنا البلد الوحيدة اللى حكمها العبيد 300 سنة و عبيد من كل حتة فى العالم باسم دولة المماليك ده غير انهم قعدوا 700 سنة العبيد هم قادة الجيش و امراء و وزراء و احنا قاعدين نتفرج و العالم كله يضحك علينا !!!!!
و الاتراك جم استلمونا و عينوا علينا اكتر من 100 حاكم مفيش مصرى يعرف اسم واحد فيهم و اللى ما يعجبهمش كان ممكن يعدموه بالخازوق
*الفرنسيين جم احتلوا مصر 3 سنين و دى فعلا المصريين قاوموهم بجد و اضطروهم للانسحاب بس ما استلموش سلطة و خدها محمد على الالبانى و اولاده حكمونا و الانجليز احتلونا فى ايامهم
*الانجليز احتلونا 72 سنة
وفى الاخر يقولك مصر مقبرة الغزاة ... طب ازاى
هى فعلا مقبرة الغزاه لان الغزاه كانوا بيجوا يقعدوا فيها لحد ما يموتوا هما وولادهم واحفادهم
وتحية لك وللهوس الموجود داخل عقلك واعلم ان هناك الكثير من الأساطير التى اوهمنا بها من حكمونا او نحاول ان نوهم انفسنا بها عسى ان نتناسى حالنا وما نحن عليه والله المستعان
محمد البلاط

ارسم البسمة لحبايبك - بقلم محمد البلاط

ارسم البسمة لحبايبك
اللى وافقك واللى عاندك
ازرع الحب فى قلوبهم
تلقى كل الدنيا جاتلك

تبقى انت اللى حبيبهم
يعشقوا قربك وودك
لو تغيب فى يوم عنهم
يسألو الدنيا عنك
بالمحبة حبة حبة
ارضى جارك واللى جنبك
ولو يميل الدهر ميلة
عنهم حجز بيدك
ايه من الدنا هتاخدو
غير رضاه عنك ووعده
بس وفى وكون مصفى
واجعل الحب ده ورده
واختمه بسماح وتعفى
ارسم البسمة لحبايبك
اللى وافقك واللى عاندك
ازرع الحب فى قلوبهم
تلقى كل الدنيا جاتلك
بقلم محمد البلاط

ليه يا حب قاسى قاسى - بقلم محمد البلاط

حبيبى اللى معاهدنى
و بالود ده مواعدنى
ما اعرفش ليه معاندنى
وبيفكر فى الخصام

بيغيب واترجى قربو
وده بس عشان بحه
بتحمل القسية
مهما طالت عليا
ومش شايفه منه نية
على اخلاص او كلام
ليه يا حب قاسى قاسى
ومحمل على راسى
ويا الناس بتراضيهم
ومعايا بس عاصى
وحبيبى اللى مواعدنى
لا فاكرعنى يسأل
ولا حتى بيساعدنى
وحارمنى من السلام
هشكى لمين خصامك
ياللى جف كلامك
وقساك اصبح مرادك
وفرض وانتقام
وبتحمل القسية
مهما طالت عليا
ومش شايفه اى نية
على اخلاص او كلام
ليه يا حب قاسى قاسى
ومحمل على راسى
ويا الناس بتراضيهم
ومعايا بس عاصى
حبيبى اللى معاهدنى
و بالود ده مواعدنى
ما اعرفش ليه معاندنى
وبيفكر فى الخصام
بقلم محمد البلاط

غضب ونار - بقلم محمد البلاط

غضب ونار
بتكشف كم من الأسرار
وتكشف سر الخاين
وتكشف فجر الفجار
اوامر ابليس العاصى
وتنفيذها بأيد صرصار
تسلم قدسنا وناسى
برغم الضعف فى الامة
وقلة حيلة وهمة
لكن الامورلما
بتوصل من الحضيض قمة
تلاقى الطفل فيها نار
غضب ونار
مخطط خططه ابليس
وتنفيذه بأيد جواسيس
تروح القدس لصهاينة
واعلامنا بفرحة يهيص
ويطعمنا العسل فيه سم
فاكر ان الجميع ملاحيس
بقدسه عمره ما هيهتم
وشرع الله صبح اراطيس
بيأكل فيها الترمس
على نيله اللى ضاع فطيس
وغازه اللى اتهدى ليونان
وجزره اللى راحت لخسيس
غضب ونار
صحيح راح يبقى غضب ونار
من العواجيز من الاطفال
من اللى بهمهم راضين
ولبسو ثوب ذل وعار
من اللى لقمته ضاعت
من اللى اسمهم ثوار
ولو المرة دى قامت
هيهرب الأسد كالفار
ويدارى اللى كان راجل
وقاضى ظالم وجبار
وكل لحاس الجزمة
هيدارى كما الصرصار
غضب ونار لشرع الله
ما منه فرار
بقلم محمد البلاط