ناس بتعبد الفلوس - بقلم محمد البلاط

مين اللى حارس من اللى صاين
اللى باع وطنه وخاين
وفى عقيدته بيده فرط
حتى قدسه عليه هاين

مين اللى قال بأنه مسلم
والأيمان فى قلبه كامن
عايش العمر بيحلم
يملك اللى فيه ساكن
مين يا ناس خان اهل بلده
واللى حنو فى يوم عليه
مين اللى سهل يبيع ولده
ولو يشوف ابوه نسيه
ناس بتعبد الفلوس
وقلبهم حقد مليه
للجزم ممكن تبوس
لجل عز يعيشوا فيه
اى عز بعد دينكم ؟؟؟؟
ياللى للأله خونتم
فى جلسة فيها الخمر صافى
بعتو القدس وقبضتو
والثمن كان الخياينة
للديانة وللأمانة
لجل كرسى وعرش فانى
حطتو الامة فى مهانة
والف كلب ليكو حارس
فار وفاكر انه فارس
لو يبعد لحظة وحدة
يبقى واحده من العوانس
مين اللى حارس من اللى صاين
اللى باع وطنه وخاين
وفى عقيدته بيده فرط
حتى قدسه عليه هاين
ناس بتعبد الفلوس
وقلبهم حقد مليه
للجزم ممكن تبوس
لجل عز يعيشوا فيه
بقلم محمد البلاط