تغريبة وطن (ضد مجهول ) بقلم محمد البلاط

تغريبة وطن ( ضد مجهول )
انا المسطول والقاضى فاهم شغله
وفيه اوراق ودلائل بتوصفله
طلبت منه تحرى لأمر تايه ومدارى
كلامه ماكنش مدارى

فاهم شغلى مكانك والتزم الصمت
تسوق العند هزلك وراسك فى مقام رجلك
دليل الجانى مش موجود برائه الجانى من التهمة
عليك راح تقوم لحدود
يا قاضى الجانى قاتلنى وعينك شايفه السكين
ومتلحوسه بدمى ليه حكم العدل خل معاك
واسلوبك بيظلمنى قسمت معاهم التركه
وحطتنى داخل بركه ودم الناس صبح مهدور
وتنصر ظلمه ليه على نور
طب القناص جاى منين
وصورته متشافه بالعين
وقاتل لاقط الصورة
اقل ما فيها برصاصتين
يا ابنى قولتلك اسكت والا الحبس همدد
قاتل نفسك وجاى ترمى بتهمه على المظاليم
جزاتك تتحبس العمر وشنقك منتظر له الأمر
كلاب امثالك اتطاولو على سيدنا وصاحب الامر
يا قاضى والأله مظلوم وراجع الأمور فى نور
وراعى الرب الحاكم وجيب الحق للمظلوم
نطق القاضى حكمنا
برائة للملك حسنى
والقاتل دليله مجهول
بقلم محمد البلاط