ما تطولش الغيبة عليا - بقلم محمد البلاط

ما تطولش الغيبة عليا
ياللى غيابك اثر فيا
وجعل السهد ونيسى وويلى
وليلى جمر عليه مرميه

انا علمنى حبك ليا
اكثر من اللى بشوفو بعنيا
واكثر من احساس حسيتو
لما بشوف منك حنية
انا دوبنى الشوق فى غيابك
ونظرى لبابك كان فيه غية
ورغم ضنايا كثير فى بعادك
كنت بشوفك فيه بعنيا
واوهم نفسى بطيفك انك
يمكن جاى تطل عليا
واجرى عليك احضن اوهامى
يمكن يهدى شوية غرامى
القى سراب شيفاه قدامى
والقى دموعى كثير فى عنيا
تايهة ما بين انها تواسينى
ولا حزينة عشانى وعليا
وده علشان حبك ليا
اكثر من اللى بشوفو بعنيا
واكثر من حساس حسيتو
لما بشوف منك حنية
ما تطولش الغيبة عليا
ياللى غيابك اثر فيا
وجعل السهد ونيسى وويلى
وليلى جمر عليه مرميه
ما تطولش الغيبة عليا
بقلم محمد البلاط

انا مش انا - بقلم محمد البلاط

انا مش انا انا مش انا
بعد اللى شوفتو من ضنى
ولا عاد فى قلبى فيه امل
انى اشوف يوم الهنا

توهتنى حيرتنى
وعملت هجرك مسكنى
تعبتنى غلبتنى
وما عدت عارف مين انا
بين الطيور مكسور جناحى
نام اللى نام وانا اللى صاحى
سهران اسكن فى الالم
بالصبر مره ومره بنوحى
انا مش انا انا مش انا
ولا قلبى يوم عرف الضنى
ولا شاف هموم ولا اتحنى
الا اما حبيتك انا
وتوهتنى حيرتنى
وعملت هجرك مسكنى
تعبتنى غلبتنى
وما عدت عارف مين انا
انا مش انا انا مش انا
ولا عاد فى قلبى يوم امل
انى اشوف يوم الهنا
بقلم محمد البلاط

انا مش زعلانة انى فارقتك - بقلم محمد البلاط

انا مش زعلانة انى فارقتك
ولا ولا زهقانه
وكفاية عليا انى عاملتك
وبكل امانة

بلتمس العذر لافعالك
وكثير افعال عديتهالك
محاولتش يوم تعدل حالك
والرد خيانة
مع اقرب مالى وبتخنى
وانا كنت فاكرة راح تصنى
اتريها اتجرت فى طريقك
وغلطت وخاب فيكم ظنى
والناس فاكرينى انا زعلانه
او حتى فى صحبتى حيرانه
صدقنى بقولها بأمانة
انا مش زعلانة انى فارقتك
بس اللى شاغلنى وتعبنى
وضميرى فيه مأنبنى
الصبر اللى معاك صبرته
واخرها بجرح تعزبنى
كنت اغدر بيا مع الاغراب
وبلاش تقرب للأحباب
تجرحنى وتقفل فى الأبواب
بخيانة ما تشبه لخيانة
وانا مش زعلانة انى فارقتك
ولا ولا زهقانه
وكفاية عليا انى عاملتك
وبكل امانة
بقلم محمد البلاط

افتحى يا سجون ببانك - بقلم محمد البلاط

افتحى يا سجون ببانك نفسى اقراء ذكرى كانت
مكتوبه بدمى ودمعى وسنين من عمرى ضاعت
على الحيطان سجلها صبرى وكان قبرى وكنت ساكت
بس صوت مسجون فيكى بالدعاء لله شكيكى
شاف منام تصبير من الله تفسيره بيقوله هانت
قولى للسجان سلاسلك فى الأيدين حنت ولانت
للى كان مسجون فى سجنك رغم شعر رأسه شابت
رغم جلدك فيه وظلمك للأله صابر وعابد
منتظر وعد الأله والقصاص منك وساكت
افتحى يا سجون ببانك

بقلم محمد البلاط

بيع ضميرك والوطن - بقلم محمد البلاط

بيع ضميرك بيع كرامتك
بيع واقبض الفلوس
عمرى يوم ما احترمتك
عارف انك من الجاموس
ترضى الجانى بشهادتك
وبشهادة تضيع رأوس
قولى ليه ميلت بختك
وبقيت انسان جاسوس
لا حافظت شرف اختك
وعلى بنتك بتدوس
بيع ضميرك والوطن
اللى كله بيتركن
جوه حضنه وليه سكن
وانت مش انسان حسيس
كل كذبك سطره
فى قصائد صوره
لو فيه ناس هتقدره
يبقو شبه الخسيس
اصل زمن العوالم
للهزق بيكرمه
واللى صلى واللى صايم
بالرصاص بيخرمه
يبقى بيع وعيش يومك
الشياكة تكون هدومك
مش مهم تكون خسيس
ولا تهتم بلومك
بيع ضميرك بيع كرامتك
بيع واقبض الفلوس
الخيانه شىء فى دمك
افعى ليها ست رأوس
بيع ضميرك بيع كرامتك
بيع واقبض الفلوس

بقلم محمد البلاط

خلاص طعم المذلة باخ - بقلم محمد البلاط

خلاص طعم المذلة باخ
..............................
بعالج حزنى بصمتى

وجوايا عويل وصراخ
ولو هنطق فيها نهايتى
خلاص طعم المذلة باخ
راح انطقها بصوت عالى
ولو قالوا اتهبل وشاخ
ويكفى ان يبقالى
شرف وتاج فى العالى
ولو مشنوق بحبال
هتعمل ايه فى انسان داخ
بيتمنى يفوت اليوم
ولو يقضى الباقي له صوم
ليه فاكرينا فى الحياة دى فراخ
ومسنونه سكاكينكم على رقابنا
ونصيبنا العويل وصراخ
خلاص طعم المذلة باخ
راح انطقها بصوت عالى
واقولك انت الجانى
وقاتل الجنين والشاب
وقالب الحياة للكرب
وقالل قيمة الانسان
وعليت المقام الكلب
بعالج حزنى بصمتى
وبشكى بدمعتى للرب
وجوايا عويل وصراخ
خلاص طعم المذلة باخ
بقلم محمد البلاط

انا مش هانسى لكنى هسامح - بقلم محمد البلاط

انا مش هانسى لكنى هسامح

يمكن ترجع تانى لامبارح

اتعودت اسامحك ياما

والقى الرد منك جارح

والمره دى ما نافعه ملامه

لو هتعيدها بكل امانة

هقطع كل الود مابيان

وتبقى مابينا دى علامة

مش راح اعاتبك

ولا راح الومك

بس هقولك

الله يصونك

بعد كرامتى فيه اه تانى

وايه صبرنى عليك خلانى

اقبل عذرك منك واغفر

وانت بتهجر وبتنسانى

انا مش هانسى لكنى هسامح

بقلم محمد البلاط

عنوان لوهم كنت فيه - بقلم محمد البلاط

عنوان لوهم كنت فيه
انك ملاك وعشقت ليه
طلع سراب وهمنى بيه
وطلعتى اكبر مشكلة
وخداع ربطت نفسى بيه
كنت بشوفك بلبلة
وحروف جميلة مسطره
بماء الذهب منورة
زهرة فى جنة مزهره
وده كله كان وانا من بعيد
قربت منك اكتشفت
ان انا جاى من الصعيد
بعد ما شوفت وفهمت
طبع اللى قالواعنه كيد
وانا كنت فاكرده كلام
مظلومة بيه من اللئام
اتريه حقيقى وكان تمام
ومعايا نفسى عملتى بيه
ما خلاص فهمت لعبتك
المسكنة ودمعتك
اناكنت ماشى فى سكتك
اتريه طريق خدعنى بيه
عنوان لوهم كنت فيه
انك ملاك وعشت ليه
وطلعتى اكبر مشكة

بقلم محمد البلاط

عشمان كثير فى ربى - بقلم محمد البلاط

عشمان كثير فى ربى
يغفرلى الذنوب
عاصى وعرفت ذنى
ونويت خلاص اتوب

ومستكفى يا دنيا منك
ولا عدش ليا حاجة
اسايسك واتحايلك
بطلت الساذاجة
غدارة كثيرفى طبعك
لو اخذتى او اعطيتى
ما انا اصلى كثيرمتابعك
ياما مر لناس سقيتى
كان قلبى بك حاسسس
من يوم ما جيت عليكى
الكل كان جالس
وانا ببكى وبشتكيكى
جيتلك للهم اشيل
خفيف او كان ثقيل
ما انا كنت الأسير
وده اللى يراضيكى
مستكفى والجراب
مليان بكل حاجة
عايز اتسجل غياب
بطلت السازاجة
ومستكفى يا دنيا منك
ولا عدش ليا حاجة
اسايسك واتحايلك
ما انا مسلم مش خواجه
مستكفى يا دنيا منك
مستكفى يا دنيا منك
بقلم محمد البلاط

سوريا اللى كانت من الجنة - بقلم محمد البلاط

دندن يا حزن وبوح
بلحن الألم على الجرح
اصل خلاص الفرح
ما عدش فيه الروح

مش باقى غير الندم
وايه يفيد مجروح
والصبر اصبح عدم
حتى العدم مذبوح
رحلو اللى كانو يحبونا
وكنا ليهم نستنى
نفرح بيوم فيه يجونا
وللمجيه بنتمنى
سألنا رحلو راحو فين
واصبح دمار كله وطنا
ومفيش مكان لدمع العين
غير انه يبقى داخل منا
سوريا اللى كانت من جنة
دول دمروها واتهنا
ضاعت وضاع كل امالنا
مش باقى فيها غير النوح
على طفل كان فى المهد جديد
ورجل عجوز ولكنه سعيد
وطفلة فرحانه بفيونكه
وام بتجهز للعيد
دندن يا حزن وبوح
بلحن الألم على الجرح
اصل خلاص الفرح
ما عدش فيه الروح
بقلم محمد البلاط

انا مش هقول للحب ده اه - بقلم محمد البلاط

انا مش هقول للحب ده اه
ولا هتمنى ولا اجرى وراه
يكفى النار اللى تركهالى
جوه القلب وتعبه معاه

سهر الليل ده علمهولى
ودمع العين ما مسحهولى
واستنيته كثر ومجالى
وتعب القلب كثير وياه
سيبنى فلى حالى خلاص هنساك
ولا عاد قلبى هيترجاك
ياما تعبت من افعالك
ياما تعبت كثير وياك
ضحكو عليا وقالو فى الحب
راحت بال وفرح القلب
قولت اقرب منه واجرب
طلع الوهم وكذب فى كذب
جرى دموع العين سهرنى
وفى مواعيده كثير حيرنى
مره بيسعد الف يهينى
قولت خلاص بطلت احب
سيبنى فى حالى يا حب وبعد
انا منك بالله بستنجد
جاى تعيد الماضى وجرحه
ليه تانى فى الامى تجدد
انا مش هقول للحب ده اه
ولا هتمنى ولا اجرى وراه
يكفى النار اللى تركهالى
جوه القلب وتعبه معاه
بقلم محمد البلاط

اتعلمت ازاى انا اسامح - بقلم محمد البلاط

اتعلمت ازاى انا اسامح
بعد الجرح اللى جرحتولى
وده علشان مش شايفه ملامح
انك يوم هتطببهولى

اتعلمت اصفح واجرب
يمكن يوم الصفح يقرب
اللى بعيد ومفكر يهجر
واللى الغذب عليه واتغرب
اتعلمت الدرس وكان لى
فيه مرار وبسم محلى
ورغم القلب ما حس وقالى
قولت اسامح مره واجرب
ردك كان غدر وقسيه
جرح كرامة وبدون دية
حتى القلب نويت ليه النيه
واعاتبك بتحاول تهرب
جرح فى قلبى جرحتوا بأيدك
ايه من جرحى راح هيفيدك
دا انا بتألم لما بتحزن
واحزن لما بشوف تنهيدك
اتعلمت القسوة فى قلبى
وبتحمل واحاول اخبى
لكن يظهر ده كان ذنبى
وبيخلص منى على ايدك
واتعلمت اصفح واجرب
يمكن يوم الصفح يقرب
اللى بعيد ومفكر يهجر
واللى الغذب عليه واتغرب
محمد البلاط

ليك رموش جارحة ومعاندة

دوبونى وتوهونى توهونى
فى بحر حبك دول رمونى
دول رمونى
لا بشوق وصلت شطك
ولا حتى بيرحمونى
ونار بتكوينى فى بعدك
وحيرة من كثر ظنونى
لا انا عارفة ابقى جنبك
ولا حتى بيسبونى
دوبونى توهوننى توهونى
فى بحر حبك دول رمونى
دول رمونى
ليك رموش جارحة ومعاندة
وعيون بالناظرة قاتلة
يذبحو اللى يبص ليهم
ووراهم يمشى خطوة
وانا اللى بجهلى بيهم
ابتليت وما عدت قادرة
لاانا عارفة اكسب رضاهم
ولا شايفه منه فايده
ولا بوصل لهواهم
ولا حتى بالمقايضة
فى بحر حبك دول رمونى
لا بشوق وصلت شطك
ولا حتى بيرحمونى
دوبونى وتوهونى توهونى

بقلم محمد البلاط

مين على هجرك يوم يتحمل - بقلم محمد البلاط

مين على هجرك يوم يتحمل
وفين الصبر اللى راح يكمل
انا طول وقتى بحاول اتأمل
ليه القلب ده داب فى هواك

بتقسى وتبعد ومعايا تعند
ورغم بعادك بستناك
وانت يا ريتك يوم بتسعد
او بتحن فى يوم برضاك
قدرى احبك واكون ملكك
ولما تغيب انا استناك
لكن يظهر اللى فى قلبك
ساكن تانى غيرى ملاك
ليه يا هجرنى ليه مجننى
تاعب قلبى وبترجاك
انا احساسى داخل منى
بيطمنى كثير فى هواك
لكن فكرى كثير شغلنى
ايه اللى جبرنى استناك
مين على هجرك يوم يتحمل
وفين الصبر اللى راح يكمل
انا طول وقتى بحاول اتأمل
ليه القلب ده داب فى هواك
ليه القلب ده داب فى هواك
بقلم محمد البلاط

اقسى قد ما تقسى - بقلم محمد البلاط

اقسى قد ما تقسى
وانا لعمايلك هنسى
وده علشان يا حبيبى
ليك فى القلب معزه

بتدلل و بتبعد
وتخلف لما بتوعد
ياما معى بتعند
وبجددلك فرصه
انسى يا حبى انسى
مهما معايا هتعصى
انا برك والمرسه
ومهما تغيب راح ترسى
اطمن مش هعاتبك
ولا راح اقولك مالك
انا بس اللى شغلنى
ايه غير احوالك
بتدلل و بتبعد
وتخلف لما بتوعد
ياما معايا بتعند
وبجددلك فرصه
اقسى قد ما تقسى
وانا لعمايلك هنسى
وده علشان يا حبيبى
ليك فى القلب معزه
بقلم محمد البلاط

امتى يا غربة يكون فيه اوان

امتى يا غربة يكون فيه اوان
انا من البعد كثير تعبان
ده اللى حكالى ان انتى جميلة
يظهر انه ده كان سكران

امتى يا غربة تحنى علينا
يا بوداع او يوم تنسينا
ده احنا تعبنا كثير وقسينا
ايه اللى باقي لنا من الايام
زمن الحيرة
زمن الغيرة
زمن القرش بقالو كلام
امتى يا غربه تقولى سلام
اللى اتغرب قاصد مال
واللى مناه يربى عيال
واللى طفش من ظلم الظالم
جورتى عليه وصبح شيال
امتنى يا غربة يروق الحال
المعتوه قالى يا فوال
واللى عطفنا عليه فى الماضى
فاكر نفسه صبح خيال
امتى تحنى وتخلينا
بكلمة احنا استكفينا
ولا خلاص ناويه تذلينا
ببعد وحوجة ايد للمال
ابنى كبر ومفيش غير صورة
عكس يا غربة ما انا اتصورته
كان فى منايا انه هيتعلم
جورتى عليه وصبح عتال
امتى يا غربة امتى يا غربة
امتى يا غربة يكون فيه اوان
انا من البعد كثير تعبان
بقلم محمد البلاط

سلملى على عز احبابى - بقلم محمد البلاط

سلملى على عز احبابى
وبلغهم بالشوق وعزابى
وعرفهم ان انا مستنظر
ومفتح على طول ابوابى

بلغهم ان انا بتألم
من البعد ومش قادر اتكلم
بستنظر منهم مرسال
لو حتى عليا هيسلم
سلملى وقولو من خلك
بيتمنى ريحتك وظلك
ما تقولو ايه اللى داخلك
من هجره وليه اللخصام
سلملى على عز احبابى
سلملى عليهم يا حمام
وبستنظر بالرد تجيلى
تطمنى تخلينى انام
سهرنى الشوق وفى عينى
الدمع ما بيجف كمان
والوجد يوماتى مخلينى
على خلى كثير انا قلقان
سلملى على عز احبابى
سلملى عليهم يا حمام
بقلم محمد البلاط

مين علمنى ازاى انا احبك - بقلم محمد البلاط

مين علمنى ازاى انا احبك
مين علمنى ازاى اهواك
انا من لهفة قلبى وشوقى
بتغيب عنى وبستناك

واسعد لما بشوفك جنبى
وجوه عنيك الشوق بتخبى
واللى قارئه احساسى وقلبى
وده خلانى كثير اهواك
انا بتمنى يقولها لسانك
عايزه اسمعها تهز كيانك
تقولى ابيع الدنيا عشانك
منا من قلبى بترجاك
دقات قلبى مش بتخبى
لو بتغيب بتقول عايزاك
ليه بتخبى ليه دقاتك
وانا بتمنى اكون جواك
مين علمنى ازاى انا احبك
مين علمنى ازاى اهواك
بقلم محمد البلاط

ها ابيع الارض منها ارتاح - بقلم محمد البلاط

هاابيع الارض منها ارتاح
.....................
انا الفلاح والمعدوم
انا اللى الضرب فيه بالشوم
وما قولتش فى يوم الااااه
ولا عندى فى الدولاب هدوم
بتكلوا كدى وخيرى
ومش لاقى تانى غيرى يأكلنى
مفكرتش لو هبيع حمص ؟؟؟
فى مولد او فرح هرقص
راح اكل منه وهلبس
واكون انسان ونبقى جيران
وكله يقولى يا ريس
واجيب اللحم والمفروم
ومستورد ولو كان ثوم
ونبقى نشوف مين المهمو
ومين هيكون فينا زعلان
بتكلوا كدى وخيرى
ومش لاقى تانى غيرى يأكلنى
هنحسبها بحسبه ورص
واكتب كل ما امليك
ورص الحسبه ورايا
فيه كام مترفى الفدان
خالى من حد وقنايه
وفى المتر هتزرع كام
لو الحسبه بخصايه
واحسب الثلاثه بجنيه
وطلع ثمن الشاتله
وجاز الرى بالمكنه
والجرار لحرت الارض
وشاتلها كانوا كام فرد
وتقطيعها وتسويقها
وكيماوى يروقها
وايامى اللى شاقيتها
وعرق الارض
بتكلوا كدى وخيرى
ومش لاقى تانى غيرى يأكلنى
وان قولت يا ناس الااااه
عليا بشومه تتانى
هبيع الارض منها ارتاح
واعيش انا وانت وولادنا
فى بلدنا كما السواح
واتنطط واتمرد على غيرى
وسيبنى ارتاح
انا الفلاح
بقلم محمد البلاط

ودع حبيبك ودعه - بقلم مجحمد البلاط

ودع حبيبك ودعه ودع حبيبك
وبلاش بجرح توجعه يمكن يصيبك
لو كنت فعلا بتراعيه كنت تحس باللى فيه
مش كل كلمة تبقى ليه يقصد يهينك

ودع حبيبك ودعه ودع حبيبك
وبلاش بجرح توجعه يمكن يصيبك
الحب مش اخد وعطا الحب اكبر من كده
الحب فرش وغطا مفهوش خداع
وان عز انك تسمعوا يبقى عليك تودعه
وبلاش بفعلك تخدعو وتعمل ملاك
الحب مش اخد وعطا الحب اكبر من كده
الحب فرش وغطا مفهوش خداع
وان كنت بتحب اصتبر يمكن يجيلك يوم خبر
تعرف حقيقته وتنجبر ويدوم معاك
يا تودعه وبلاش بجرح توجعه
ودع حبيبك ودعه
ودع حبيبك
بقلم محمد البلاط

علمتنى معنى السهر - بقلم محمد البلاط

علمتنى معنى السهر
علمتنى عد النجوم
ازاى عليا يا قمر
جى النهارده ولى تلوم
بعد ما عشت الكدر
وشلت الهموم

مش بأيديك كان هجرنا
ونسيت عهودنا ووعدنا
وقصدت بعدك عننا
فى عز الغيوم
هى المحبه بالميعاد
ولا بيحيها العيناد
ولا يذيدها البعاد
علشان بتهجر حينا
سهرى اللى كان وياك زمان
وقته انتهى وملوش مكان
واليوم سهرى من الالم
بدموع بتنعى الحنان
علمتنى معنى السهر
علمتنى عد النجوم
ازاى عليا يا قمر
جى النهارده ولى تلوم
بقلم محمد البلاط

الباشا غير لائق طبيا - بقلم محمد البلاط

الباشا غير لائق طبيا
واعطوه معفاه
ورفعوه بالاعلام فنيا
فيه كرت معاه

والفقرى خدوه يحمى حدودها
ومية قفه لقفاه
ماهى بلد الكوسه وتعبدها
وبلد اللى معاه
وياك رقاصه هتكسبها
وتكون الباشا على ابوابها
وان حظك كان كله تعاسه
مشاكلها كلها تشربها
ماهى بلد الكوسه والكرات
من القهر صاحبها طق و مات
وقسمها الباشا اللى قلولو
يا صديق الفن والبهوات
تسترجل تاخد على راسك
وتعيش ذليل فى حياتك
هتاطى تعدل انفاسك
وتعيش ما بينهم دول ناسك
فى الذنقه تلقاهم جنبك
لو حتى محدش بيحبك
مقبول ومعاك مقبول فعلك
وتاخد معفاه
الباشا غير لائق طبيا
واعطوه معفاه

اخر مسجد كان فى طريقهم - بقلم محمد البلاط

اخر مسجد كان فى طريقهم
لما عانيدهم دول هدوه
سمعو اذان منه بينادى
الله اكبر ليه يسيبوه

كان جواه الفين ارهابى
والف صاروخ جواه حطوه
هو الدين بقى دين وهابى
ولا صهاينه امه وابوه
سمعو اذان منه بينادى
الله اكبر ليه يسبوه
وده فى الشرع شىء وعادى
شرع البابا اللى يمشوه
زمن الفن اللى بيتكرم
واللى يقول الله يتخرم
واللى يجامل ويكون طوعهم
لو كان قاتل دول يسبوه
اخر مسجد كان فى طريقهم
لما عانيدهم دول هدوه
بقلم محمد البلاط

لما بتموت الشهامة - بقلم محمد البلاط

لما بتموت الشهامة
تنتظر من الخلق ايه
يعلى مقدار اللمامة
والفقير ينداس عليه

ما تفتحش فى شىء ميت
ولا تعتب يوم عليه
معتقد ان سى سيد
والذباب لامم عليه
قلب خالى من المحبه
معتقد انه اللى بيه
لا عرف كيف تربى
لا سمع ولاه حتى بيه
يمشى بين الناس يفاخر
انه شهم وليه مفاخر
لو تشوف سيرته الكريمه
تلقى انه ذيل فى اخر
اخر الخلق اللى جونا
فى زمن محتاج ليمونه
وعلى الطباع فينا لمونا
والصغير فيهم ده فاجر
لما بتموت الشهامة
اوعى تفتح للملامة
راح زمن وجيه زمن
حللو فيه الخيانه
لما بتموت الشهامة
بقلم محمد البلاط

ليه نسيتى الماضى ليه - ( غنائى ) بقلم محمد البلاط

ليه نسيتى الماضى ليه واللى بينا ليه تبعيه
هى ايامنا اللى كانت وهم عشناه ولا ايه
ابتدينا ببسمه حلوه وكلمة طببت الجروح
قولتى ليا احلى غنوه قلبى بيها كان يبوح

افتخر واحس انى ليا مع روحى روح
ناسى ان وان انى فى البواقى مفيش وضوح
قولت اصبر بكره تعبر الف احراج وسفوح
واعتقدة ان الكسوف مانع اللسان يبوح
اعتقدك شىء مصفى وقولت للوفا هتكفى
ولو فى يوم الم بيا تكون البلسم وتشفى
اتارى جواكى مخبى حجات وصعبة الوصفى
ذبحتى بأديكى قلبى وجيه اليوم فيا تشفى
نسيتى كل الطيب وحتى اللى كان قريب
هرب الوفا وغيب وجايه تقولى نسيتينى
ليه نسيتى الماضى ليه واللى بينا ليه تبعيه
هى ايامنا اللى كانت وهم عشناه ولا ايه
بقلم محمد البلاط

ليه الدنيا بتلعب بينا - ( شعبى ) بقلم محمد البلاط

ليه الدنيا بتلعب بينا
داحنا تعبنا كثير وقسينا
وبنتمنى يوم فيه نفرح
يمكن نسعد وينسينا

جاى حبيبى يقولى سلام
بح خلاص ولا عدش كلام
واللى مابينا لو كان جنة
راح تنساه مع الايام
انا مش ناوى احب اه تانى
ولا اتواصل مع خلانى
ده اللى تعبنى كثير خلانى
اعرف ان الحب كلام
بعد ما كلنا العيش والملح
جرح قلبى بألفين جرح
جاى مستخصر فيا الفرح
بكل بساطه يقولى سلام
ليه الدنيا بتلعب بينا
داحنا تعبنا كثير وقسينا
وبنتمنى يوم فيه نفرح
يمكن نسعد وينسينا
حتى الاهل بقت اغراب
ما بيقفلش عليهم باب
ينسو الحلوه بدون اسباب
والمعطوبه تتجاب لينا
واللى صاحبتو وكان لى الصاحب
لما احتاجتو لقيتو ده غايب
كنت تملى اعمله الواجب
ساعت الذنقه بح وراح
انا مش ناوى احب اه تانى
ولا اتواصل مع خلانى
ده اللى تعبنى كثير خلانى
اعرف ان الحب كلام
ليه الدنيا بتلعب بينا
بقلم محمد البلاط

مش هقدر الومك على هجرك - بقلم محمد البلاط

مش هقدر الومك على هجرك
ولا اعاتب ابدا افعالك
يمكن بظنونى انى ظلمتك
او عمر الحب ده ما زارك

بتغيب الغيبه وتطول
وبتكتم عنى اسرارك
وانا شاكه فى غيبتك من الاول
وملاحظه عليك قلبت حالك
ان كنت غاويها وحببها
انا مش عصياك
يمكن فى نصيبك ونصيبها
بس ابقى معاك
وان حكمت حكم وكان قاسى
روح هاتها معاك
راح اشيلك بحوايه فى راسى
ومش هترجاك
وبلاش المكر والاعيبك
تتسحب تانى مش هسيبك
ما تصارح وتقول ايه عندك
هسمع للاخر مش اقاطعك
وان كانت البلوه دى من فعلك
هبقا مسمحاك
مش هقدر الومك على هجرك
ولا اعاتب ابدا افعالك
بقلم محمد البلاط

اغنية ( انا علمنى الصبر احبك ) - بقلم محمد البلاط

انا علمنى الصبر احبك
واتعلمت الصبر بحبك
ليه محاولتش ليه بحنانك
تكسب قلبى واكسب ودك

عمر القلب فى لحظة ما خانك
ولا فكرت انى ابعد عنك
رغم الجحد وطولت بالك
انا علمنى الصبر احبك
غيب على قد ما تقدر غيب
انا فى الدنيا ما ليش حبيب
اهجر واثقل وبلاش تسأل
وانا بالصبر هاخف واطيب
بترجاك وادادى فى حبك
يمكن ليا يلين يوم قلبك
وده مش شىء غريب وعجيب
اتعلمت الصبر بحبك
و ان طال ليلى وقمرى ده غاب
وانت هجرت بدون اسباب
هستناك يمكن راح ترجع
انا مش هقفل ابدا باب
انا علمنى الصبر احبك
واتعلمت الصبر بحبك
ليه محاولتش ليه بحنانك
تكسب قلبى واكسب ود
بقلم محمد البلاط

بحاول انسى دقاتك - بقلم محمد البلاط

بحاول انسى دقاتك
ودموع العين اخبيها
واتناسى فى لوعاتك
وادارى اللى حاصل ليها

يا عينى جففى دمعك
يا قلبى ما حدا سمعك
فى نار الشوق بنتقلب
وناس الشوق ما يجيها
هنشكى لمين ونتكلم
وصوتنا اتكتم واتحاش
ماكافى علينا نتألم
عشان نرضى اللى راح ولا جاش
امانة يا قلبى ريحنى
بلاش بالشوق تفضحنى
بتتألم وتألمنى
وسهل عليه يجرحنى
عابر لسبيل وفاتنا وراح
تارك فينا الام وجراح
ليه فى التوهه وراه سواح
وتألمنى بكا ونواح
يا عينى جففى دمعك
يا قلبى ما حدا سمعك
فى نار الشوق بنتقلب
وناس الشوق ما يجيها
بحاول انسى دقاتك
ودموع العين اخبيها
بقلم محمد البلاط

فين العرب - بقلم محمد البلاط

فين الشيلان فين السيوف
ورقص الرجال منغير كسوف
فين اللى قالو انه بطل
ولاه اتركن على الرفوف

فين الرجال فين العرب
ولاه ماحسوش بالغضب
ولا فكرو يتصورو
فى قعدة فيها لحم ورطب
فين الشهامة والغضب
لما كبيركم يتركب
وبقينا للنار الحطب
فين العرب فين العرب
فين الخناجر والجمال
ولا الحزام منكم ده مال
وفراغكو بس لجمع مال
والضبع فى الجد هرب
حكام بتلعب بالفلوس
ساقو الشعوب ذى الجاموس
اكبر كبير فيهم جاسوس
واحنا التيوس ونقول عرب
فين العرب فين العرب
ولاه ماهوش وقت وسبب
جمر بياكل ارضنا
واحنا فى نار ذى الحطب
فين العرب
بقلم محمد البلاط

انا مش عشان القلب حبك هتكسر - بقلم محمد البلاط

انا مش عشان القلب حبك هتكسر
ولا هشتكى منك لناس ولا اقول ايه اللى حصل
لجل الكرامة اشرب مرار ولا بالاهانة اشرب عسل
وان كان طعام الذل لحم افطر بصل

اياك تفكر هجرى هيكون السلاح
اللى يحط من كرامتى وليه سماح
انا يدفنونى على الحياة
ولا انى اقبل الجراح
انا مش عشان القلب حبك هتكسر
ارحل وغيب كما تشاء
انا عمرى ما اشكى من الفراق
وان يوم فكرت الرجوع
اياك ويايا الرياء
بعطيك ما يعطى لحبيب
واحزن على يوم تغيب
والقى فى داخلى شىء عجيب
القلب منى بيتعصر
وانا مش عشان القلب حبك هتكسر
بقلم محمد البلاط

بتعاتبنى ليه ببوحى - بقلم محمد البلاط

بتعاتبنى ليه ببوحى
ما عاتبتش ليه نفسك
ده اللى جوه القلب هو
هو هو هو جرحك

بالحرام توصف اهاتى
وبالحلال ليه بيه تهاتى
واللى عندى صعب ليا
واللى عندك شىء عادى
هى من امتى الذنوب
فرقوها على القلوب
قلب يعصى ويتسمحلو
وقلب ملهوش يتوب
واللى بيا وجوه قلبى
هى نية فيها حبى
قولت انطق بيها مره
وبلاش انى اخبى
جاى تلومنى وتعاتبنى
على اللى ما هوش بيدى
ولا كان فى يوم فى ودى
لكن اعمل ايه لقلبى
بتعاتبنى ليه ببوحى
ما عاتبتش ليه نفسك
واللى جوه القلب هو
هو هو هو جرحك
بقلم محمد البلاط

عارفه ايه الحب عندى - بقلم محمد البلاط ( شعبى )

عارفه ايه الحب عندى ولا عيندى حب ليكى
ايوه هرخى لو تشدى وبالمحبه اداديكى
والعوازل لو حكولى او غازلنى شك فيكى
يبقى معنى الحب راح واللى باقيه الجراح
ولو عينيه الصمت خدها وقلبى بالحزن ما باح
والحياة فقدت وجودها وانتهى عهد السماح
مش هعاتبك ولا اقولك ليه ده كان
يكفى بس البعد عنك فى امان
واطوى على القلب ضلوعى
واطفى بنفسى شموعى
واشكى للنفس واعاتب
قلبى اللى اداك امان
عارفه ايه الحب عندى
ولا عيندى حب ليكى
بقلم محمد البلاط

ابنى يا بنا وكله معاك - بقلم محمد البلاط

ابنى يا بنا ابنى يا بنا ابنى يا بنا وكله معاك
يد بيد وملناش حد
الا امالنا ومش هنعصاك
لجل ما تفضل مصر الجنة
يد بيد الكل معاك

ابنى يا بنا ابنى يا بنا ابنى يا بنا وكله معاك
مهما تطول المدة هنصبر
علشان نعبر من الاشواك
واللى يحاول بينا يوم يغدر
يبقى اختار النار وهلاك
بس يكون تخطيطك جد
و ما يوردش على بال حد
مصر تاريخها كبير وغالى
ومهما يهدو فيه ما يتهد
ابنى وقبل ما تعلى مبانى
عين الف حارس وغفير
لتكون انت عليها الجانى
وكل شقانا فى لحظة يطير
بالصواريخ حوط مبانيها
وبسواعدنا راح نحميها
ويكون عندك رادع جد
للى يفكر يوم يأذيها
ولو الحالة اشتدت بيها
رب السما اللى هيحميها
وابنى يا بنا ابنى يا بنا ابنى يا بنا وكله معاك
ابنى مصانع تلم الضايع
متخليش ناس تترجاك
وابنى المجد وشىء كان شايع
نمشى يا عم بجد وراك
خلى اليد العامله الحره
بعد ما شافت ايام مره
تسعد لم تكون لها راجع
هتكون راضيه وتستناك
وابنى يا بنا ابنى يا بنا ابنى يا بنا وكله معاك
والزنازين كسر وافتحها
علشان ايه شايل مفاتيحها
خلى العقل يا عم يفكر
وقلوب ناس كثير ريحها
يمكن عدل الله لو عاد
ابواب خير راح يفتحها
وكل شىء ليه ميعاد
والمستوره مش هيفضحها
وابنى يا بنا ابنى يا بنا وكله معاك
بقلم محمد البلاط

لسه زعلان منى ياللى - بقلم محمد البلاط

لسه زعلان منى ياللى
الحنان بسقيك تملى
كنت بصبر لو تغيب
واجادل فى الهوى ظنى

سهل تهجرنى وتقسى
واللى بينا كله تنسى
قلبى ما كنش يطاوعنى
على الخصام وكان بيعصى
كنت عاتب او تلومنى
وما يقولوش انه مخاصمنى
قلبى رغم الجرح فيه
فى الهوى عمره ما خنى
لسه معتبرك حبيبه
والالم فيه ده نصيبه
ومهما الخلان يغيبو
يفضلو دول حته منه
لسه زعلان منى ياللى
بالحنان بسقيك تملى
كنت بصبر لو تغيب
واجادل فى الهوى ظنى
دا انت اقرب من القريب
جوه قلبى وحته منى
يعمل ايه بس الغريب
لما يلقلك ظلمنى
لما يلقلك ظلمنى
بقلم محمد البلاط