بهواك وهواك ده بيذبحنى ( شعبى ) بقلم محمد البلاط

بهواك وهواك ده بيذبحنى
لا بنام الليل ولا يسمحلى
اتألم انا من افعالك
ولا ازعل وانت تصالحنى

بداديك واراضيك وبتتمنع
وعلينا كثير بتدلع
لو قولنا بعادك ده تعبنا
تغضب وبغضبك تتسرع
وتهاجر وتسيب حتتنا
يا بتبعد ونحس نسيتنا
يا دروبك كلها تتحول
من اى طريق رايح بيتنا
كان ذنب القلب بأنه هواك
بتلطم فيه وتعبته معاك
احلف بالله وعلى المصحف
لو تغضب تانى ان انا هنساك
بهواك وهواك ده بيذبحنى
لا بنام الليل ولا يسمحلى
اتألم انا من افعالك
ولا ازعل وانت تصالحنى
ادلل وعلينا براحتك
كام مره عاملها وسامحتك
لكن تهجرنا وتنسانا
صدقنى ما يلزمنيش حبك
الهجر مع الشك خيانه
وظنونك منها انا تعبانه
لو اقولك الهجر تعبنى
نظراتك القها حيرانه
الحب اخذ وعطيه
ومن الله كان لينا هدية
اخلصلك وتخلص ليا
متكنش النيه تعبانه
بهواك وهواك ده بيذبحنى
لا بنام الليل ولا يسمحلى
اتألم انا من افعالك
ولا ازعل وانت تصالحنى
بقلم محمد البلاط

منى ليكى وصفه سهلة - بقلم محمد البلاط

منى ليكى وصفه سهله
لو حبيبك حيرك
وان تعبتى ماعدتى قادره
انا بيها هفكرك

اكتبى كل اعترافك
واحكى فيه على اللى فى قلبك
واحلفى ان ما شافك
اى انسان الا حبك
واسأليه ليه المناهده
واطلبى منه انه يهدى
واوعديه انك هتبقى
وافيه وياه فى المعاهده
وان عصى ابقى اذبحيه
واختارى سكينه بارده
اصل يظهر ان فيه
جوه عقله حاجه شارده
والنصيحه منى ليكى
تغسلى منه ايديكى
بس قبل ما تسبيه
اضمنى كل اللى ليكى
وصفه سهله وببلاش
فيها فايده للى عاش
وتقوليها للحبايب
واللى غايب ومجاش
وتبقى يوم ردى عليا
وتقوليلى ملهش ديه
او تقولى لسه عايش
وعقله فى المنخوليه باش
محمد البلاط

تانى ليه بيفكرونى - بقلم محمد البلاط

تانى ليه بيفكرونى
بيك وبالايام وعمرى
بعد ما تعبت ظنونى
بعد ما نسيت التجنى

كنت فاكره فى عمرى باقى
واللى باقى كان همى
وابتدى يحل الخريف
واللى ضايع كله منى
تانى ليه بيفكرونى
باللى شتتلى ظنونى
واللى حاولت اصالحو
رده كان هجر ولمونى
ويقلولى اذاى ده كان
نسيو كل ايام زمان
نسيو جرحى اللى بيا
حتى فرحى نسوه كمان
نسيو ان الجرح فيا
نسيو حتى دموع عينيه
نسيو ان لسه بيا
جمر ما هداش ولا لان
ومهما انسى او راح انسى
هلقى فين تانى الامان
اللى باعنى بعد عهدى
فى الشريعة اسمه خان
تانى ليه بيفكرونى
بيك وبالايام وعمرى
بقلم محمد البلاط

بلمسة ايد وبحضن وكلمة - بقلم محمد البلاط

بلمسة ايد وبحضن وكلمة
هيروح منى الحزن والمى
ولوبصيت فى عينى ببسمة
يبقى وصلت لحلمى واملى
مين راح يعرف غيرك انت
يفهم معنى دمعى وشجنى
انا فكرت كثير فى بعادك
ورغم عينادك وظلمك ليا
خايفه عتابى يكون ده صابك
او حسيت منه بأذيه
انا مشتاقه كثير مشتاقه
ترجع ليا
واوعى تفكر انى نسيتك
دا انت النور اللى فى عينيه
وان عذالى يوم وصفولك
وصف عليا
اوعى تصدق لو يقولولك
دى عيناديه
بلمسة ايد وبحضن وكلمة
هيروح منى الحزن والمى
ولوبصيت فى عينى ببسمة
يبقى وصلت لحلمى واملى
مين راح يعرف غيرك انت
يفهم معنى دمعى وشجنى
انت البلسم وانت دوايا
انت اللى قدامى وورايا
انت الاصل لكل حكاية
وانا من غيرك صوره فى مرايا
متصدقش كلامهم عنى
دا انت العين والروح والنن
لو بتغيب القلب بيتعب
ووجودك جنبى يطمنى
بلمسة ايد وبحضن وكلمة
هيروح منى الحزن والمى
ولوبصيت فى عينى ببسمة
يبقى وصلت لحلمى واملى
مين راح يعرف غيرك انت
يفهم معنى دمعى وشجنى
يفهم معنى دمعى وشجنى
بقلم محمد البلاط

انسانى وانسى زمنى - بقلم محمد البلاط

انسانى وانسى زمنى
والماضى واللى راح
وبلاش تعيد فى ماضى
هيقلب الجراح

وان كنت انت فاضى
والقلب ليه براح
انا قلبى قلب عادى
بيتأثر بالجراح
بعت الدنيا ونسيتك
ونسيت عنوان بيتك
وحاولت عنك ابعد
ليه بتعيد حواديتك
انسانى انسى انسى
ولعقلك مره اعصى
واسأل قلبك يدلك
على تانى غيرى مرسى
معدش فيا باقى
ولا ليك معايا فرصه
والذهد عارفه دائى
لما القلب بيعصى
انسانى وانسى زمنى
والماضى واللى راح
وبلاش تعيد فى ماضى
هيقلب الجراح
بقلم محمد البلاط

مستنياك يوم عيد ميلادى وفرحتى - بقلم محمد البلاط

مستنياك يوم عيد ميلادى وفرحتى
يمكن لقاك منديل يجفف دمعتى
مستنياك مستنياك مستنياك
يوم عيد ميلادى وفرحتى

انا قولت افكر حضرتك
بأيام خلت فى محبتك
يمكن تحن وتفتكر
دمعه عشانك سيلت
يمكن ميلادى يفكرك
ويعيد معاه الذكريات
وتحن ليه ويجرجرك
وننسى اللى بينا واللى فات
نحيي المحبه بكلمتين
لو نقضى وقت على انفراد
ويكون عزولنا اعمى العنين
ونقول خلاص خصامنا مات
مستنياك يوم عيد ميلادى وفرحتى
يمكن لقاك منديل يجفف دمعتى
مستنياك مستنياك مستنياك
يوم عيد ميلادى وفرحتى
بقلم محمد البلاط

اسألى اليام عليهم - بقلم محمد البلاط

اسألى الايام عليهم
ايه تاريخهم وماضيهم
اللى بالكلمة راضوكى
وباعوكى بأيديهم

اسألى ارضك ونيلك
كنتى ايه وصبح مصيرك
ضيعو اسمك ورسمك
قطعو عليكى ثوبك
اسألى وفيه الف شاهد
اللى خارج واللى وارد
اسألى ابن السبيل
واللى فى المحراب عابد
اسألى كل المقابر
واللى عدا عليها عابر
واللى ليله فيها غابر
واللى لجلك فيها صابر
اسألى حتى الصبايا
اللى لعبتهم مرايا
مين اللى جرجرهم وهانهم
مين اللى لبسهم قضايا
اسألى يمكن تحسى
فين وصلتى وفين وصلنا
اتعدم انا فيا حسى
بعد ما اتدهور حالنا
حتى شجر الصبر عاصى
زهره يفتح او يواسى
واللى باقى شىء فى راسى
انتى فين وفين امالنا
حلمنا بقى شىء بعيد
واللى فيه دايما نعيد
كل يوم ندفن شهيد
انتى فين ضاعت عيالنا
انطقى وريحينا
عبد الحميد والاخ مينا
قالو كلهم الوغى
بكره دور مين فينا
ولاه بتعزى اللى خاين
واللى باشا واغا
وافتريتى على اللى صاين
واللى عليه اتبغى
اسألى يمكن تحسى
فين وصلتى وفين وصلنا
اتعدم انا فيا حسى
بعد ما اتدهور حالنا
اسألى الايام عليهم
ايه تاريخهم وماضيهم
اللى بالكلمة راضوكى
وباعوكى بأيديهم
بقلم محمد البلاط

اكتب تعليقًا...

مش خساره العمر والروح لو تروح - بقلم محمد البلاط

مش خساره العمر والروح لو تروح
لجل سعدك يا وطن لو بالجروح
انت بلسمنا ودوانا
انت شمسنا وسمانا
انت اللى بيك نبوح
انت العهد وامانة
الشهاده ليك سعاده
واجب اترقى لعباده
اللى نالها خد افاده
انه كسبان مش خساره
مش خساره الدمع يجرى علشانك
فين نلاقى حضن تانى فيه حنانك
كسب اللى فداك بروحه
وبجروحه مات عشانك
يا وطن اهل وعيله
يا وطن ارض وجيره
يا وطن ملناش سيره
الا مجدك وكيانك
عشت وعاشت حبايبك
دمنا فدوه عشانك
واتخسف بالارض خاينك
واللى باعك واللى هانك
مش خساره العمر والروح لو تروح
لجل سعدك يا وطن لو بالجروح
مش خساره مش خساره مش خساره
بقلم محمد البلاط

عايشه اعد دقايق عمرى - بقلم محمد البلاط

عايشه اعد دقايق عمرى
وانا بستنى لقاك يا حبيبى
لو كان بأيدى اوكان بأمرى
كنت طفيت النار ولهيبى

وافضل طول الوقت معاك
اصل الهجر وبعدك عنى
ده مجننى وذاد تعزيبى
بستناك واستنى لقاك
كام مرسال شيعتو وراك
وده علشان بهواك يا حبيبى
اقضى ايامى وعمرى عشانك
بس انول رضاك
عايشه اعد دقايق عمرى
وانا بستنى لقاك
بقلم محمد البلاط

مد ايديك خدنى يالاه - بقلم محمد البلاط

مد ايديك خدنى يالاه من حنينى وضمنى
اطفى شوق اللهفه بيا وفى عينيه اقرا حالى
يمكن انك بوصالى مهما كان عليك دلالى
تبقى سهل فهمتنى

زود الود اللى بينا عايزه احس انى فى جنة
واللى عليه اتفقنا سهل لكل الامانى
بس قرب منى حبه واوعى فى كسوف تستخبى
انت بتحاول تدارى وانا اللى بقول حبه
مد ايدك خدنى يالاه من حنينى وضمنى
بره شكى وظنونى بالحنان ده تشدنى
قولى بس كلمة حلوه بالامل هتمدنى
وابقى ليك بسمه وغنوه وانت بالحب الغنى
مد ايديك خدنى يالاه من حنينى وضمنى
اطفى شوق اللهفه بيا ومن ظنونى شدنى
بقلم محمد البلاط

فهمهانى يا فكيك وبراحتك - بقلم محمد البلاط

اللى واخدها سياحه وراحه
ما يهموش جرح المجروح
واللى فاكر الدنيا فصاحه
ما يهموش لو كانت هتسوح

مين فى بلدنا غير ولادنا
اللى بجرحو شبعان نوح
بلد الساده وصبحت عاده
واحنا عبيد ليهم بنروح
فهمهانى يا فكيك وبراحتك
هسمع ليك ورينى فصاحتك
فين الغاز والجاز والماية
وقلت ليه فى الارض مساحتك
مين كان ناوى ومبيت نية
يهتك عرض بناتنا وعرضك
فهمهانى وقولى براحتك
مين اللى سجن الحرمه واختك
الارهاب بقى اكل كباب
ضايعه ولادنا بدون اسباب
فهمهانى وقولى براحتك
مين اللى فتح السكه وباب
فهمهانى يا فكيك وبراحتك
هسمع ليك ورينى فصاحتك
الجرجير بقى سعره بلاش ؟؟؟؟؟
والجلاش بقو يخدوه شحاته ؟؟؟؟
ابقى قابلنى ده لو عاش
فى الانعاش الحاج حماده
بقلم محمد البلاط

مش هسامحك ( غنائى ) بقلم محمد البلاط

مش هسامحك مش هسامحك
بعد غدرك بعد هجرك
لسه فى القلب معلم
جوه منه لسه جرحكك

تفتكر هنسى القسية
تفتكر انه بأديا
كان منايا ومن عينيه
بس قلبى لسه فاكرك
الحنان كان بالكلام
والسلام عازز عليك
عمرى ما شوفت الامان
ولا طبطبت بأيديك
مش هسامحك مش هسامحك
مهما غيرت فى ملامحك
قلبى لسه لسه فاكرك
مش نسيك
ياما كنت اترجى ودك
ياما كنت بداديك
النهارده وحظك انت
لف وادير عليك
طالب العفو ورضايا
وكان منايا ارضيك
لكن الحظ معاكسك
وقلبى فاكرك مش نسيك
مش هسامحك مش هسامحك
بعد غدرك بعد هجرك
لسه فى القلب معلم
جوه منه لسه جرحكك
بقلم محمد البلاط

ما بين الشك والحيره - بقلم محمد البلاط

ما بين الشك والحيره بدورعلى اللى راح منى
ومش لقيالى تصبيره ولا حد يطمنى
بلف الليل على اقدامى ما عدت شايفه قدامى
تعب قدمى وصبح دامى بلف عليه

يا مين يوصفلى طريقه ساعتها ما عدت اسيبوه
ولو حكمت ما انام الليل لحين ما اوصلو واجيبه
ما بين الشك والحيره وغيرة فى قلبى وكلانى
لانا عارفه انا ظلماه ولا قلبى اللى انانى
لكن كل اللى انا حساه ظلمنى وهو الجانى
بعاتبه ومنه بقى لله هجر وتركنى وحدانى
ما بين الشك والحيره بدورعلى اللى راح منى
ومش لقيالى تصبيره ولا حد يطمنى
بقلم محمد البلاط

عزبوك كثير يا قلبى - بقلم محمد البلاط

عزبوك كثير يا قلبى
عزبوك
اللى ما بيطمرش فيهم
مرمطوك

طولو ليلك معاهم
بتداديهم وتواسيهم
واللى ما بيتمرش فيهم
جرحوك
علموك تسهر وتسكر
بكاسات الحب واكثر
ولما عودوك تدمن
من كاس الهجر سقوك
ولسه بتحن للقاهم
بعد ما شوفت معاهم
الضنى ومن قساهم
اللى ما بيتمرش فيهم
مرمطوك
من كاسات الصبر اشرب
وانسى كاس بأيد حبيب
سهل منه انك تغضب
والجميل انك تطيب
وانسى اللى عزبك
على جمر وقلبك
منتظر منه الحنان
وكان هجره اللى اليك
عزبوك كثير يا قلبى
عزبوك
اللى ما بيطمرش فيهم
مرمطوك
بقلم محمد البلاط

شكرا ليك وبالف سلامه - بقلم محمد البلاط

شكرا ليك وبألف سلامه
وكافى الجرح معلم فينا
شبعنا وعود وعزاب ومهانه
وضاعت منا جزرنا وسينا

الف شهيد وشهيد بينادو
مين فى الدنيا قاتل لولاده
ومين بيهين الحرمه فى بلده
والمسكين مين حاربو فى قوته
التعمير على ايدك مبنى
وبيحرسها السجانه
عامل لينا ولأولادنا
بالاعداد مليون زنزانه
خدت فلوسنا شحت علينا
ومشفناش بعنينا صيانه
والاسعار صبحت من نار
والغلبان مش لاقى خياره
الف سلامه وكفايه فينا
اتعلمت فن الذبح
ولو نتكلم تطلع فينا
سب وشتم ولعن وردح
مصر كبيره وفيها رجالها
واطفالها قادره تصونها
وان كان سهل انك بتخونها
ليك هدية لابد تطولها
وشكرا ليك وبالف سلامه
وكافى الجرح معلم فينا
بقلم محمد البلاط

فين الامان راح فين - بقلم محمد البلاط

فين الامان راح فين
والناس بتتألم
من ظلم طال سنين
والعين بتتكلم
بالدمع على الخدين
يا ربنا سلم

كانت الناس عايشين
قضينها لو بالدين
مره بتبكى العين
ومره تتبسم
اتباعت الاملاك
ودخلنا سكة هلاك
واللى باقى وياك
الشكوى للى يخون
حارسك صبح فاضى
وعمل عليك قاضى
يا تحبه وتعادى
يا اما تبقى جبان
يا تكون ليه معادى
وفى عرفهم خوان
اللى يميل عنهم
او قال انا تعبان
فين الامان راح فين
والناس بتتألم
صبح الامان للى
بيجامل القاتل
والقاضى ال اللى
علشانو بيناضل
ايه يا شريف اللى
باقى ليك وفاضل
ولأيه مستنى
ما بقيت مكن عاطل
فى الخرده مكانك
ده ان كان واحد صانك
يا اما هتولى
وتندب على عارك
فين الامان راح فين
والناس بتتألم
اعراضنا اتهانت
واللبه اهى بانت
باعها اللى قالو عليه
فى ايديه اتصانت
فين الامان راح فين
من امتى ديب بيصون
غنم راعى مجنون
عينه على الغنم نامت
فين الامان راح فين
فين الامان راح فين
بقلم محمد البلاط

مين غيرك راح يبقى حبيبنا - بقلم محمد البلاط

انساك اذاى وابعد عنك
ومرسالك بيقول ان انك
بتقول انا جاى
انساك اذاى انساك اذاى

ايامى قضيتها وبستنظر
ايه سر غيابك وبفكر
هيهل علينا ويجينا
ولا ده نسينا ومستكبر
ومشيع علشان تطمن
مزروع جوانا وفى قلوبنا
بتفكر فى ايه وبتخمن
مين غيرك راح يبقى حبيبنا
انساك اذاى وانا بستنظر
القمر يهل او يظهر
نرجع لزمان تانى ونسهر
بفنجان الشاى
واحكيلك شوقى وحكياتى
والوجد اللى تعبنى ليلاتى
ويكفينى بكلمة تراضينى
لو حتى تقول انتى حياتى
ايامى قضيتها وبستنظر
ايه سر غيابك وبفكر
هيهل علينا ويجينا
ولا ده نسينا ومستكبر
ومشيع علشان تطمن
مزروع جوانا وفى قلوبنا
بتفكر فى ايه وبتخمن
مين غيرك راح يبقى حبيبنا
مين غيرك راح يبقى حبيبنا
بقلم محمد البلاط

هو سؤال مطروح على الساحه - بقلم محمد البلاط

هو سؤال مطروح على الساحه
مريم طاهره ولا قبيحه
مين علمها الطهر ودينها
وليه اليوم عاملينها فضيحه

سيبو الدين يا كلاب مسعوره
دين الله مبقاش مرجيحه
ليه حابين العرى وناسه
ولا الطهر حداكم عوره
اليهوديه والمسيحيه
والاسلام تكملة النيه
امر من الله ولينا هديه
ستر الحرمه مش معصيه
سيبو الدين وبلاش تماحيك
وما تعملش نفسك ديك
قربت ساعت الوعد الحق
يمكن الله فى يوم يهديك
وان ما نويتش الهدى والتوبه
بكره العمى يمسك فى عنيك
ولما تحسس تلقى الطوبه
بول وبراز كلاب فى اديك
وهو سؤال مطروح على الساحه
مريم طاهره ولا قبيحه
بقلم محمد البلاط

كنت بلوم اللى بيتكلم - بقلم محمد البلاط

كنت بلوم اللى بيتكلم
او يتألم ويشكى مواجع حبه لناس
كنت بلومه ليه يتظلم
هو اتصاب بالنار ورصاص

كنت بلوم ومكنتش دارى
ان الهم طايلنى وجارى
ولا فكرتش يوم يجرالى
انى هدوق من نفس الكاس
فاتنى حبيبى وراح ولاه جانى
ولا مرسال منه هدانى
ويا الفكر ودمعى ونارى
سابنى لوحدى بس اعانى
امتى هيرجع امتى يعود
امتى يفكر تانى يفوت
ولا بقيت بالشوق موعود
واتكلم يقولولى يا جانى
اااااه من الفكر اللى صحانى
اصبح حكر عليا وجانى
طير نومى خلاص من عينى
فى بحر هموم ميل ورمانى
وكنت بلوم اللى بيتكلم
او يتألم ويشكى مواجع حبه لناس
كنت بلومه ليه يتظلم
هو اتصاب بالنار ورصاص
كنت بلوم ومكنتش دارى
ان الهم طايلنى وجارى
ولا فكرتش يوم يجرالى
انى هدوق من تفس الكاس
بقلم محمد البلاط

مكتوب عليك يا ولد - بقلم محمد البلاط

مكتوب عليك يا ولد
تلف بجرحك
لا غريب ولا من البلد
بابو بيفتحلك

مجروح لجل الغير
مكسور جناحه الطير
واللى فاكرهم سند
كانو سبب جرحك
العمر بعته بيع
لجل كريم ووضيع
ووقفت تطلب حق
من الناس كان بيضيع
كل اللى قولتو لا
بالخسه كنت صريع
والكل شافلو شق
خايف بأنو يضيع
زمن الرجال انكسر
وصبح زمن مراقيع
واهو ده اللى حصل
سهل اللى ليك يضيع
فى السعر غلو البصل
وبيصرفو بلابيع
ولا عدش فيها جزر
الا العصا وتضيع
مكتوب عليك يا ولد
تلف بجرحك
لا غريب ولا من البلد
بابو بيفتحلك
بقلم محمد البلاط

مين اللى حارس الحدود - بقلم محمد البلاط

مين اللى حارس الحدود
مين اللى بيموت على الوطن
مين بروحه قادر يجود
ومين اللى معتبره سكن

ناس تبيع روحها عشانو
وناس بعوه بتراب وخانو
واللى تذكرته فى جيبو
سهل يهرب ويسيبوه
ناس بتشرب فيه وتاكل
وتقضى ليلها فى السمر
خاليه من كل المشاكل
من الدروس ما بتعتبر
المهم اذاى هينهب
ولو تعاتبو كثير يغضب
واللسان كرباج مكهرب
فاكر الشهم الشنب
مين اللى حارس الحدود
مين اللى بيموت على الوطن
مين بروحه قادر يجود
ومين اللى معتبره سكن
بقلم محمد البلاط

بيقولو الصبرطيب - بقلم محمد البلاط

بيقولو الصبرطيب
طب مين يقدر عليه
فى زمن الرجا خيب
والاخ خان اخوه

ايوب كان ليه زمانه
وزمنا ما يشبهوش
لا جار ولا اخ خانو
ولا حكمت فيه الجحوش
الحقد جاى يجرى
وعملها علينا مجرى
ااااه يا خوفى من اللى يجرى
فى حملت البسوس
بيحاربو اللى يوحد
واللى فى دينه يسدد
شايف احبال ومدت
لرقاب كثير وروس
ويقولو الصبرطيب
فى زمن ويانا خيب
ولا عدش فيها طيب
والشيخ اصبح جاسوس
بقلم محمد البلاط

هانت عليك وعليا كمان - بقلم محمد البلاط

هانت عليك وعليا كمان واوعى تفكر حزنانه
اللى يقضى الحب كلام ملوش فى قلبى اى مكانه
اخلصت وياك فى حبى وحاولت للدمع اخبى
كسرت بعمايلك قلبى بقسوة وياها خيانه

بيقولو انا انا ندمانه صحيح صحيح انا ندمانه
على عمر ضيعتو فى حبك والرد كان كله اهانة
من قلبى صدقنى مسحتك ولا عدش ليك اى مكانه
وعيش حياتك براحتك واعمل لقلبك ده صيانه
جايز يقابلك حد جديد ويكون بعيد عن افعالك
ابداء معاه وبلاش تعيد تهورك ويا جنانك
هانت عليك وعليا كمان واوعى تفكر حزنانه
اللى يقضى الحب كلام ملوش فى قلبى اى مكانه
ملوش فى قلبى اى مكانه
بقلم محمد البلاط

انسى اللى فات انساه وارتاح - بقلبم محمد البلاط

انسى اللى فات انساه وارتاح
ولا عاد ينول من تانى سماح
زهرة شبابك خدها وراح
اللى ملاك يا قلبى جراح

ارمى همومك على الخلاق
وانسى اللى فات انساه وارتاح
ما حد حب فيها وراق
ولا عشق رجع تانى سواح
انساه وانسى ايام كانت
مصنوعه من وهم وبانت
باع الحبيب عشرة عمرك
وعليه ايامك هانت
انساه وانسى الماضى
وقدر الدفتر فاضى
وابداء سطورك من الاول
ويا ريت تكون انت البادى
وتهد كل اللى بنيتو
وكان اساسه اساس عادى
اصل اللى فى الحاجه ما لقيتو
من الحب قلبه خالى وفاضى
انسى اللى فات انساه وارتاح
ولا عاد ينول من تانى سماح
زهرة شبابك خدها وراح
اللى ملاك يا قلبى جراح
اللى ملاك يا قلبى جراح
بقلم محمد البلاط

لبيكى يا كرة القدم - بقلم محمد البلاط

لبيكى يا كرة القدم يا فن لهو محترم
مش الشواذ اتجمعو وسمعوا ووصلو القمم
لما اللى ينتج يتهدم واللى بيلعب يحترم
وابن الفقير يفضل فقير وابن الباشا يصبح هرم

العلم اصبح بنبصيه للى ملهش واللى ليه
والجردل اترقى لفقيه وخبير كبير ومحترم
بننتظر بس لهدف يمكن يجيلنا بالصدف
نرفع علمنا اللى فيه النسر ونول الشرف
شغل اللبط هو السليم وطريق قصير مستقيم
والرقص اصبح الكريم وقانونا منا اتخرم
لبيكى يا كرة القدم لبيكى يا كرة القدم
بقلم محمد البلاط

انا المشتاقه لحنانو - بقلم محمد البلاط

بحن وقلبى يألمنى وصبح معلول مع المجاريح
تخدنى موجه وتجبنى تدومنى معها فى ريح
يا ريت الوقت ده يقصر ولو من العمر راح يكسر
واشوفه بعينى واسمعلو عساه للغيبه دى يفسر

بلهفه بنتظر يجى ويمسك بأديه ايدى
ساعتها الحلم يتفسر ويبقى اليوم يوم عيدى
انا المشتاقه لحنانو ونار حراقه جويا
وفين راح الاقى اخلاقو ومين هيكونلى دوايا
ده بلسم روحى الشافى وشهد مكرر صافى
اشيله فى عينى وفى قلبى ولو تحكم على اكتافى
بحن وقلبى يألمنى وصبح معلول مع المجاريح
تخدنى موجه وتجبنى تدومنى معها فى ريح
انا المشتاقه لحنانو ونار حراقه جويا
وفين راح الاقى اخلاقو ومين هيكونلى دوايا
بقلم محمد البلاط

مبروك عليكى وعلينا - بقلم محمد البلاط

مبروك عليكى وعلينا يا بلدنا يا امة يا عظيمه
بإدين رجالتك عملوها رفعوها رفعة تكريما
ويا ريت نتحمل ونواصل ونحاول ننسى الحاصل
ده بلدنا محتاجه لإيدنا مش كل شويه فيه فاصل

حبوها الحب اللى يوفى ويفرد فى شراعه ويكفى
مسكين محتاج لقمه لجوعه ومريض من مرضه عايز يشفى
حبوها وحاوطوها بخوفكو لو ضاعت مين اللى راح يشوفكو
الدنيا بتلعب الاعيبها ومناها بأيدها تدمركو
مبروك عليكى يا بلدنا يا عزيزه فى الدنيا ومدنه
يا سطور من نور فى الدنيا تدور تحكى فى تاريخنا وامجادنا
وان كت مبروك علشان كورة بكره نقولهالك منصوره
والحقد اللى ما بينا يصفى ونصبح بيت واحد وعيله
مبروك عليكى وعلينا يا بلدنا يا امة يا عظيمه
بإدين رجالتك عملوها رفعوها رفعة تكريما
ومكانتك صبحت فى العالى والشهره معروضه فى سيما
مبروك عليكى وعلينا يا بلدنا يا امة يا عظيمه
بقلم محمد البلاط

تراودنى ذكريات حبك - بقلم محمد البلاط

تراودنى ذكريات حبك وليل الهجر يألمنى
وداخل الفؤاد لوعه وشوق ينطق يكلمنى
خلاص التوبه ممنوعه ده قاصد ليه يعزبنى
وليه جوارحى مخضوعه وهو اللى لها بيبنى

يا قاتل الوداد فيا ودمع العين بيحلالك
ما كنت الذاد والمايه ايه اللى غير احوالك
بتقسى بعد حنيه وليا يطول مشوارك
خلاص فكرة تبعنى وتخلعنى من افكارك
يااما تقول مودعنى يااما تانى ترجعلى
وتبعد الظنون عنى بلاش انك تلوعنى
واتوب من بعد النوبه لا اتكلم وتسمعنى
واعيشها بالاشاره معاك ولا انك تضيعنى
ومش مجبوره انا بهواك لكن العشرة تخضعنى
اعيش الباقى لى وياك واتحمل وتوجعنى
تراودنى ذكريات حبك وليل الهجر يألمنى
وداخل الفؤاد لوعه وشوق ينطق يكلمنى
بقلم محمد البلاط

رايداك انا ريداك - بقلم محمد البلاط

رايداك انا رايداك
وحاولت وبتعصى
اخرتها ايه وياك
وامتى نلاقى مرسى

كثير صارحتك
وبقلبى سامحتك
لكن اللى كان تاعبك
مش هجرى وقسايا
بتلاوع فى قلبى
وحاولت اخبى
واشكيها لربى
ان انت قضايا
يا بايع حنانى
ياما كثير جانى
وكنت انت الجانى
وبتطلب رضايا
مش عايز الاوعك
وحاولت اطاوعك
لجل ما يهدى قلبك
وتخلص معايا
صارحتك صارحتك
بلعبك ومكرك
ورغم خداع غدرك
لسه انتى جوايا
طال انتظارى طال
والبال بيك مشغول
ولليلى ما فى نهار
ويوم ويوم بيطول
اداديك بتتمنع
وعليا تدلع
ما تقولى ايه بيوجع
لما بكون وياك
وتقولى ناسينى
وانت اللى عاصينى
ضيعت سنينى
والعمر كله معاك
وعايزنى استنى
تانى واتمنى
بكلمة ترضينى
يالى بلانى هواك
رايداك انا رايداك
رايداك انا رايداك
بقلم محمد البلاط

بتقول وتردد ليه ان انت لقلبى شاريه - بقلم محمد البلاط

بتقول وتردد ليه ان انت لقلبى شاريه
امال لو كنت بايعنى راح تعمل فيه تانى ايه
بتخادع وتلوعنى وعمايلك دى بتوجعنى
وطالب انك تسمعنى وتحن مره عليه

بالهجر قسيت وجنيت وكثير انا قولت ياريت
ما عرفت طريق لحبه ولا يوم عديت عليه
بتقول وتردد ليه ان انت لقلبى شاريه
امال لو كنت بايعنى راح تعمل فيه تانى ايه
مش كان العين والنن وبتقول انه مجننى
ومحتار اذاى هتصونى وبروحك راح تفديه
وفى يوم وليله اتغير طبعك ويايا وادير
وصبحت بطعم مرر مش صابر لحظه عليه
بتقول وتردد ليه ان انت لقلبى شاريه
امال لو كنت بايعنى راح تعمل فيه تانى ايه
ما تقول القول وصارحنى ترتاح وتريحنى
لسه جواك فيه ليا حنيه ولا بايعنى
وبلاش تقول وتردد ان انت لقلبى شاريه
مش دين وليه بتسدد ومحتار راح تعمل ايه
بتقول وتردد ليه ان انت لقلبى شاريه
امال لو كنت بايعنى راح تعمل فيه تانى ايه
بقلم محمد البلاط

رأي الشيخ بسام جرار فيما يحدث في مصر

رغم صدك بعشقك - بقلم محمد البلاط

رغم صدك بعشقك

من قلبى حبى بيندهك

واتوه فى كلمه لو تقولها واسمعك

مش عشان زعلت منك اودعك

من قلبى حبى بيندهك

وافرد حنينى على الطريق

اللى يوصل مطرحك

واشعل قناديل الفرح

وافتح ستاير الامل

وابداء طقوسى فى معبدك

وافرش ورودى فى جنتى

والبس قميص من لهفتى

يظهر حنينى وشوقى ليك

من قلبى حبى بيندهك

ورغم صدك بعشقك

انت امانى وفى كيانى

يا حلم عمرى بعشقك

يا دم يجرى فى الوريد

ولو اشوفك من بعيد

يكون لى عيد ونبض قلبى

طفله فى فستنها الجديد

ورغم صدك بعشقك

ومن قلبى حبى بيندهك

يا شهريار قصتى

بهمس الحنين

سكنت قصر محبتى

وعليت عرشى ودنيتى

رغم صفوف العاشقين

ولبست تاج الحب

اسوره تحكيها السنين

ورغم صدك بعشقك

ومن قلبى حبى بيندهك

وافرح بكلمه لو تقولها واسمعك

الليل ضنانى من السهر

وتعبت من كثر السفر

وتعب الفراق بيجزنى

واتون نارى فى غربتك

انا اللى دايبه

ولهفتى اكثر كثير من لهفتك

ورغم صدك بعشقك

ومن قلبى حبى بيندهك

بقلم محمد البلاط

انا روحى فيك - بقلم محمد البلاط

انا روحى فيك — ( غنائى )
……………..
انا روحى فيك انا كلى ليك انا كلى ليك
ولا عمرى يوم اغضب عليك ولا يتقبل فى يوم خصامك
انا كلى ليك انا كلى ليك انا كلى ليك
ولاه انت غاوى بالعيناد تعرف حدود القلب ايه
قلبى اللى دوبته فى هواك ملهوف عليك بس اشتريه
ده انت اللى ارضه وسماه وانت اللى فى الدنيا دى ليه
بتغيب عليه لو بالساعات بموت واحيا انده عليك
ملهوف عليك وانت بعيد وانت معاه ملهوف عليك
بتغيب عليا وبنتظر لما اشتكت الشبابيك
بنتظر منك حنانك بنتظر اشوف خيالك
بنتظر لو حتى طيفك يجى يسأل عامله ايه
بنتظر انا بنتظر وما بنتظرش تعتذر
ولا ه عن غيابك
كل اللى نفسى بس فيه حبيب قلبى الاقيه
لو حتى تعمل فيا ايه مجبوره انى اسمع كلامك
مجبوره انى اسمع كلامك
بخاف يقولوا انه غضب سبنى وراح منى وهرب
ده لو حصل من غير سبب ساعتها هسمع العجب
يكفينى قلبى راضى بيك ومسلماك كلى فى اديك
وبحب الى بيسعدك واكره بقلبى اللى يعاديك
انا روحى فيك انا روحى فيك انا كلى ليك انا كلى ليك
بتغيب عليا وبنتظر يهل الهلال ويجنى بيك
لما اشتكى منى البلاط ومعاه اشتكت الشبابيك
كل اللى نفسى بس فيه حبيب قلبى انى الاقيه
لو حتى تعمل فيا ايه مجبوره انى اسمع كلامك
مجبوره انى اسمع كلامك
انا روحى فيك انا كلى ليك ولا عمرى يوم اغضب عليك
ولا يتقبل فى يوم خصامك انا روحى فيك انا روحى فيك
انا روحى فيك
بقلم محمد البلاط

حكيم اللى الأله رباه - بقلم محمد البلاط

جميل انك تشوف بعينيك
وتنطق اللى بتشوفو
لكن تتجنى على المخاليق
وتنسج كذب بحروفه

كبيره عليك وبكره العدل هتشوفو
وتعرف انك الظالم وظلمك باينه حروفه
وصحبك اللى كان كعبه
وقبله عليها بتطوفو
لا راح ينفع ولا يشفع
وبكره الكل هيعوفو
وتدارى فى الجدران
كما الجربان وخايف الناس تشوفو
وصيه من فقير لله
ما يتمناش غنى المخاليق
وما اهتمش بشهره وجاه
تخدها بدون فطار على الريق
لا بالكذب تدير عقول
ولا بالفول تطعم شاه
ومهما تعافر او هتصول
حكيم اللى الأله رباه
بقلم محمد البلاط

لسه الحاوى جرابو مليان - بقلم محمد البلاط

لسه الحاوى جرابو مليان
شوف واتفرج على العصفوره
ليها مية صوره وبالالوان
تبقى حمامه وقت الحاجه
وساعت الجد تكون ثعبان

معاه الجنة شايلها فى كيسه
معاه صندوق مليان بديدان
شوف اللعبه واستوعبها
يمكن تقدر يوم تلعبها
على جمهور ويكون تعبان
ماهو جمهور من الجوع سكران
لو بالكذب بتعشمهم
تلقى قلوبهم حن ولان
تاخذ القرش اللى فى جيوبهم
ولو رقاصه معاك كمان
يا سلام سلم اااه يا سلام
انت الريس والسلطان
ولو بالجزمه راح تضربهم
يبقى طلبهم فيه كمان
ناس تعبانه صحيح فى عقولهم
وفى دوامه تاهو توهان
سهل تاخد اللى فى جيوبهم
سهل تخلى الشيخ سرطان
ويحيوك ويذيدو كرمهم
وابو كرباج يقلولوا سلام
لسه الحاوى جرابو مليان
لسه الحاوى جرابو مليان

1. بقلم محمد البلاط

كان كلام اللى ما بينا كان كلام - بقلم محمد البلاط

كان كلام اللى ما بينا كان كلام
تفرش الارض بحنه
وتعمل الدنيا دى جنة
و تشغل البال بخيال

كانت حكاية اشتياقك
انه قتلك الهيام
والبكى بدمع عينك
وقولت ما بتعرف تنام
كان كلام اللى ما بينا كان كلام
كنت تسهر اليالى
وقلبى مرتاح من الغرام
كنت من دونك خالى
ولا جاش عشق فى بالى
وكنت بعتبره حرام
فين هوانا و الامانى
فين كلامك وكلامى
بعد ما عشمت قلبى
وشبكته وهو خالى
كان كلام اللى ما بينا كان كلام
ليه فرشت الارض حنه
ليه عملت الدنيا جنة
ليه شغلت بوهم بالنا
وروحت ما قولت السلام
النهارده انت نمت
وانا ما بقدر انام
طاويه جرحى بين ضلوعى
وانزف الااااااااااه بدموعى
و انطفت بايديك شموعى
سهرانه الليل ما بنام
ندمانه على حلم فاضى
وقلب راضى منى ضاع
واللى هقدر انى اقوله
كلمة واحده الوداع
الوداع يا عشق وهم
ابتليت بيه وضاع
الوداع يا سراب جنة
امتلأ بيه السماع
الوداع يا ارض حنه
اتفرش يقصد خداع
واحنا هنجدد امالنا
واللى ضاع خلاص ضاع
واللى يفكر يجيلنا
يجيبلنا قلب وفاضى
واللى بيه يوم حلمنا
يمسحه وانا قلبى راضى
وانسى كل ذكرياتى
اعتبرها رحله فاتت
كان اخرها الوداع
اعتبر الكلمة ماتت
واللى سمعته خداع
كان كلام اللى مابينا
كان كلام كان كلام
بقلم محمد البلاط\