قلبى نساك صدقنى نساك - بقلم محمد البلاط

مش هستنى تحن عليا ولا منك هحتاج مراضيه
ده انا يكفينى يكون فى أيديا قلبى اللى ظلمتو وياك
قولت عليا كثير وياما لما شبعت عتاب وملامه
وانا بدعيلك يهديك الله وتقضى الوقت بخير وسلامه

كلمة صلح مهيش وارده اصل حكايتك صبحت بارده
واوعى تقولى دى امورعارضه لأخلاصك مش شايفه علامه
قلبى نساك صدقنى نساك ولا عدشى بيتمنى رضاك
بعد القسوة وغدرك بيا كل النيه ان انا انساك
مش هستنى تحن عليا ولا منك هحتاج مراضيه
ده انا يكفينى يكون فى ايديا قلبى اللى ظلمتو وياك
تعمل طيب وتكلمهم توعظ فيهم وتعلمهم
وتحاول تكسب عواطفهم عارفه حقيقتك انا عرفاك
قلبى نساك صدقنى نساك
بقلم محمد البلاط