مشتاقين والغيبه طالت
يا اما امتى اللقا
ده الحياه علينا جارت
امتى نتقابل بقى
الحبايب راحو عنا
بعد ما كنا وكنا
حتى زهر البيت ذابل
منتظر يوم يتسقى
مشتاقين لو للخيال
او لطيفك يواسينا
كنتى حضن الحنان
كنتى يااما لينا مينا
ومهما روحنا ولاه جينا
كنتى بتخافى علينا
تحضنينا وتراعينا
والحنان ترويه لينا
رغم غيبتك يا اما عنا
لسه فاكرين ما نسينا
لسه دمع الحزن يااما
لسه راكن فى عنينا
مين يعيد البسمه لينا
بعدك انتى كثير نسينا
حتى كلمة المحبه
عزه ياما كثير علينا
يااما يا حضن الحنان
يااما يا جناح الامان
يااما يا زينت المكان
كنتى ياما كثثير علينا
كنا مش حسين وجودك
رغم لهفتك وخوفك
رغم كنا حته منك
حته من قلبك وجوفك
مش نسيكى مش نسيكى
ياما محتاج لأيديكى
ولو يسيل العمر دمعى
مش كثير يااما عليكى
رغم غيبتك يا اما عنا
لسه فاكرين ما نسينا
لسه دمع الحزن يااما
لسه راكن فى عنينا
مشتاقين والغيبه طالت
يا اما امتى اللقا
ليست هناك تعليقات:
إرسال تعليق