مين فى الدنيا هيشيل همى - بقلم محمد البلاط

مين فى الدنيا هيشيل همى
بعد بلائى ما جيه بفراقك
كنتى البسمه ونسمه يا امى
وكنا الروح وكل امالك

شيلتى همومنا وودعناكى
وكل امالنا راحت وياكى
ياللى علينا كان بكاكى
والتفكير كله فى احلامنا
مين يخدمنا يا شايله همومنا
من لقمتنا حتى هدومنا
مين راح يسأل بعدك فينا
ويصحينا لصحور صومنا
مين هيطبب لينا جراحنا
مين راح يفرح عند فرحنا
مين راح يزعل عند غلطنا
ولو عيطنا خلاص يسامحنا
مين فى الدنيا يا امى سواكى
اللى سامحنا برغم بكاكى
وبيتمنى نخش الجنة
وبتدعيلنا فى كل صلاكى
مين فى الدنيا هيشيل همى
بعد بلائى ما جيه بفراقك
كنتى البسمه ونسمه يا امى
وكنا الروح وكل امالك
بقلم محمد البلاط