ما نقدرش نرد جميل - بقلم محمد البلاط

يا حمالة القسى وجحود
وجواكى الألم موجود
وصابره وكتمه احزانك
وقلبك بالحنان بيجود

ما نقدرش نرد جميل
ولو قبلنا اقدامك
ولو طال النهار بليل
وهنكون فيه خدامك
ما نوفيشى ساعة فى حملك
ولا فى الام مخاضك
ولا فى الصغر سهرك
ولا حضنك وحنانك
ومين هيوفى ويكفى
حنان فى البرد بيدفى
وطيبت قلب بيه جروح
وعشق من الله مصفى
بنتأسف على الاهمال
ونتمنى السماح ياما
ليبقا الحظ بينا مال
وتبقى حياتنا فى غمه
بنتأسف وبنطاطى
من العالى لألواطى
ونحنى رقابنا للاقدام
وقلبك يبقى بينا راضى
بنتأسف على الاهمال
ونتمنى السماح ياما
بقلم محمد البلاط