فى البلد حبة فلاسفه من اللى همهم الكلام
يوم ويوم ليهم منافسه والمنافسه بأحتدام
اتفاقهم فى المقر اجتماع و يقابلوا بعض
كل واحد ليه كلمة وعنده فكره وليها عرض
وناس بتسمع والسمع واجب وفرض
يبتدى كبير الفلاسفه والبدايه بس سرد
تسمع الزوم كأنه الحيطان جايبنها هد
وتبتدى حلقة مصارعه بالايادى وفيها عض
وتنتهى بهدوم هلاهل من اللى قطع واللى شد
ولما تسأل حد فيهم ايه القرار ولأيه وصلت
يطوى ذنده مخزى عار عقدها حل وفرط
هى دى قصة بلدنا اتفاقنا مفيش ود
واللى ينده على جاره صعب انه عليه يرد
والوحيد كان اتفاقهم نبتدى فى مسجدنا هد
وهو ده طبع الفلاسفه اللى ما بتعرفش جد
فى البلد حبة فلاسفه
بقلم محمد البلاط
ليست هناك تعليقات:
إرسال تعليق