بترقص حية وتغنى
ودم سال عليه بتدوس وتهنى
تقول على القاتل الجانى
ده كان انسان وصانى
وخراب الدار ما يهمش
طالما عليه راح اغنى
والف سكير وسكير
فى بئر رزيله وصلنى
ويسعدنى الامام الزير
ولو فى النار دخلنى
يا امة تهتى وتاهت
ولادها بين غنى وكورة
شبعنا كلام وملاوعه
ودروس ان انتى منصوره
خلايق الكون بقت سامعه
بعار وشايفه مية صوره
معارك ويا انصارك
وراجعه منها محصوره
وعابده لصهيونى خانك
وحكامك فى الاساس صورة
بتسجد للى يجلدها
وتجلد ناس مكسوره
كلاب بالقرش تحرصها
تطاطى لجزمه تبوسها
وتقتل اللى ينعشها
وتنعش اللى رقصها
على الاطلال
بترقص حية وتغنى
بقلم محمد البلاط
ليست هناك تعليقات:
إرسال تعليق