الحب اسم نعرفه لكن حقيقته ما نفهمهوش -بقلم محمد البلاط

الحب اسم نعرفه لكن حقيقته ما نفهمهوش
فيه ناس كثير بتوصفه ولكل واصف ليه رتوش
فيه اللى فاكره امتلاك واللى بيعتبره هلاك
وكثير لأسمه ما قدروش ولا جربوش ابدا معاك

وانت اللى حبك شدنى من هم كان بيعدنى
اعيش على امل وبعيد وبأيده كان بيهدنى
وعرفت معنى الحب ايه لما رسيت معاك عليه
ولاه عدش فى الدنيا يساويه الا اكون دايما معاك
نزلتنى بحرى الهوى مربوط بحبل النجاه
وعومت و عمنا سوى وعلمتنى فن الحياه
مش هقول قلبى انكوى ولاه الضنى طول معاه
انا بس بطلب ليه دواء ودواه تكون دايما معاه
الحب اسم نعرفه لكن حقيقته ما نفهمهوش
فيه ناس كثير بتوصفه ولكل واصف ليه رتوش
ومعاك عرفت انه دواء بلسم يصبر على النَّوَى
ولقلبى منه ما تحرمهوش ولقلبى منه ما تحرمهوش
بقلم محمد البلاط