من قلبى بهديكى الحنان - بقلم محمد البلاط

من قلبى بهديكى الحنان والورد لجل ما يسعدك
نفسى احسسك الامان واكون غطا ومخدتك
عارفه اللى كنت برسمه وللحياه دى مقسمه
انى اعلى ضحكتك وحاولت انى اجسمه

بيقولو مكسوف القمر انا قولت ده شىء مش غريب
انا وحبيبى ساعة سمر والقعده وياه بتطيب
يرتاحلو ليلة وده قدر لابد من انه يصيب
ما يكونش فى الكون غير قمر ومفيش غيره الحبيب
مايهمنيش تدارى شمس او تغيب
مايهمنيش طول ما فى حضنى الحبيب
دى حته معجونه بعسل ومشكله بحب الذبيب
و مضيعه كل الكسل ومشعلله فيا اللهيب
عارفه بحبك قد ايه اختارى وقولى عليه
وانسى النحاس ويا الذهب والألمسات ويا الجنيه
العقل من حسنك ذهب والقلب ليه صوت اسمعيه
الروح انتى والسبب فى اللى حصلى وعشت فيه
من قلبى بهديكى الحنان والورد لجل ما يسعدك
نفسى احسسك الامان واكون غطا ومخدتك
عارفه اللى كنت برسمه وللحياه دى مقسمه
انى اعلى ضحكتك وحاولت انى اجسمه
بقلم محمد البلاط