بتسوق دلالك ليه - بقلم محمد البلاط

بتسوق دلالك ليه وعلينا تدلع
وان قولنا صابك ايه تسكت وتتمنع
علشان ما بنهواك بتروح ما بترجع
وان قولنا نستناك بتسبنا نتوجع

احترت انا فى قلبى على ايه وليه بيهواك
انا ايه كان ذنبى تظلم ويستناك
يبكى يعذبنى ويقولى ده قدرك
لو تقدر تسيبنى انا طايع لأمرك
وبلاش تحرمنى بفرقته وصدك
صحيح ظلمنى وبهواه و ضدك
يا خلق روحولو وقلولو على الحاصل
يمكن تانى نطولو وقلبى معاه يواصل
وبلغوه انى راح اشيلوا فى الننى
العقل ده فاصل والهجر جننى
ودلالو راضين بيه ويبقى سعادة البيه
بس هنعمل اه قلبى اتلبس جنى
قلبى اتلبس جنى
بقلم محمد البلاط