بتبكى يا عين وحزنانه - بقلم محمد البلاط

بتبكى يا عين وحزنانه على فراق اللى بكاكى
ليه تايهه ليه وحيرانه وتعبه الكل وياكى
مطاوعه القلب وناسيه عمايل منه كانت قاسيه
صبحت فى حيره من امرى مليش شط عليه راسيه

صحيح الدنيا ما بتسواش ساعة ما بتخلى من احباب
لكن البيع كان ببلاش رحل قافل وراه الباب
حايلنا وقولنا احساسنا كتمنا بأيدينا انفاسنا
عشان يهدى ونتصالح عصى وبالسهل ده داسنا
بتبكى على اللى باعك ليه وقلبى من الفراق مفطور
قوليلى خدتوا منه ايه غير الوهم وحنانو البور
كثير فكرت فى امره راجعت كل افعالو
لقيت المر فى تمره وطبع الغدر ده حالو
ما تبكيشى على فراقو وهدى يا قلبى من وجدك
كثير فى الوهم اتساقو وخدت جزىء من حظك
يا اما تبيع من باعك يا اما الدمع ده يوزك
تعيش موهوم وفى خداعك يكمل قاسى ويذلك
بتبكى يا عين وحزنانه على فراق اللى بكاكى
ليه تايهه ليه وحيرانه وتعبه الكل وياكى
بقلم محمد البلاط