حيرونى عينيك يا قاسى حيرونى - بقلم محمد البلاط

حيرونى عينيك يا قاسى حيرونى
سهرونى الليل بقاسى ودوبونى
سلموا قلبى لهواهم
ولرضاهم دوخونى

جوه منهم فيه هلاك
لما اشوفهم اتوه معاك
واللى بخده بس منك
صمتهم وعليه قساك
والعجيب فيهم رموشك
اللى صعب شىء يحوشك
تهزم العقل بسهامهم
وتأسر القلب بجيوشك
ينطقو وبدون كلام
صمتهم فيه الهيام
والعتاب منهم ملاام
دوخونى وانا صابر والسلام
حيرونى عينيك يا قاسى حيرونى
سهرونى الليل بقاسى ودوبونى
سلموا قلبى لهواهم
ولرضاهم دوخونى
بقلم محمد البلاط