ما تلومش محروق اتحرق - بقلم محمد البلاط

ما تلومش محروق اتحرق
بنار وخسة فعلكم
وطنه اللى بيحبه اتسرق
وحزنه كان فيه فرحكم

متلومش واوعى تنتظر
انه يكون للنار قش
صدقنى لو كان فيه حظر
او حتى من خوفه ده كش
بكره فى ناره يلمكم
بكره يهد كل عرش
بكره المواجهه راح تكون
وش لوش
الظلم عدى من الحدود
هد البيوت دمر بشر
عشمتونا بكثير وعود
وبأيدكم الظهر انكسر
بطلوا غش
ما تلومش محروق اتحرق
بنار وخسة فعلكم
وطنه اللى بيحبه اتسرق
وحزنه كان فيه فرحكم
بكره المواجهه راح تكون
وش لوش
بقلم محمد البلاط