انسى حبى
انسى تجرحنى كمان
مش مكفى
الغدر بيا
جاى تعيد تانى اللى كان
كان زمان قلبى مريدك
كان بيستعطف حنان
كان يحبك كان يريدك
كان زمان ده كان زمان
بعد غدرك
بعد هجرك
بعد ظلمك
الرضيع بقى ليه سنان
ما تحولش تعيد تانى
الامانى بتاع زمان
فى عنيك شايف مكانى
اتملا ولا ليش مكان
حتى قلبك مش مطاوعك
والكلام بقى على اللسان
بتحاول تخدع فى وعدك
والخداع ظاهر وبان
انيسى قلبى
انسى حبى
انسى تجرحنى كمان
منتظر قلبى يلين ؟؟؟؟؟؟؟
بعد هجرك ليه سنين
منتظر تانى الحنين
طب منين
طب منين
والعنين ذبلت بكا
وقلبى للخلق اشتكى
كنت فين كنت فين
والنهارده جاى تقولى الحنين
على ايه راح تتركن
بعت اللى كان وطن
بعت اللى كان سكن
دا انت بعت المخلصين
انسى قلبى
انسى حبى
انسى تجرحنى كمان
بقلم محمد البلاط
ليست هناك تعليقات:
إرسال تعليق