على القلب شب و ركب قالوا سراج من نور
بيحس ويحسسك لو بيك دنيا تدور
والشر لو يلمسك اغوره فى بحور
وبالأدب احاكيك واحاول انى ارضيك
واسمع لأخر القول وارد تانى عليك
قالولى ده احساس بيتخلق من ماس
الله لنا يهديك شاعر بحال الناس
من يومها ندونى وقالولى يا شاعر
بعت انا هدومى وكان طريق واعر
وحاولت اقلدكم وتابعت سطوركم
ومشيت على النهج يمكن اكون منكم
فيا عالم هبت وكلام ماسخ كبت
انا قولت اتسبت لو حتى اخدمكم
شوفت شلل واكوام وناس كثير ايتام
نامت على الرخام لملوك تتعبد
ومرت عليا اقلام منها اللى بيبنى ومنها الهدام
وانا قلمى كان ابنى لله بس صام
اديب مع المخاليق فى كل جلساتهم
لو حسوا منى بضيق بعرف فى نظرتهم
وقالولى يا شاعر جبهم وفرطهم
فى المأدبه فيه ناس تتشال على الراس
لها فى الحروف احساس
تقدر تسعرهم
وده كل ما املك من احساس وكلام
ان كان ينفع شعر بردو انا خدام
وان كان ما يروقلك اردم عليه بركام
وتحيه منى ليك يا ابو شنب وسلام
محمد البلاط
ليست هناك تعليقات:
إرسال تعليق