فضل ابويا ما اتوصفش - بقلم محمد البلاط

فضل ابويا ما اتوصفش
..........................
قولى من بيخاف عليا
مين بيسهر الليالى
مين اللى لو دمعى فى عنيا
حزنه بيكون على حالى

مين اللى حب يعلى شانى
وكل همه علشانى
لو يوطى من مكانه
ويعلى بيه مكانى
مين اللى من مهدى وصغرى
بالحنان يا ناس روانى
مين اللى وصانى عليه
قلبى ملكه و كلى ليه
لو بروحك لو بعقلك
لو بقلبك ده راعيه
انت وكل ما تملك
فرض منى وحق ليه
كن يمينه كن معينه
فى الكبر العصا ليه
هو ابويا هو رايتى
هو اصلى و حكايتى
هو اللى كان بيفرح
لو عكسته وذاد عندى
هو اللى بس عندى
بعد امى وجوه قلبى
هو ابويا هو شمسى
لو تروح الناس وتمشى
اتحنى له وامجد
وامامه احنى رمشى
مهما اقول يا ناس واعدد
او اذيد فى القول وامجد
الكلام مش راح يسدد
فضل ابويا ما اتوصفش
فضل ابويا ما اتوصفش
بقلم محمد البلاط