خلاص يا حبى نتصفا
بقلم محمد البلاط
يا عيد الحب يا مجمع قلوب عشاق
برغم حبيبى مخصمنى
اليه بشتاق
نعيد الماضى من الاول
ونحكى حكايه ونطول
عن النظره وعن بذره
فى ارض الحب مزروعه
وطرحت عشق وبسمه
ووجد وشوق ولهفه
ونحكى حكايه كانت بينا
تضم فيها احضنا
ونحكى هيامنا فى جنه
ونحكى اللى جرى بينا
وبلاش خصام
يا عيد الحب مستنظر
لقدومك وبفكر
هقدم اه لمحبوبى
هقدم له الحنان موصول
وقلب عشقه له اصول
واطرز له من الحنان فرشه
وابروزها باحلى زهور
واقو له من داخل قلبى
خلاص يا حبى عليه الدور
انا اصلحك
وبالود اداوى جرحك
واقسم ليكى يا حبى
فى غيابك انا المهموم
واقسم ليكى يا حبى
عنيه ما شفت النوم
خلاص يا حبى نتصفا
فى يوم الحب ما نتجفا
ونعتبره من جديد لينا
يوم السعد ويوم وفاء
خلاص يا حبى نتصفا
ليست هناك تعليقات:
إرسال تعليق