الكلام اللى كتبته - بقلم محمد البلاط

الكلام اللى كتبته
.......................
الكلام اللى كتبته بخط ايدك على الورق
لسه فكراه وحفظته ومنه قلبى اتحرق

لسه فكره قسوتك
لسه فكره ضحكتك
لسه فكره الدمع اللى اشتكيت به معاملتك
لسه فكره توسلاتى
لسه فكره كمان اهاتى
لسه فكره شهود زور
دمروا كل حبياتى
ولسه فكره الغرور
ولسه فكرالك عنادى
والنهارده جاى تشكى
وجاى تبكى ليه الساعادى ؟؟؟؟؟؟؟
تفرق ايه ساعة بكايا
هى نفس الحكايه
وجه مطبوع فى المرايا
هى نفس الساعه دى
قلبى مات ومعدش ليك
السماح كان فى ايديك
وبعناد وبقسوه منك
بعت قلبى اللى شريك
بعت دمعى وبعتنى
الدموع ما تهزنى
وان بكيت العمر كله
عمر قلبى ما ينجلى
الكلام اللى ما بينا انتهى
وفى رسايلك انت اللى كتبتها
الكلام اللى كتبته بخط ايدك على الورق
لسه فاكراه وحفظته ومنه قلبى اتحرق
بقلم محمد البلاط

مش لاقى حد يكسره - بقلم محمد البلاط

مش لاقى حد يكسره ولا حد بيقولوا اقف
بأيه ياناس تفسروا ولاه ده منكم بيتقرف
عمال يلطش فى العباد وسايقها معهم عناد
وان حد قالوا بتعمل ايه يبقى مصيره السكات

يا اما سجن ويترما يا اما يتغيب سنه
يا اما بالسوط يتجلد ويموت فى ايدهم ربما
والكل كاشش فى الجحور شبه الارانب لوتغور
من ديب دخل عشها رجاله زور
وتكلم الفحل بكلام ما تشفش غير طول اللسان
ويقولك انا المرجله وساعت الحقيه يكون مدام
هتطول كثير المهذله طول ما العقول متخضره
والجبن ساكن فى القلوب وشفاه بقفل مسكره
واللى بيقبض من الهوا مش همه ارض تتروى
ولاه مصانع تتقفل ولا ناس عايشه مدمره
كل اللى همه انه يعيش على دم حبة قراطيس
عايشين بيبكوا ويشتكوا من الفقر وبكلمة مفيش
والدور وخدها بيت لبيت والنيل نشف ومعدش غيط
بتطلع الزرع لبشر ولا للمواشى الحشيش
وكفايه نبقى من الحوش او كوم زباله او ركش
واللى هبش اهو هبش والجحش بيقولك مفيش
مش لاقى حد يكسره ولا حد يقولوا اقف
بقلم محمد البلاط

انا كنت مستنى - بقلم محمد البلاط

انا كنت مستنى
تهل يا قمرى
ولوعتى فيا
عايش ومتهنى
وانا شوقى جننى
ودمعى فى عنيه
لا سألت يوم عنى
طب حتى طمنى
بكلمة قولهالى
يمكن تصبرنى

بقلم محمد البلاط

يا ريس حقنا مهضوم - بقلم محمد البلاط

يا ريس حقنا مهضوم
.......................................
يا ريس قاضى قتلنى

لكن معرفش مين ومنين
فيه ناس كثير محاوطنى
وروحى بالجسد بتحوم
سمعت كلام مهش فينا
قاضى قتله وغير معلوم
منعرفش غير الشاره
على السياره ميزان مرسوم
يا ريس حقنا مهضوم
وقاضى العدل لى ظالم
ليه يصبح الفقير مظلوم
وشايل جواه وكاتم
من الصبح هجيب ميزان
واشيله على الكتاف كمان
وادوس على الخلق وادهسهم
ومحدش عليا يلوم
يا ريس حقنا مهضوم
يكونش القاضى ده معصوم
من الشكوى وعتاب ولوم
بنستنظر يجيلنا يوم
يكون الحق بين الخلق
بعدل الله يكون مقسوم
يا ريس حقنا مهضوم
بقلم محمد البلاط

املىء ضميرك مره بطوب - بقلم محمد البلاط

املىء ضميرك مره بطوب
يرفع فيه شويه المنسوب
عامل ربك بضمير خالص

يمكن يرضى عليك ويتوب
قلبك جب وجف حنانه
وحل مكانه كثير ذنوب
ليه بتخوض فى اعراض الخلق
ليه فى السب اسرع من البرق
تشهد زور و تلبس تهمه
فيها كلام من غرب وشرق
ليه صنبور السم لسانك
ولاه كيانك مصنوع غم
اطوى لجامك لم حصانك
صونه يصونك بيه اهتم
و امليء ضميرك مره بطوب
يرفع فيه شويه المنسوب
قلبك جب وجف حنانه
وحل مكانه كثير ذنوب
يمكن يرضى عليك ويتوب
بقلم محمد البلاط

حيرتنى وياك وشغلت تفكيرى - بقلم محمد البلاط

حيرتنى وياك وشغلت تفكيرى
وحلفت ما انساك دا انت الوحيد طيرى
بتغيب وترجعلى بغياب بيوجعنى
بخاف تلوف هناك على طير تانى غيرى

بالله حلفتك ما تنسى وليفتك
وان كان زعل منى انا بردو حبيبتك
هتغيب واستنى للرجعه اتمنى
النار فى غيابك وفى قربك الجنة
يا تريح قلبى معاك وتخدنى فى حبالك
اخرتها ايه وياك وايه جرالك
الغربه دى بتهواك ولاه اتقلب حالك
حيرتنى وياك ما تقولى ايه مالك
ما تقولى ايه مالك
حيرتنى وياك وشغلت تفكيرى
وشغلت تفكيرى
بقلم محمد البلاط

انا الكوفيه والحجر - بقلم محمد البلاط

انا الكوفيه والحجر
اغدر يا غدار وافتكر انا الكوفيه والحجر
وان كنت صقر وانجرح مكتوبلى انى هنتصر

اغدر وقسم فى الجسد واطلب شيوخك بالمدد
انا لو فى قبرى وبلتحد مقبلش فى الوطن عوض
وهيحى يوم على العموم
كله يزوم وانا الاسد
انا الكوفيه والحجر انا اللى بيا اتغدر
وان كنت صقر وانجرح مكتوبلى انى هنتصر
اقراء التاريخ واعرفنى ايه بطل صريخ راح تعمل ايه
وان كنت ظالم مفترى ان مش طرى ولاه حتى بيه
انا الكوفيه والحجر انا اللى بيا اتغدر
وان كنت صقر وانجرح مكتوبلى انى هنتصر
اغدر وقسم فى الجسد واطلب شيوخك بالمدد
انا لو فى قبرى وبلتحد مقبلش فى الوطن عوض
وهيحى يوم على العموم
كله يزوم وانا الاسد
اغدر يا غدار وافتكر انا الكوفيه والحجر
بقلم محمد البلاط

مغزى قولى وقصدى منه - بقلم محمد البلاط

مغزى قولى وقصدى منه
...........................
ليه بقينا قوم سزج ليه بقينا قوم سوء
شبل للكبير يحرج والكبير اصبح هزء
البنات شالت الحجاب والقانون اصبح لغاب
رغم ضحك الدنيا لينا فى القلوب سكن الخراب
ما تقولولنا ايه اللى بينا وبالمهانه ليه رضينا
جهل منا ولا فينا ومن القلوب الدين غاب
شيى بيمشى الكل بيها غومه على العين وضباب
واللى سايق ناس سفيهه غاب عنهم كل باب
حرب فين تدارى فيها والامان من الدنيا غاب
فيه قلوب لناس مليها حقد مخلوط بهباب
ليه بقينا قوم سزج ليه بقينا قوم سوء
شبل للكبير يحرج والكبير اصبح هزء
اعقلوها بالقلوب وانسوا تفكير العقول
يمكن السبب الذنوب يمكن اللغ فى فول
وافهموا معنى الكلام قبل ما اقول السلام
مغزى قولى وقصدى منه بين سطورى مفيش صيام
كله متحلل وصافى بس كون لله صافى
وبلاش فعلك ينافى الحقيقه والكلام
بقلم محمد البلاط

اللى كاره زرع خوخك - بقلم محمد البلاط

اللى كاره زرع خوخك بكره يتمنى شرابو
بالمحايله راح يبوسك اوعى تهتم بعتابه
كرهه ليك نفسه يدوسك وللى ليك مناه خرابه
اللى كاره زرع خوخك بكره يتمنى شرابو
ناس كثر بقلوب مريضه برغم بيعهم للحديده
عشقو داء اسمه الشحاته ولبسو تاج السالطين
دنئوا النفس الهفيه ضيعونا فى شبر ماية
مدوا ايدهم للعطيه من اللى يسوى وللجيران
والغريب فيهم تناكه ولبسهم اخر شياكه
مافيا كامله للشحاته ويقولولك مساكين
واللى كاره زرع خوخك بكره يتمنى شرابو
بالمحايله راح يبوسك اوعى تهتم بعتابه

بقلم محمد البلاط

اللى كاره زرع خوخك بكره يتمنى شرابو
بالمحايله راح يبوسك اوعى تهتم بعتابه
كرهه ليك نفسه يدوسك وللى ليك مناه خرابه
اللى كاره زرع خوخك بكره يتمنى شرابو
ناس كثر بقلوب مريضه برغم بيعهم للحديده
عشقو داء اسمه الشحاته ولبسو تاج السالطين
دنئوا النفس الهفيه ضيعونا فى شبر ماية
مدوا ايدهم للعطيه من اللى يسوى وللجيران
والغريب فيهم تناكه ولبسهم اخر شياكه
مافيا كامله للشحاته ويقولولك مساكين
واللى كاره زرع خوخك بكره يتمنى شرابو
بالمحايله راح يبوسك اوعى تهتم بعتابه

بقلم محمد البلاط

لا بحبك ولاه بقدر على بعدك - بقلم محمد البلاط

لا بحبك ولا بقدر على بعدك
................................
لا بحبك ولا بقدر على بعدك

وعايشة الغم فى وجودك
ومش قابله كمان ريحتك
ورغم ان انا كرهتك
وحشنى صوتك البلسم
وليه ملهوفه لو كان سم
وجوايا الحنين قاتل
بتوحشنى ساعات الغم
صحيح فى القرب تعبانه
لكن صورتك بيها بهتم
على بعدك مبقبلهوش
وقربك منى ما حبوش
وقالوا فى مثل مهوس
لا بتحبه وعلى بعده ما تقبلهوش
بقلم محمد تالبلاط

كان لاذم فى الحسبه تحسب - بقلم محمد البلاط

كان لازم فى الحسبه تحسب
...........................................
ليه يا بوى فهمتنى معنى الامانه

ليه غرست فينا غرسه اسمها نبت الشهامه
ليه جعلت للادب فينا مكانه
ليه طويت فينا الرقاب للكلاب و بأستهانه
بنعترف انك يا بوى صونتا وصونت الامانه
بس لومى عليك كبير وبرمى عليك الملامه
كان واجب فى الحسبه تحسب
رد فعل على الخيانه
واننا عايشين فى دنيا
مش فى جنة واستقامه
كان واجب فى الحسبه تحسب
ايه رد الاسود لما كلب عليها يركب
كان لازم فى الحسبه تحسب
وبرمى عليك الملامه
ليه يا بوى فهمتنى معنى الامانه
بقلم محمد البلاط

الوداع يا دنيا فانيه - بقلم محمد البلاط

الوداع يا دنيا فانيه
........................
الوداع يا دنيا فانيه

الوداع يا اهل الخداع
الوداع اروح لربى
وعلى الطمع عيشوا فى صراع
الوداع جت لى برائه
من تجمل او سماع
كله فى الكذب وعايم
فارد الصارى بشراع
الوداع لنفاق وكذب
انتشر بين الضباع
عهدى راح وده عهدكم
لجل مصالح نحب
ولو مفيش نسبكم
الوداع عيشوا فى صراع
يمكن انسى اسمكم
الوداع جت لى البرائه
والنجاه من شركم
الوداع يا دنيا فانيه
الوداع يا اهل الخداع
الوداع اروح لربى
وعلى الطمع عيشوا فى صراع
بقلم محمد البلاط

مش هستنى تانى يا حبيبى - بقلم محمد البلاط

مش هستنى تانى يا حبيبى - (غنائى )
..................................
مش راح اعاتبك ولا هستنى يكفينى جرح وهد امالنا
ولو توعدنى الباقى من عمرى هبقى حوريه وعايشه فى جنه
مش هستنى مش هستنى
مش هستنى تانى يا حبيبى شايفه البعد علاج وطبيبى
يكفينى ابعد وبدون ما اعند يمكن بعدى يطفى لهيبى
ولا انى معاك تانى استنى
خايف البكره وفى راسى ذكرى لهد امالنا
مش هستنى مش هسنى
مش هستنى تغدر بيا ولا هستنى اشحت حنيه
ولا هستنى عتاب على جرح كان بايديك وجرحته اه ليا
ولا هستنى منك فرح ولا هستنى تعيد الشرح
درس وخدته وعلم فيا
مش هستنى تانى يا حبيبى
مهما الناس قالوا حتى فى حقى او بجنون دول شاوروا عليا
مش هستنى مش هستنى
مش هستنى خلاص فيتاك
مش هستنى خلاص بيعاك
بعت الود غدرت بقلبى
روحت هجرت بدون حنيه
مش هستنى عتاب ولا لوم
ولا هسنى تانى مداديه
ياما شبعت كثير من لوم
وعشان حبى يعيش ويدوم
كنت هفيه
قلبى بايدى سلمتهولك
وروحى كت تتمنى وصولك
ياما حكيت الشوق فى رسايلى
لكن ردك عدم وصولك
واوصل شوقى بصبرى والومك
واخدع نفسى من طول يأسى
مانا غلطانه سلمتهولك
لكن اقولك تانى يا حبيبى
مش هستنى
مش هستنى تغدر بيا
ولا هستنى منك فرح
كافى عليا صبر صبرته
كافى عليا اكبر جرح
مش هستنى تانى يا حبيبى
لو توعدنى ابقى حوريه
عايشه فى جنه فيها اتهنى
مش هستنى مش هسنى
مش هستنى تانى يا حبيبى
بقلم محمد البلاط

ااااه يا حب - بقلم محمد البلاط

ااااااااااااه يا حب - ( غنائى )
اشترينا الوعد منك
والثمن غالى علينا

واحتفظنا كثير بسرك
اشتريت وبعت فينا
.......................
ااااااه يا حب من اللى ظلمك
واللى بكلنا عنينا
العتب مش على ضعفك
العتب هيكون علينا
........................
اشترينا اللى بايعنا
وبعنا اللى حب فينا
اشترينا الوعد منك
والثمن غالى علينا
.........................
واللى نابنا بس غدرك
ولطيبتنا بيك رضينا
اااااااه يا حب من اللى ظالمك
ااااااااه يا حب اتكوينا
..........................
الزمن معدش عهدك
ولا بيحن علينا
واللى تخلصله يعاندك
واللى نعانده يراضينا
................................
عيب قلوبنا ولا عيبك ؟؟؟؟؟؟؟؟؟؟؟؟
واختيار ولا نصيبك ؟؟؟؟؟؟؟؟؟؟؟؟
القريب يبقى عدوك
والغريب يبقى حبيبك
..........................
اااااااه يا حب
من زمن باعك وخانك
يفتخر بس بأسمك
وبقدم يدوس كيانك
.........................
ااااااه يا حب من اللى ظلمك
واللى بكلنا عنينا
الزمن معدش عهدك
ولا بيحن علينا
...................
ونويت انى اعاهدك
نشترى اللى شارينا
وتعود تانى لعهدك
ونبيع اللى ناسينا
........................
ااااااه يا حب من اللى ظلمك
واللى بكلنا عنينا
مش زمنا يظهر ان اتحنينا
بعنا كل الخلق لأجله وبيه رضينا
......................
ااااه يا حب ااااه يا حب اتكوينا
بقلم محمد البلاط

زمن التطبيل لكتاب مهبيل - بقلم محمد البلاط

زمن التطبيل لكتاب مهابيل
............
ماذا حدث وما الفرق بين ادباء اليوم وادباء الامس
وهل ماتت الوطنيه واصبح التطبيل للحكام هو رسالة
الادباء والكتاب
--
فى بيان مؤتمر الاتحاد العام للادباء والكتاب العرب
الدوره الثالثه 21-23 نوفمبر2006
من خمس عشرة دولة عربيهعلى ارض مصرالمحروسه
تحت رعاية من سوزان مبارك وبرئاسة الاستاذ محمد سلماوى
رئيس اتحاد كتاب مصر. لمناقشة قضيا الثقافه واوضاع الامة العربيه يؤكد الادباء والكتاب العرب من على منبر الجامعة العربيه
رفضهم التام للممارسات الامريكية والصهيونيه ضد الامة العربية
فى فلسطين ولبنان والعراق والسودان.ان الدم العربى المراق فى هذه البلاد هو شهادة على عمق المؤامره وتأصل مخطط الشر الموجه ضدنا .وبعد ان ظهر واضحا للعيان ان عملية السلام قد لفظت انفاسها فاننا نعلن وقوفنا الى جانب المقاومة باعتبارها
طريقنا المشروع لاسترجاع الحقوق العربيه
( المجد للمقاومه )
المجد لمن قال لا فى وجه القوة الغاشمةلأعداء وطنه
المجد للمقاتل العربى الباسل الذى حقق النصر فى لبنان
والذى يتطلع الى النصراو الشهاده كل يوم فى فلسطين
والذى يقف شامخا فى وجه الالة الامريكيه بالعراق
المجد لكل عربى على كل شبر . يرفض الممارسات الامريكيه
والصهيونيه وكل الممارسات التى تسير فى ركبها.
ان الادباء والكتاب العرب المجتمعين فى هذا المؤتمر
. يؤكدون ان فلسطين هى قضية العرب الاولى والمركذية
ولن تعرف هذا المنطقه السلام دون حل عادل لهذا القضية
كما يرون ان التدخلات الامريكية الراميهة الى تفتيت الامة
والسيطرة على موارد الطاقه فيها. واستباحة دماء ابنائها
وثرواتها تحت دعاوى كاذبة مثل اقامة الديمقراطية وحقوق منطقه من اسلحة الدمار الشامل. هذا كله لن يؤادى الى السلام العالمى بل يزيد النار اشتعالا وهذا بالتأكيد ليس من صالح البشريه الخ
هذا جزىء بسيط من توصيات المؤتمر
-----
اليوم انظر لما نحن فيه وما وصلنا اليه ولذالك كان السؤال
ماذا حدث وما الفرق بين ادباء اليوم وادباء الامس
وهل ماتت الوطنيه واصبح التطبيل للحكام هو رسالة
الادباء والكتاب ام انه زمن المطبلتيه

محمد البلاط

يا بياع الكلام فينك - بقلم محمد البلاط

يا بياع الكلام فينك
سامعنى ولا فى ودانك
مرض بالهرش
ما يسكنش بصوت جعان
وعلاجه موسيقى ورقص
ملكش فى الحمول و الشيل
مكنتش قولت انك جحش
وفحفرت الذريبه فى ليل
وجايب على ظهرك برش
يا تترك الحمول لرجال
يا ترحمنا ليه ما تريحش
يا بياع الكلام فينك
بقلم محمد البلاط

خليك مطيع - بقلم محمد البلاط

خليك مطيع
وارضى يا عم بقسمتك
ليجيك رضيع
يندمك على حشرتك
زمن الكلاب تكل لحوم
وانت ما تلقاش الهدوم
وعليك تصوم
وبلاش تدارى عورتك
خليك مطيع
وارضى يا عم بقسمتك

بقلم محمد البلاط

اوعاك تقول انك شريف - بقلم محمد البلاط

اوعاك تقول انك شريف
او كنت يوم بتحبنا
زينلى وهمى انك عفيف

وقولت انك مننا
بعت الغالى وايا الرخيص
ومن بيوتنا كرشتنا
بايديك سارق منا الرغيف
وشارب بكاس من دمنا
اوعاك تقول انك شريف
او كنت يوم بتحبنا
او منبعك من ارض ريف
او ابن ناس حنينه
ساجن وحابس العفيف
ومعاك كلاب بتعضنا
صهيونى عابد نجمته
جاى بفكره يهدنا
اوعاك نقول انك شريف
او كنت يوم بتحبنا
بايديك سارق منا الرغيف
وشارب بكاس من دمنا
بقلم محمد البلاط

يا شرنقه معلقه - بقلم محمد البلاط

يا شرنقه معلقه
لعب القدر فيه خطر يشبه نبات الشيح

لو به زاحف عطر ندمه يكون صريح
ينجى اللى اتذكر فى امان داخل اللوح
ويهلك ظالم مفترى خلف وراه مجاريح
يا شرنقه معلقه وفيها الامل فيه روح
على فرع متشعلقه بيهز فيها الريح
وناس مستنظره يوم البزوغ مجاريح
وناس من فجرها نسجوا عليكى شباك
كتبين على غزلها يوم الميلاد هلاك
ومعلقين فى السما غربان بتستناك
وفرشين على الارض النار وقودها اشواك
نسيين بأن القدر فى ميعاده يستناك
موسى ناويله الغجر يوم الميلاد هلاك
لكن اخذه القدر اتربى عنده هناك
وبعينه عليه سهر مين يا موسى رباك
لعب القدر لعبته وبيده كان هلاك
يا شرنقه معلقه وفيها الامل فيه روح
على فرع متشعلقه بيهز فيها الريح
وناس مستنظره يوم البزوغ مجاريح
لعب القدر فيه خطر لا يهمه نو ولا ريح
بقلم محمد البلاط

انا بهواك - بقلم محمد البلاط

بدارى فى نفسى احزانى
ودفنه كل احلامى

واعيد الود من تانى
انا بهواك
تسافر والبعاد يطول
ودمعى على الخدود بيقول
وبيسطر بالألم سطور
عشان فكراك
وتبعد والبعاد بيطول
وبستناك
طب ارسلى وطمنى
الغربه عملت ايه وياك
رحلت وانا بستنظر
وليل نهار بأفكر
هيرجع تانى حبيبى
ولاه فى غيرى بيفكر
و لو من يده كاس المر
وحنظل صبر
بقول سكر
ولو كان الضنى حظى
هعيش العمر استنظر
و بدارى فى نفسى احزانى
ودفنه كل احلامى
واعيد الود من تانى
انا بهواك

بقلم محمد البلاط

ابعد حبه عن التدخين - بقلم محمد البلاط

ابعد حبه عن التدخين
مش علشان ما بعدت يومين تجرح قلب تبكى العين
وتكتب مر الشكوى بهجر وتنشرحزن على الصفين
قبل ما تشكى منى وتبكى اسأل عنى وشوفنى انا فين
شوفنى انا فين شوفنى انا فين
انا مش ببعد عنك هجر ولاه عمرى بعرف المكر
اللى شغلنى عنك فكر خلى القلب بسببه حزين
خلى القلب بسببه حزين
قالى طبيبك انك عارف عن تحاليلك وكمان شايف
ورغم بأنه ده عليك خايف ولسه بتلعب بالسكين
ولسه بتلعب بالسكين
قالك ارحم نفسك وابعد علشان اهلك تقدر تسعد
وبلاش تعند وابعد حبه عن التدخين
ابعد حبه عن التدخين
ليه بتهد العمر بأيدك وايه من الشرب ده راح هيفيدك
هبوط فى القلب وسد وريدك وكل العيله وراك دايخين
مش علشان ما بعدت يومين تجرح قلب تبكى العين
وتكتب مر الشكوى بهجر وتنشرحزن على الصفين
انا مش ببعد عنك هجر ولاه عمرى بعرف المكر
اللى شغلنى عنك فكر خلى القلب بسببه حزين
خلى القلب بسببه حزين
ابعد حبه عن التدخين ابعد حبه عن التدخين

بقلم محمد البلاط

ساهر الليل بتفكيرى - بقلم محمد البلاط

ساهر الليل بتفكيرى
ونيسى ذكرى و سيجاره
على دخانها يتشكل

جبال وانهار وعماره
وطيفك منى يتهرب
كأنه عاطينى اشاره
بلاش منى تانى تقرب
ونازل بينا ستاره
وتطرق ذكرى ابوابى
ترجع ماضينا فى حاره
ومدرستى ومدرستك
وصوت بيمر من استك
ولعبة اتصال بينا
بين الجدران نتخبى
وننطق باللى جوانا
واستك حبنا جنه
صغار واللعبه شغلانا
ورغم السن واللعبه
لكن فى شىء جوانا
بيزرع الحنين فينا
ويسعدنا فى لقانا
وبين النار والدخان
صدر قرار من اهلينا
وكان للبعد مسافه
وذاد القلب دقاته
لانا طايلك ولا سمعك
وموجى ذاد هياجه
ودربك كان فى دخانى
ولى معبد وامانى
راسم عينك فى فنجانى
وبين عينك وبين طيفك
اعيد الذكرى من تانى
وارسم الف خط بعرض
من الذكرى
وخط عليها طوالى
امامى وسنتى والفرض
اعيد البدر لمكانى
ولو المهر فيه روحى
ورشوا الملح فى جروحى
شايفها فى شكل دخانى
بقلم محمد البلاط

قلبى مكنش اااه ليك - بقلم محمد البلاط

قلبى مكنش ااه ليك
........................
كنت ليا حجات كثير

كنت بستانى وفرحى
وكنت زهره تداوى جرحى
ومنها بلسم وعبير
كنت بسمه فى عز ازمه
والامان اللى فى ايديا
كنت حلمى وضحكه عاليا
كنت سرى وليا بير
كنت دمعه اساسها شمعه
نورت طريقى ليا
ومن ايديا كانت رفيق مشوار طويل
كنت ليا حجات كثير
كنت بحلم انى ليك
واتخدعت فى كلمه منك
لما صدقت عنيك
وبرضايا قلبى مال لك
حط عشمه فى حبه فيك
وللاسف جرح اتجرحته
والالم سببه ايديك
كنت حبى وعمرى كله
وكنت كلى وروحى ليك
بس يا خساره هقولها
قلبى مكانش ااه ليك
اللى بعته فى لحظه بيع
وبالمحبه كان شريك
قلبى مكانش ااه ليك
بقلم محمد البلاط

خلاص شوفناها يا معلم - بقلم محمد البلاط

خلاص شوفناها يا معلم
وشوفنا الحكمه تتكمم
والرقاصه تتكلم

وشوفنا العرض فى الشارع
نايم من البرد يتألم
وورد مصر متشحطر
على رصيف وسلم
خلاص شوفناها وعهودك
بالف لسان تتكلم
وكونا للعينين نورك
وكونا درج السلم
خلاص شوفناها بعنينا
وحسينا مين اتألم
يا اما تذيد فى غرورك
يا اما فى جلسه نتكلم
يا اب العجز فيه معلم
فى جنب اركن بقى وسلم
والعزبه لها اصحاب
لسانهم بس يتكلم
خلاص شوفناها يا معلم
بقلم محمد البلاط

اول الرواد - بقلم محمد البلاط

اول الرواد
............
مسافر بالجسد والروح

وليكى ابوح واتكلم
على تلال النهود صاعد
من الوادى بدون سلم
وحلم الرغبه لوصولك
بأعلى صوت بيتكلم
عاشق من عشقه بيهوى
يطوف بالخصر ويعلم
خطوط بانامل العازف
وارتل نشوه مكبوته
على ارضك بحدوته
يحن الفرع ويميل
واقطف من ثماره ذاد
وازرع زرعتى فى الواد
ويتساقط مطر رغبه
وادارى بين هضابك
واكون اول الرواد
روى ارضك زرع بورك
نهاية رحلتى فى سفرى
وابنى سور عى حدودك
واكون الفارس الحارس
وزاده شهد عنقودك
بقلم محمد البلاط

قوبلة وداع - بقلم محمد البلاط

قوبلة وداع
بعد طول الفكر خدنى فكرى مال عليكى
وهمست همس عشقى ولهفتى وحبى ليكى

ورفعت ليل غطاكى عن محاسن سكنه فيكى
وارتجفتى وارتجفت على جمر كان مليكى
وطفينا نار حنينا بحاسه ليا وحاسه ليكى
وطبعت قوبله واحده بين رموشك وعينيكى
وبعدها كان الوداع امتى ارجع تانى ليكى
بقلم محمد البلاط

لملمى يا بنت غزلك - بقلم محمد البلاط

لملمى يا بنت غزلك
مش سمك تصتادى فيه
كنت قرش وانا قدك

الشبك حاول معاه
والضفاير لملميها
مش شاغلنى الورده فيها
وضحكتك لو تضحكيها
بصوت عالى وقهقه
مش شاغلنى الصوت فيها
ولا ههتم برموشك
لو راكبهم غمزات
ولا بدمعه فى عنيكى
لو تموتى من العياط
لو فى بحر العشق فاكره
تصطادينى ومن سكات
كنت قرش وانا قدك
الشبك حاول معاه
لملمى يا بنت غزلك
بقلم محمد البلاط

اشرب ياللى ما دوقتش حنظل - بقلم محمد البلاط

اشرب ياللى ما دوقتش حنظل

اشرب ياللى ما دوقتش حنظل ولا تعرفش الشوك فى الصندل

شكل الفتنه جميل ومزهر لكن الطعم ده كله مرر

اشرب ياللى ما دوقتش حنظل

كاس وفرحت فى تجريعه ناس ورقصك كان على هد اساس

ليه اليوم فى الشوك محتاس وبتلطم وتقول انا هكفر

اشرب ياللى ما دوقتش حنظل يمكن تعرف قيمة الاكبر

بعد ما كنت فى عهده الباشا وجالك عهد بقيت كناس

انا فرحان وبرغم الامى انى اشوف فيه كلاب قدامى

بتبكى جراحها وكل مناها سم وحامى هيريحها

بعد ما داقت نفس الكاس

اشرب ياللى ما دوقتش حنظل ولا تعرفش الشوك فى الصندل

شكل الفتنه جميل ومزهر لكن الطعم ده كله مرر

اشرب ياللى ما دوقتش حنظل اللى سقيتو مرار للناس

كاس وفرحت فى تجريعه ناس ورقصك كان على هد اساس

ليه اليوم فى الشوك محتاس وبتلطم وتقول انا هكفر

اشرب ياللى ما ذدوقتش حنظل اشرب ياللى ما دوقتش حنظل

بقلم محمد البلاط

يلا يا قلبى - بقلم محمد البلاط

يلا يا قلبى يالا يا قلبى انطق قول اللى هيتقال
ما تفكرش ولا تحترش ولا تشغلش كثير البال
يلا يا قلبى يلا يا قلبى مهره وعايزلها الخيال
وارمى لجام الشوق واحباله
وسيب العاصى سيبوا فى حاله
واعمل ناسى وارمى لجامه
وشيل اللى عملك شيال
يلا يا قلبى يلا يا قلبى انطق قول اللى هيتقال
قول انا ليكى وعمرى معاكى راح اقضيه لو كان فى النار
ولو غضبانه فى يوم هداديكى ومش هيكون فيه بينا اسرار
يلا يا قلبى يالا يا قلبى مهره وعايزلها الخيال
وارمى لجام الشوق واحباله
وسيب العاصى سيبوا فى حاله
واعمل ناسى وارمى لجامه
وشيل اللى عملك شيال
يلا يا قلبى يالا يا قلبى انطق قول اللى هيتقال
بقلم محمد البلاط

قول لحبيبك اللى فى قلبك - بقلم محمد البلاط

قول لحبيبك اللى فى قلبك ما تخبيش ولاه حتى تدارى
قولوا انا تايه والله فى حبك وانت نسينى وبى مش دارى
قوله مخصمك وعمرى ما اصالحك ليه بتبعنى وانا الشارى
قوله بعاتبك بس لأنك وحدك عالم بى وبحالى
الخلان راحوا وفتونى حتى الاهل كمان نسيونى
قلبى ما عرف الحزن عشانهم الا عشانك بكت عيونى
ليه يا حبيبى غيابك طال تارك قلبى ليه على نار
زعلان منى ولاه كرهنى ولاه قصدها بأنى احتار
تايه فكرى معاك يا حبيبى بين الجنه وبين النار
قول لحبيبك اللى فى قلبك ما تخبيش ولاه حتى تدارى
قولوا انا تايه والله فى حبك وانت نسينى وبى مش دارى
بقلم محمد البلاط

باب الحوار مقفول - بقلم محمد البلاط

باب الحوار مقفول تعرف يا عم ليه
باعولنا طبق الفول ابو شلن بجنيه
والباشويه ميراث عايز تخدها ليه
على الكرسى فيه حراس برصاص كله حميه
فكرك يشيل من الراس انه سعادة البيه
باب الحوار مسدود وما تفتحوش افضل
بينك وبينه سدود يوماتى بتكبر
وان كنت الموعود وحده هيتفجر
باب الحوار مسدود
بقلم محمد البلاط

ما بلاش تتجنى وتتمنى - بقلم محمد البلاط

مابلاش تتجنى وتتمنى الهجر وبعد عن احبابك
مش كنت كثير بتتمنى لرضاهم وفتحت ابوابك
ايه غير طبعك تستنى للغلطه علشان تنساهم
مبلاش من لوعك ومعانده وانطقها تعبت انا وياهم
يا تقول مليت فى محبتهم يا تقول نسيت عنوان بيتهم
يا تقول انا قلبى صبح قاسى ومن عقلى خرجوا ونسيتهم
 وبلاش تتجنى وتتمنى الهجر وبعد عن احبابك
مش كنت كثير بتتمنى لرضاهم وفتحت ابوابك
راح اقولها صريحه ومش هعاتبك
واحلف بالله انى ما خنتك
مش ادافع عن حقى فى ظلمى
وكفايه عليا انى عرفتك
بتحب اللى بيبعد عنك
وبتكره اللى يقربلك
وتبيع برخيص كل الشارى
والشارى ما ينجاش من غدرك
وبلاش تتجنى وتتمنى الهجر وبعد عن احبابك
مش كنت كثير بتتمنى لرضاهم وفتحت ابوابك
بقلم محمد البلاط

الصبر دونا ودواكم - بقلم محمد البلاط

الصبر دوانا ودواكم وده مهما هنصبر وياكم
مش هنقدر يوم نجرحكم ولا نقدراننا نساكم
وان كان القلب فيه الطيبه وحفظنا هواكم فى الغيبه
معذوره قلوبنا وياكم مش جهل ولاه مننا خيبه
بنحب بجد وبقلوبنا وبيشدنا شد اللى حبيبنا
ودى اكبرغلطه بنغلطها وبنرضى بقضنا ونصيبنا
وقسيتوا علينا ظلمتونا وعصرنا على النفس ليمونه
ولمونا الناس اللى شفوناعلى طول الصبر ده وياكم
الصبر دوانا ودواكم وده مهما هنصبر وياكم
مش هنقدر يوم نجرحكم ولا نقدراننا نساكم
بقلم محمد البلاط

كلام فى كلام - بقلم محمد البلاط

كلام فى كلام
كلام فى كلام واسم اعدام عشان تصفى على مسجون
دى لعبه وكلها نصبه وقابله مبارك المزموم

نجيب الوزن والكفه وبلاش فى الناس نتشفى
واسم العدل ده ربك مين الظالم ومين مظلوم
ولو قلبك بحقده غواك و شكلك اترسم كملاك
هتندم على شىء جواك بلاش على الناس يا صاحبى تلوم
وراجع الماضى بترتيب ومترددش فى الاكاذيب
ليه فى الاعراض يا عم تعيب بناتك مش ملاك ونجوم
وصدق لو ظالم مظلوم وبحر الكذب فيه بتعوم
بيمهل الله ما يهمل وجايلك يا ظالم فيه يوم
كلام فى كلام واسم اعدام عشان تصفى على مسجون
ولو عاقل هتفهمها وبكره تشوفها يا مجنون
بقلم محمد البلاط

دعوة المظلوم - بقلم محمد البلاط

دعوة المظلوم
غريبه يا زمن ناسك
هموم محطوطه فوق هموم

حجاره وصخر لبسه هدوم
لسان بالشهد بينقط
وساعة الجد ليه بيزوم
فاكر العزبه وارثها
وهى سريقه و حارسها
وصاحب الحق لو ينطق
عليه نصابه كثير بتلوم
فاكر بيضبط المايل
وعشره جنيه فيها رشوه
يسيبها فى دمها سايل
ونوصل للى بيبنى
قريب وحبيب يسيبنى
ولو غلبان وبدارى
بالف قانون يعزبنى
يخالف فى المرور و السير
ولو راكن اشيل ميت
اشوف عز النهار الليل
يا ناس شايفين الحاله
بياكل لقمته بعرقه
ليه افعالكم ليه بطاله
واستغلال وظيفتكم
فى كل مجال فيه اشاره
هموم محطوطه فوق هموم
حجاره وصخر لبسه هدوم
لسان بالشهد بينقط
وساعة الجد ليه بيزوم
يا صحبى من المحال الدوم
لكل عهد شكل ولون
ولو تيجى على المهموه
يسامح الله فى حقه
وما يسبش حقوق مظلوم
يا صحبى افتكر ربك
وعامل الناس بحبك
نهود الكلبه يرضعها
ملك لو كان جزاء اللوم
والله رافع الحاجز
بينه وبين دعوة المظلوم
بقلم محمد البلاط

قول الحق - بقلم محمد البلاط

قول الحق
قول الحق ايه الفرق بين العبديه
وكلمة حق محجوزه فيا

وقاضى مش عارف كلمة لا
قول الحق ايه الفرق
العبديه ظلام فى ظلام
اعمى واخرس مافى لسان
متفكرش تنطق مره
متفكرش امتى تنام
و الحريه عروسه جميله
واللى يريدها يدفع مهر
شق طريقك وسط الصخر
شق طريقك لو بسنانك
لو فيه نار مفروده قدامك
اركب عزمك شد لجامك
سيف الحق جرابه خلخالك
وكون خيال المهره الحره
من الاقذام الساحه تخلالك
ولو قصرت فى طلبك ليها
هتموت وانت ذليل فى الشق
صاحب الحق ولو كان اعزل
فى طلب الحق قلبه ما رق
الحريه عروسه جميله
واللى يريدها يقول الحق
قول الحق
بقلم محمد البلاط

الجنيه - بقلم محمد البلاط

الجنيه
الجنيه ساكنه الميه
دايما ترعى فى شط الترعه

نصف الليل ومفيش حواليا
شوفتها قاعده بشعرها الاصفر
وماسكه جدايل فيها بتدفر
قولت اميل يمكن اظفر
بميعاد منها او حنيه
واول خطوه اخطي حداها
صوت من الغيط قالى النداهه
اوعى تقرب اجرى عليا
وماتتغرش فى جمال حرمه
دى الجنيه
بقلم محمد البلاط

انت عبيط ولا بتسطعبط - بقلم محمد البلاط

انت عبيط ولا بتسطعبط
الف رساله بتحكيلى شوقك
ولما بقابلك ليه بتتلخبط

الف ميعاد وميعاد وياك
بتغيب غيبتك واستناك
كل الناس لمحونى معاك
يظهر فى الدايب بتشعبط
انت عبيط ولا بتسطعبط
قولى حقيقة امرك ايه
ناوى يدوم الحب مابينا
ولا القلب بتلعب بيه
قولت هتيجى تقابل ولدى
وزينت البيت بحنه ورد
واستنظرتك سوقت العند
واتهربت بحجه يا افندى
جاى تصالحنى بورد وكاس
ونسيت جرح كلام الناس
ليه فى الكذب بقيت بتخبط
ولما بقابلك ليه بتتلخبط
انت عبيط ولا بتسطعبط
بقلم محمد البلاط

اراجع نفسى و بنفسى - بقلم محمد البلاط

اراجع نفسى وبنفسى

اخف همومى ويائسى
جايز فى نصيبى يكون موجود
حب حقيقى وبه موعود
يداوى جراحى ويفرد جسر
ومن يدى يسندنى
يفوتنى عليه بالجود
ويهدم كل موانع
ويفتح كل شىء مسدود
ويعطينى من الامل زهره
واحس بان فيه موجود
قلوب بتحب وتعشق
وفيها الصدق دا موجود
اراجع نفسى وبنفسى
جايز يحن ليكى قلبى
شايف فيكى الوداد موجود
شايف رمشك كما الحربه
يا صاحبت العيون السود
وكحل طبيعى من الله
لا باليد ولا بالعود
و تفاحه من الهند
بلونها الوردى على لخدود
ومن البلسان عود مفرود
وشعر شبه صفصافه
فروعها جدايل بتتمايل
مع النسمه دى هفهافه
اراجع نفسى وبنفسى
اخف همومى ويائسى
جايز لهواكى فى الاخر
قلبى يحن ليكى ويرسى
على شطك
ويصبح حبك المرسى
اراجع نفسى

بقلم محمد البلاط

قوم يا زناتى - بقلم محمد البلاط

قوم يا زناتى
( الحاج حسين )
.....................

قوم يا زناتى وشوف اعمالك
شاغل بالك بالاخبار
والله يا راجل ارضك بارت
وسائلوا عليك غفر الدوار
عبد الظاهر بلغ عنك
قال دا سياسى وواد مكار
.........................................................................
( زناتى )
..............
يا حج حسين ملناش فى سياسه
ولا ليها عازه نشوف اسرار
كلها عزبه وفيه ناس راكبه
وعامله الشعب كله حمار
غلوا علينا حتى الجله
ولبسوا مصر ثوب العار
..................................................................................
( الحاج حسين )
....................
والله يا صحبى كلامك نور
ومن اللى انا شايفه الراس بتدور
صابر ولدى خلص جامعه
وطالب شغل وعايز دور
طالبين منه هيئه وسمعه
ويبقى حمار و يجر خضار
وابن الحاج عطيه بيبكى
اصل ابوه موصوم بالعار
فلاح عادى بين بهوات
هيروح فين ابن الصرصار
على مجموعه الكل بيحكى
واد لهلوبه وذى النار
نفسه يكون فى المحكمه قاضى
لكن الحكم بايد جبار
......................................................................................................
( زناتى )
.............
يا حاج حسين جايه انتخبات
يمكن يوم تصحى الاموات
ويكون عدل الله فى الرض
حل وفاصل لاشتبكات
...................................................................................................
( الحاج حسين )
.....................
واه يا ذناتى لسه بطيبتك
وفاكرين انك فقه سياسه
ياخدك الله وياخد خيبتك
الف سياسى نصاب داخلينها
يستلموها وتسمع منهم
اللى سبوها كانوا بايعينها
ونبداء فى الترميم وعلاج
دخلوا البيت من الباب سرقوه
وهرب الكل من الشباك
قوم يا زناتى روح الغيط
شاغل نفسك باللى ما عارفه
وزرعك غطاه الشبيط
قوم يا زناتى
.......................................................................................................
( زناتى )
..................
انت فاكرنى يا حاج حمار
الاعلام بيطمن فينا
معقول ناس بتحب بلدها
تعمل قشر البطيخ زينه
.........................................................................................................
( الحاج حسين )
قوم يا زناتى لعنه عليك
غبى مش فاهم ايه حواليك
قاعد تسمع ناس سرقوك
ببنج كلامهم خدروا فيك
قوم يا زناتى
بقلم محمد البلاط

ما بلاش نعيش الكبرياء - بقلم محمد البلاط

ما بلاش نعيش الكبرياء
وتنسى العقول لبس رداء
عجز وشىء اسمه الغباء

وقلوب مريضه وعايشه بيه
اصل الخيال فى الفكر داء
ورا جدار الكبرياء
ليه بستخبى وتهربى
ورسمه فى عينك قسوتك
بتحسسينى بالجفا
وتدارى منى ضحكتك
و تتعمدى يكون طريقى سكتك
واتأملك زارع فى نفسى فكرتك
وارسم غباء المفترس
وفى الحذاء عامل جرس
قاصد بانى احسسك
وعارف بان رغبتك
اطوى شراعك الملمك
وكبريائك عشمك
انى فى يوم ليكى انطوى
صحيح قلبى بينكوى
ويظهر بأن الكبرياء
نار فيها كنا بننشوى
ما بلاش نعيش الكبرياء
ومن النهارده يكون دواء
والحب لينا يستوى
بقلم محمد البلاط

راجع ليكى - بقلم محمد البلاط

راجع ليكى
بعد الغربه راجع ليكى
جايب تاج وكحل عنيكى
واتأخرة لنصف الليل
قاصد من النوم انا اصحيكى
باب البيت دا عليه شبوره
وصوره بخط اسمر اااه ليكى
ااااه ااااه يا عمرى
وضاع عمرى
املى وفرحى ضاعوا وياكى
بعد الغربه راجع ليكى
جايب تاج وكحل عنيكى
بأيه الدمع يفيدنى يا دنيا
جرح القلب ده كان بايديكى
ياما صبرة كثير وياكى
طالب منك كحل وتاج
طالب الرزق تحت سماكى
وطعم الصبر مراره فى حلقى
لجل ما اعود بوعود لحبيبى
تجرحى قلبى فى عز احبابى
وعتبت بيتى بأديكى مكسوره
واجمل صوره تكون فى عزابى
املى وفرحى ضاعوا وياكى
بايه الدمع يفيدنى يا دنيا
وطعم الصبر مراره فى حلقى
لجل ما اعود بوعود لحبيبى
تجرحى قلبى فى عز احبابى
حتى الصمت ماعدش يداوى
وانا مش ناوى ابوح بجروحى
كاتم نوحى داخل قلبى
وكلمت ااااه تتقال من غلبى
عز حبايبى فاتنى وراح
سابلى جراح موشومه فى قلبى
ااااه يا عمرى
ماضاع عمرى
املى وفرحى ضاعوا وياكى
بقلم محمد البلاط

عاشق ارضك - بقلم محمد البلاط

عاشق ارضك ومن نهدك
بغزى روحى بحبك
وبتعلم فنون العوم

ورامى نفسى فى صدرك
وعارف ان الغرق مجنون
لكنه جنه فى حضنك
ليه مش حاسه بهيامى
وعشقى اللى خلانى بقيت مجنون
بدادى الحنان فيكى
وصوتى العالى منى راح
بقالى اعوام بناديكى
وانا فى صدرك ساكن ارضك
حاسس بيكى
وايدك روحى سحبها
وهايم انا وياها
واقول هترد والقاها
ولو هتبيعى شاريكى
عناد منك عدم ردك
وبغازلك واداديكى
وصفصافك على اكتافك
بيتمايل وعشاقك بعين لهفه تراعيكى
وانا فى حضنك ومتغزى على نهدك
ورامى بنفسى فى صدرك
وعارف ان الغرق مجنون
وتايه وفى راسى فيه ظنون
عاشق ليكى وبقيت مجنون
وناس بتقولى انى ابنك
بقلم محمد البلاط

رغم صدك بعشقك - بقلم محمد البلاط

رغم صدك بعشقك
من قلبى حبى بيندهك
واتوه فى كلمة لو تقولها واسمعك

مش عشان زعلت منك اودعك
من قلبى حبى بيندهك
وافرد حنينى على الطريق
اللى يوصل مطرحك
واشعل قناديل الفرح
وافتح ستاير الامل
وابداء طقوسى فى معبدك
وافرش ورودى فى جنتى
والبس قميص من لهفتى
يظهر حنينى وشوقى ليك
من قلبى حبى بيندهك
ورغم صدك بعشقك
انت امانى وفى كيانى
يا حلم عمرى بعشقك
يا دم يجرى فى الوريد
ولو اشوفك من بعيد
يكون لى عيد ونبض قلبى
طفله فى فستنها الجديد
ورغم صدك بعشقك
ومن قلبى حبى بيندهك
يا شهريار قصتى
بهمس الحنين
سكنت قصر محبتى
وعليت عرشى ودنيتى
رغم صفوف العاشقين
ولبست تاج الحب
اسوره تحكيها السنين
ورغم صدك بعشقك
ومن قلبى حبى بيندهك
وافرح بكلمه لو تقولها واسمعك
الليل ضنانى من السهر
وتعبت من كثر السفر
وتعب الفراق بيجزنى
واتون نارى فى غربتك
انا اللى دايبه
ولهفتى اكثر كثير من لهفتك
ورغم صدك بعشقك
ومن قلبى حبى بيندهك
بقلم محمد البلاط

السلامه فى طريقك - بقلم محمد البلاط

السلامه فى طريقك
وازرعه ليكى كله ورد
ومش هعاتب

لعيوبك مافى عد
بالسلامه واوصلك
ومن الحديد اصنع مابينا
وبالحجاره الف حد
والكلام اللى سمعتيه
واللى قولته منى ليكى
والغزل اللى وصفته
فى جمالك وعنيكى
منه انسحب
رغم انه كله جد
كنت شايف صوره حلوه
كنت شايف فيكى ورد
كنت عندى فى السما
وانا ليكى يادوب عبد
كنت بنظر فى عنيكى
عقلى ياخدنى لبعد
كنت بمجد وجودك
بين كل نساء الارض
والنهارده اكتشفت
انى فيكى اتخدعت
والجمال اللى انا شايفه
كله بدره وكله بغض
واكتشفت ان الجمال
مش صوره وبرواذ فى عرض
الجمال ساكن القلوب
الجمال معنته حب
وابتسامه فى الوجوه
ونيه صافيه جوه قلب
السلامه فى طريقك
وازرعه ليكى كله ورد
ومش هعاتب
لعيوبك مافى عد
بقلم محمد البلاط

خطفت يا قدر فرحى - بقلم محمد البلاط

خطفت يا قدر فرحى
وكحلى تاه فى دموعى
وفستانى علشانى

سقط من صدره اللولى
خطفت فرحتى منى
دا فستانى جايبهولى
وعاش الغربه مستنى
ليوم الفرح يزينهولى
وفلبى كان بيتمنى
اشوفه بس بعيونى
وقالى احنا وصلنا
دقايق بس عدولى
وحضرة بأيدى الحنه
ومعازمى يهنونى
خلاص الليله هتحنى
امل عمرى على وصول
وقومت اقيس فستانى
واحبابى محوطانى
وفرحى كان مصاحبه الدمع
ولحظه وانطفى الشمع
ومعازيمى يعزونى
خطفت يا قدر فرحى
وكحلى تاه فى دموعى
وفستانى علشانى
سقط من صدره اللولى
خطفت فرحتى منى
دا فستانى جايبهولى
وعاش الغربه مستنى
ليوم الفرح يزينهولى
وفلبى كان بيتمنى
اشوفه بس بعيونى
وقالى احنا وصلنا
دقايق بس عدولى
بقلم محمد البلاط

اصحه للصاحى هيكلك - بقلم محمد البلاط

 

اوعى تفتكر ان ضعفك راح يحنن القلوب
او تظن ان اللى ظلمك يوم هيرجع او يتوب

الزمن زمن العجايب واللى غاب ملهش نايب
واللى منتظر لحقه بدون ذراع بيكون خايب
اصحه للصاحى هيكلك اصل سم الغدر صايب
لو يحس فى يوم بضعفك او يحس انك شايب
واوعى تفتكر ان ضعفك راح يحنن القلوب
او تظن ان اللى ظلمك يوم هيرجع او يتوب
اعقل الخيل وتوكل على القدم بين الدروب
رافع السيف وجلجل وانسى تتعاطى الحبوب
خدروك بكلام طيب وفى رقابهم الذنوب
واوعى ترجع من قريب مكرهم حرمه لعوب
اصحه للصاحى هيكلك اصل سم الغدر صايب
لو يحس فى يوم بضعفك او يحس انك شايب
اوعى تفتكر ان ضعفك راح يحنن القلوب
او تظن ان اللى ظلمك يوم هيرجع او يتوب
بقلم محمد البلاط

ليكى انا بتحنى - بقلم محمد البلاط

ليكى انا بتحنى
والف تحيه
يا حرمه ومبجله
من الله وهدية
هانها الخسيس بالضنى
وفى سجن مرميه

واشناب متبعثره
ورجال هفيه
رسموا الرجوله بقلم
وبألوان الميه
لا قولتى يوم الانا
ولا طالبه الديه
همك نعيش كلنا
وتكون مرضيه
لكن كلاب الحرس
ناوين على نيه
بيستنوا صوت الجرس
صبح الخداع غيه
ليكى انا بتحنى
والف تحيه
بقلم محمد البلاط

ما تحزنيش لو طال حبسك - بقلم محمد البلاط

ماتحزنيش ان طال حبسك

عفريت ولبساه مش لبسك

كل ما ينظر فى عيونك

بتكسريه ومهش كاسرك

شبه رجال وبيتمنظر

على حرمه الكلب الاذعر

فاكر الشهامه بالمنظر

ودهوس الزرع الاخضر

ما تيأسيش ولا تترجى

ولا تطلبيش من اللى يبكى

رب العباد فضله معاكى

عمر الخسيس ما يكون ظلك

وماتحزنيش ان طال حبسك

عفريت ولبساه مش لبسك

كل ما ينظر فى عيونك

بتكسريه ومهش كاسرك

بقلم محمد البلاط