تلفى تدورى انا مخاصمك - بقلم محمد البلاط

كلام نطقاه من غلبك
وفاهمه ان انا ضدك
تلفى تدورى انا مخاصمك
وشوفى مين اللى هيجيلك

تقيدى تانى قناديلك
هسيبك للدموع تنزف
وتكشف عن شراينك
منين الغدر ده جالك
وكام ضيعتى من عمرى
عشان تبقى فى مكانك
لكن يظهر لكى مظهر
غير الساكن فى وجدانك
كلام نطقاه من غلبك
وفاهمه ان انا ضدك
تلفى تدورى انا مخاصمك
وشوفى مين اللى هيجيلك
عملتى من الهوا اساطير
وسرك دفناه فى البير
واتحملت الاعيبك
ولخداعك صبحت اسير
وتهديدك صبح عاده
بمرار الصبر وذياده
وغضبك عملاه رياضه
وقضيتى الطريق مشاوير
كلام نطقاه من غلبك
وفاهمه ان انا ضدك
تلفى تدورى انا مخاصمك
وشوفى مين اللى هيجيلك
بقلم محمد البلاط