اصحى يا صحبى وصحى النوم
لو عشمان انك راح تطبخ اوفى فطار من بعد الصوم
تبقى يا صحبى صحيح بتلبخ وافضل ليك تبطل نوم
عمر النمله ما جابت سمنه ولا فيه خير مع ظلم يدوم
عمرك شوفت فى يوم الجبنه لو حطتها فى مش تعوم
هى حكاية وملهاش اخر لو الجن عنها اتاخر
ولو الصخر فى بلدك سافر الغربان واقفين على الكوم
مش وعدوك تترقى لباشا وبكره هتشبع اكل بغاشه
مش هتطول الشغل فى قهوة ولا هترص الفحم بماشه
خدك الاسطى قلم على سهوه واللى لهاك حتة رقاصه
لو عشمان انك راح تطبخ اوفى فطار من بعد الصوم
تبقى يا صحبى صحيح بتلبخ وافضل ليك تبطل نوم
عشنا وشوفنا اشكال واللوان ومليردير بدا من زبال
وابن سعاتى وابن الاتى وابن الكلب صبح سلطان
ولسه يا صحبى عايز النمله تجبلك سمنه
اصحى يا صحبى وصحى النوم
بقلم محمد البلاط
ليست هناك تعليقات:
إرسال تعليق