خلاص حبيبى كلمنى - بقلم محمد البلاط

خلاص حبيبي كلمني
وراحت احزانى منى
خلاص كلمنى طمنى
وشجر الود راح يطرح

لا عاد يرحل ولا يسبنى
ولا لقلبى تانى يجرح
ولا التفكير يعذبنى
ولا للهم فيه مطرح
وهنسا الماضى ونسيتو
وهبقى شمعته فى بيته
ولو جانى فى يوم مهموم
ببسمه اسعده ويفرح
خلاص كلمنى طمنى
وقالى بعتذر ليكى
ضباب على العين زغللنى
وصح جرحت انا فيكى
وطاب الجرح جوايا
وكانت هى دى نهاية
ومن اليوم ده هراعيكى
ادادى واهنى انا فيكى
خلاص حبيبي كلمني
وراحت احزانى منى
وعرف الفرح طريقى
وطاب الجرح حقيقى
ذمام الأمر سلمنى
لا عاد يرحل ولا يسبنى
ولا لقلبى تانى يجرح
وقالى بعتذر ليكى
خلاص حبيبى كلمنى
بقلم محمد البلاط