بدون الدعوة راح اجيلك - بقلم محمد البلاط

بدون الدعوة راح اجيلك
واغنيلك فى يوم فرحك
بتدعينى ليوم فرحك
على غيرى ؟؟؟؟؟؟
وناسى ان انا الغية
وانك كنت يوم طيرى
سقيتك مايتى بالورد
وكان قلبى سماك وارض
ومن حبى كثير لقطت
وكنت حنان وحنيه
ناسى الليل وعز البرد
ناسى اللى فيك كان من وجد
وما اشتكيتش يوم لحد
وكان حضنى ليك الغيه
بتدعينى ليوم فرحك على غيرى ؟؟؟؟؟
بتجرحنى بأيدك انت يا طيرى ؟؟؟؟؟
قاصد بالدعوة تجرحنى ؟؟؟؟؟
وبسهوله بتنسانى
انا الغالى انا العالى
انا اللى بأيدى لاقيتك
وكان مناك وصالى
وجوه القلب حطيتك
و طببت جناح مكسور
وعلمتك بكل اصول
وماء الورد سقيتك

بتدعينى ليوم فرحك على غيرى ؟؟؟؟
صارحنى وقولى ريحنى ؟؟؟؟
من الدعوة دى تقصد ايه ؟؟؟؟
قاصد بيها تجرحنى ؟؟؟؟
وقاصد جرحى يكبر ليه ؟؟؟؟
فى فرحك بكره اغنيلك
ومش منتظره منديلك
هأدر ان ده فرحى
وتبقى دموعى قناديلك
بدون الدعوة راح اجيلك
وهلبس فستانى الغالى
بصوتى العالى اغنيلك
برغم هد امانى
ودمعى امسحه من العين
وجرحى احطله شريطين
واحد ابيض ليوم فرحك
و التانى بلون الليل
يكون حداد على حالى
واغنيلك فى يوم فرحك
ولو فرحوا فى عزالى
ويسعدنى تكون فرحان
ولو راح اعيش وحيد خالى
هأدر غيتى فسدت
وجفت فيها انانى
وأحرم انى اربى الطير
ولاه برخيص ولا بغالى
وبكره اجى واغنيلك
بدون الدعوة راح اجيلك
واغنيلك بصوت عالى
ولو فرحوا فى عزالى
ومش منتظره منديلك
هأدر ان ده فرحى
وتبقى دموعى قناديلك
بدون الدعوة راح اجيلك
بقلم محمد البلاط