مكنش عشمى فيك - بقلم محمد البلاط

مكنش عشمى فييك
----------------

انا رضيت بالحال ليه غاوى تتعبنى
وتفرح العزال بالهجر وتسيبنى
مكنش عشمى فيك تعمل كدا باديك
وانا اللى كنت ليك الدوا والصبرى
ليه هجرتنى ونسسيت حتى فى يوم العيد
تحود على البيت وبكلمة تعاتبنى
مين فينا الجارح ومين فينا المجروح
ومين بسكينة الغدر كان مذبوح
مين اللى سهر الليل بجرحه يتألم
ومين اللى شاف الويل وحتىى ما اتكلم
ومين اللى دمعه سال وسكت وما بيبوح
وراضى راضى بالحال وانت اللى ليك مسموح
تفرح العزال بالهجر وتسيبنى
انا رضيت بالحال طب ليه تعزبنى
مكنش عشمى فيك تهجرنى وتسيبنى

بقلم محمد البلاط

الا دموع عنيك - بقلم محممد البلاط

الا دموع عنيك
انا صعب اشوفها
والحزن لو يجيك
روحك انا اسألها
ايه الى كان السبب
وايه بيألمها
وان كان سببه الغضب
لازم اريحها
دا انت اللى ليا وبس
الروح ويا النفس
وشىء فى دمى
و قلبى ليه العش
لو فكر يسبنى
يبقى هيتعبنى
ويبقى قلبى اتغش
فى اللى دموع عنيه
بتحش قلبى حش
والحزن لو بيجيه
قلبى يحن عليه
ولروحه تسالها
عن ايه بيالمها
وايه اللى حازز فيه
الا دموع عنيك
انا صعب اشوفها
انا صعب اشوفها

بقلم محمد البلاط

ليوم الوعد منتظرين - بقلم محمد البلاط

منين هتكمل الرحلة
ووحلة فى الطريق وطين
فاكر الجاى فيه احلى
ليوم الوعد منتظرين

يا اما توفى بوعودك
يا اما تروح ومش اسفين
ويكفينا الم وجراح
وننسى اللى عدى وراح

ونبداء عهد من تانى
مع اللى القلب ليه يرتاح
وننسى عهد انانى
نهاره شيخ وليله سفاح

بقيلك يوم ولا اتنين
ونعرف الحقيقة فين
ولو كنت بحق امين
عفينا على اللى راح وسماح

وان كان اللى حصل بالقصد
لا هتشوفك سما ولا ارض
ويبقى التار علينا فرض
وشرع الله دمك ساح

كثير الشعب اتحمل
ومنك كان بيتأمل
تعيد الحق لصحابه
ووياه مسيرته هتكمل

لكن فرطت فى جزيرتين
ونيل وغاز وفلسطين
وغزة حصرتها بجيشك
وضيعت معاك مساكين

بقيلك يوم ولا اثنين
ونعرف الحقيقة فين
منين هتكمل الرحلة
ووحلة فى الطريق وطين

فاكر الجاى فيه احلى
ليوم الوعد منتظرين
ليوم الوعد منتظرين

بقلم محمد البلاط
26 - 6 - 2020
30 -6 - 2020

متشكرين يا وطن - بقلم محمد البلاط

متشكرين يا وطن
متشكرين يا ناس
اللى عليكم ركن
بالف حذاء انداس

بعد ما كنا امل
وكان الثمن بالماس
متشكرين يا وطن
متشكرين يا ناس

هنعيش بلاكم او بيكم
واللى جانا بكرة يجيكم
ومتزعلوش مننا خالص
لو ماجيناش نعزيكم

فى همنا هنكون تايهين
هنعيش ولا نروح على فين
ذى ما شوفتو مصالحكم
مش فرح منا ولا شامتين

واللى اكل الطور الابيض
بكرة راح ياكل الاسود
واعند يا شعب كمان اعند
عشرتنا قطعتها السكين

بعد ما عرضى وشرفى اتباح
تحت عنيكم بميت ذباح
لا شوفت منكم اللى رحمهم
ولا عنهم الغم ده زاح

متشكرين يا وطن
متشكرين يا ناس
اللى عليكم ركن
بالف حذاء انداس

بقلم محمد البلاط

متشكرين يا وطن - بقلم محمد البلاط

متشكرين يا وطن
متشكرين يا ناس
اللى عليكم ركن
بالف حذاء انداس

بعد ما كنا امل
وكان الثمن بالماس
متشكرين يا وطن
متشكرين يا ناس

هنعيش بلاكم او بيكم
واللى جانا بكرة يجيكم
ومتزعلوش مننا خالص
لو ماجيناش نعزيكم

فى همنا هنكون تايهين
هنعيش ولا نروح على فين
ذى ما شوفتو مصالحكم
مش فرح منا ولا شامتين

واللى اكل الطور الابيض
بكرة راح ياكل الاسود
واعند يا شعب كمان اعند
عشرتنا قطعتها السكين

بعد ما عرضى وشرفى اتباح
تحت عنيكم بميت ذباح
لا شوفت منكم اللى رحمهم
ولا عنهم الغم ده زاح

متشكرين يا وطن
متشكرين يا ناس
اللى عليكم ركن
بالف حذاء انداس

بقلم محمد البلاط

يظهر انى هروح فى حديد - بقلم محمد البلاط

يظهر انى هروح فى حديد
-------------------------

اااه من ست البيت وطمعها
وااااه من نارها وااااه فى جشعها
لو تعبان تقل الراحة
وتمسكنى من حاحا لحاحا
وااااه لو قولت حرام بصراحة
يبقى البيت مش لى وبتاعها

العفاريت تحضر والجن
وصوت فى البيت يعلى ويرن
تقول فى الفن كانت رداحة

اسكت يمكن صوتها يخف
ولا لسانها يبطل لف
ترضى علينا الله يهديها
او شريطها منها يسف

وبعد الصبر وبلع كلام
ملىء الجسم سهام واخرام
تنكش نكشة تانى جديده
فين مصروف البيت وكام

اطلع باللى معايا واعطيها
يمكن اقدر انى ارضيها
تسيبنى فى حالى شوية انام

تبداء تحكيلى فى حواديت
جيباها من هنا وبعيد
مرة تقولى حاجة رمضان
ومرة تقولى حجات العيد

مش عايزانى شوية انام
لا فى الصلح ولا فى خصام
يظهر انى على اخر العام
هبقى سجين واروح فى حديد

بقلم محمد البلاط

يا ابنى اتعلم سياسة - بقلم محمد البلاط

يا ابنى اتعلم سياسة
------------------

لما مش قد الكلام
ليه سايق لنا فى الرجولة
وعامل انك الهمام
اللى هتجيب البطولة
قبل ما تعك فى كلامك
ابقى شوف السكة فين
ولا جت لحظة وخانك
اللسان بكلمتين
يا ابنى اتعلم سياسة
واعرف ايه معنى الكياسة
دا الفراسة فى الرياسة
ليها ودن والف عين
فين سلاحك
اللى كنت بتهددنا بيه
ايه سر اختفائه
ولا تمويه يا بيه
ولا جالك امر تبعد
واللى جاى ملكش فيه
يا ابنى اتعلم سياسة

بقلم محمد البلاط