عاد ولوط وسامود سكنوها - بقلم محمد البلاط

عاد ولوط وسامود سكموها
=============

لامتى هنشكى وندعى ونبكى وناس مننا قعدة بتتفرج
مرة الرقص ومرة السبكى وجيل ورا جيل عمال يتخرج
خربو بيوتنا خدو ما فى ايدنا وفى مصيبتنا حكومة تتفرج
كل جماعة عاملين شلة من قرداتى وحبة جلة
والاستاذ تعبان فى بلدنا وكل حمار فيهم ليه فلة
مين اللى مسكها ومين اللى حكمها
واى اساس عليه مقسمها
لما تقول للجاهل باشا
والاستاذ يتقلو يا رمة
هى عصابة وفيها نصابة
قل ضميرها ومفيش زمة
وناس فكراها انها غابة وبالسبابة راح تحكمها
نسيو الماضى ونسيو القاضى سهل عليه انه يهدمها
عاد ولوط وسامود سكنوها بكرة هيجى الدور عليها
اصل اللى بيبعد عن الله بكلمة كن سهل يسويها
ومهما هنشكى وندعى ونبكى وناس مننا قاعدة بتتفرج
على الماسونية ويا السبكى وجيل ورا جيل عمال يتخرج
يبقى انتظرو الاتى من الله واحنا معكم راح نتفرج

بقلم محمد البلاط

هيجى يوم وتنسونى - بقلم محمد البلاط

هيجى يوم وتنسونى
------------------

هيجى يوم وتنسونى
وينساكو الزمن بعدى
وفيكم اللى هيدعولى
وفيكو اللى يقول عدى
وافكركم
بلاش تذمونى فى داركم
ليبقى الدور فى قدركم
وتبقى القصة دوارة
من البيت للحارة
وتتفشى وتتمشا
من ‏إدارة لإدارة
وتبقى سنة محبوبة
وناس تعملها سبوبة
ماينفع بعدها توبة
وعند الله اخاصمكم
غلطت يوم فى حقك
انا اسف ومن عندك
كرم وسماح
ومش مرتاح ؟؟
ابوس يدك
ولو حاسس بظلمك لى
متزعلش هتزعل ليه
انا مسامح وبوسة عليه
ولو تحكم اجى لحدك
معدش باقى فى الايام
مجال لكلام
تعاتبنى ولا اعاتبك
لكن الباقى لو فيه خصام
تسامحنى وانا اسامحك
هيجى يوم وتنسونى
وينساكو الزمن بعدى
وفيكم اللى هيدعولى
وفيكو اللى يقول عدى

بقلم محمد البلاط

كله بيفهم فى المذيكا - بقلم محمد البلاط

كله بيفهم فى المذيكا اللى شاكوش وشطا وبيكا
ضافو للفن اللى مهش فيه عملو منه اكبر انتيكا
ليه عايزنى انا اقطع ليه الارزاق والكل عليه
واللى معاه طبال بيطبل والرقاصة معاها ابونيه
انسو زمان ايامه دى راحت ريحة الجيل الموجود فاحت
واللى بيطلع اللى بيبنى واللى بينزل هو الفاحت
اسمعو منهم شغل زمنهم بعد الناس اخلاقها ماضاعت
بعد ما كنا بنسمع ثومة دخل الفن متين جرثومة
اللى شاكوش وشطة وبيكا واللى ما فاهم فى المذيكا
قلبو الفن لشغل اونطة وكله معاهم ماشى فى الزيطة
كله بيفهم فى المذيكا اللى شاكوش وشطا وبيكا
ضافو للفن اللى مهش فيه عملو منه اكبر انتيكا

بقلم محمد البلاط

سيبك منهم - بقلم محمد البلاط

سيبك منهم
----------

اللى ظلمنا وافتى كلامنا
بين الحب وبين الغيرة
منه الله الله يسلمنا
سيبك منه وما تجيب سيرة

قاصد انه انه يشغلنا
ويدخلنا معاه فى حيرة
لا وياه ماشين ولا نفتى
سيبك منه خليه يعدى

ياما هموم شوفناها يا قلبى
ومفكرتش ابدا فيها

سيبك منهم سيبك منهم
ولا تهتم ولا تكلمهم
ولو راح اقولهالك بصراحة
وعايز الراحة
ابعد وخاصمهم

اللى ظلمنا وافتى كلامنا
بين الحب وبين الغيرة

بقلم محمد البلاط

الغربة - بقلم محمد البلاط

الغربة
-----

يا غربة واخده منا
روحنا وعينا ودينا
لامتى مغربانا
وعيشينك غصب عنا

احبابنا بعيد عنا
واحنا بعيد عنهم
وناس تمكر لدينا
واحنا حافظين دينهم

بيهدو مساجدنا
وكنيس بنرممو
والدين منا فى غربة
واغراب بتخدمه
وبقت غربتنا كربة
وعليها بنندمو

ان كت غربت حباب
فى يوم هيرجعو
لكن الدين اللى غايب
فيه مين يرجعو
لا دمع ليه نافع
ولا صبر عليه شافع
والضرب بالمدافع
فى القلب بيوجعه

يا غربة واخده منا
روحنا وعينا ودينا
لامتى مغربانا
وعيشينك غصب عنا

بقلم محمد البلاط

لا تخدمنى ولا اواسيك - بقلم محمد البلاط

لا تخدمنى ولا اواسيك
---------------------

لما تكون بتعد عمايلك
ليه بجمايلك ليه تعايرنى
فاكر انى فى يوم راح اعايرك
باللى عملتو او كان منى

لجل كرامتى ان ابعد عنك
ولا احتاجلك يوم تخدمنى
مش عشرتك اللى هتنفعنى
ولا ترفعنى يوم لفوق

دا انت بجهلك دا مضيعنى
وكل كلامك قلت زوق
يبقى بايه راح تنفعنى
وعشان ايه ليك اشتاق

ببعد عنك ايوا انا ببعد
ولمواعيدك بهرب واعند
دا اللى عليك يفكر يسند
عمر ما جالو يوم يروق

ليا طريق وليك طريق
ولا تئذينى ولا ائذيك
ومتفكرش تقرب منى
ولا تخدمنى ولا اواسيك

ولا تخدمنى ولا اواسيك

بقلم محمد البلاط

اااااه - بقلم محمد البلاط

ااااااااه
-----

مين يا مفتاح الحياة
لأمة فيها الحق تاه
مين اللى لجلك بنفسه ضحى
ومين اللى ضيعنا وصحى
جوه منا الف اااااه

مين اللى باع الأمة مين
مين اللى عامل اسرائيل
مين اللى حارب كل مسلم
مين اللى ما كنش امين

مين اللى ضيع خير بلادنا
مين اللى قتل فى ولادنا
مين اللى هد جامع ومدنه
ومين اللى سارق مينا قوتنا

مين اللى باعك يا بلدنا
ومنا عامل خدامين

ومين اللى هلل ليه وهيص
ومين اللى قال تعيش يا ريس
ومين اللى كان فرحان بيرقص
على دم الطيبين

مين يا مفتاح الحياة
لأمة فيها الحق تاه
مين اللى لجلك بنفسه ضحى
ومين اللى ضيعنا وصحى
جوة منا الف اااااه

ومين اللى بيسلم وراضى
والامور واخدها عادى
واتصالح ويا الاعادى
وبيعادى فيكى الامين

مين اللى سجن كل همة
مين اللى سجن الائمة
ومين لشبابك عدمها
تمهيد للدجالين

ياللى خيرك راح لغيرك
والف كلب قال امين
ياللى ثوبك خلعولك
واتسبيتى روحتى فين

غنو ليكى وخدروكى
وبكلامهم توهوكى
كرهوكى فى اللى عاشقك
وبايدهم سلموكى

بسألك واعتب عليكى
ليه قبلتى ليه رضيتى
والنهاردة بتندمى
وخايفة من اللى جاى واتى

بعد كل الدم دا
لسه جايا تسألى
على اللى فات وانقضى
وبدموع بتندمى

ااااااه ااااااااه انطقى واتكلمى

مين اللى خداع فى كلامه
ورغم كذبه فيكى عايش
ومين اللى صدق فى كلامه
ورغم صدقه لبس غوايش

مين يا مفتاح الحياة
لأمة فيها الحق تاه
مين اللى لجلك بنفسه ضحى
ومين اللى ضيعنا وصحى
جوة منا الف اااااااااه
اااااااااااااااااااااااااااااه

بقلم محمد البلاط