مين قدرلك تبقى حبيبى - بقلم محمد البلاط

مين قدرلك تبقى حبيبى
ومين اختارك ليا
مين مشعلل نار لهيبى
ومين قساك عليا

يمكن ليك اقدارى رمتنى
لجل ما تلعب بيا
مين قدرلك تبقى حبيبى
ومين اختارك ليا
حسنك يمكن اسر فيا
او بدلالك ساحرعنيه
ودق القلب من الحنية
وتهت بسبه وراك
يا معزبنى بطول الصبر
امتى هنول رضاك
كل ما اقرب منك شبر
تبعد عنى عايزنى انساك
قولها وريح قلبى يا قاسى
مين اختارك ليا
وليه على القرب منى ليه عاصى
ومين قساك عليا
يمكن ليك اقدارى رمتنى
لجل ما تلعب بيا
بقلم محمد البلاط

بالفول والعيش هنقضيها - بقلم محمد البلاط

بالفول والعيش هنقضيها
بالفول والعيش
ونعيش ايامنا ونقضيها
علشان الجيش

وعشان بلدنا نحميها
راح نلبس خيش
والباشا يعيش ويتهنا
وان رضى علينا يكرمنا
وان زعل منا يورمنا
ونعيش محبيس
زمن الهلويس زمن الهلويس
متقولش مكنش على ايامنا
بنقضى الخدمة وتلزمنا
وجديد علينا وجزامنا
كانت من ريش
علشنها دخلنا خط النار
ومسحنا بأيدن كل العار
وحفظنا حدودنا ليل ونهار
ومحدش منا اتكبر ولا كان جبار
ولا كان فيه باشا للبلطى
ولا جنبرى طازه ولا ملطى
ولا جندى فى يوم باع خيار
والكل كان بيتدرب مستنى قرار
بالفول والعيش هنقضيها
بالفول والعيش
ونعيش ايامنا ونقضيها
علشان الجيش

بقلم محمد البلاط

انا وانت اللى علمنا الحنين الشوق - بقلم محمد البلاط

انا وانت انا وانت
اللى علمنا الحنين الشوق
وخدنا الحب بالاحضان
وقولنا للقلوب تتذوق
انا وانت انا وانت
انا وانت والغرام والشوق
بنكتب قصة لزمنا
عساه من وهمه يوم يفوق
ويعرف ايه معنى الشوق
ويعرف الجارى ليا
بحس بروحى مش فيا
ولا الحنية طيلانى
واسهر ليلى وعنية
تدور على اللى خلانى
مابين شطين وماية
وراح عنى ولا جانى
فى بحر الحب غرقانة
امانة عليك امانة
ما تبعد عنى وتسيبنى
فى عرف الحب دى خيانة
فى عرف الحب دى خيانة
وانا وانت انا وانت
اللى علمنا الحنين الشوق
وخدنا الحب بالاحضان
وقولنا للقلوب تتذوق
وقولنا للقلوب تتذوق

بقلم محمد البلاط

اتخدعنا فى اللى منا واللى لينا - بقلم محمد البلاط

كنت فاكرك ليا زينة
ليا زينة
اترينا اترينا اترينا
اتخدعنا فى اللى منا
واللى لينا
اللى لينا

كنت بوهبلك حنانى
كنتى كل الأمانى
كنتى ليا نن عينى
كنتى روحى وكيانى
كنت فاكرك شمسى ونهارى الجميل
كنت فاكرك شطى وسهرى الطويل
كنت فاكرك بدر بينورلى ليل
كنتى سجنى الى بحبه وفيه اسير
اترينا اترينا اترينا
اتخدعنا فى اللى منا
واللى لينا
كنت فاكرك ليا زينة
ليا زينة
اللى حبك بتدوسيه
واللى هانك بتبوسيه
واللى كنتى على راسه
تاج واهله وكل ناسه
لجل حبك قطر داسه
واللى حى بتسجنيه
قولى ليه قولى ليه
قولى ليه
اللى نصفك تظلميه
تظلميه
قولى ليه قولى ليه
قولى ليه
كنت فاكرك ليا زينة
ليا زينة
اترينا اترينا اترينا
اتخدعنا فى اللى منا
واللى لينا
اتخدعنا فى اللى منا
واللى لينا
بقلم محمد البلاط

يا بلدنا يا ام الكل - بقلم محمد البلاط

يا بلدنا يا ام الكل
وكان من الفل فستانك
ليه وريتنا الذل
على ايد اولادك
مين اللى غير
فى المسار قضبانك
مين اللى عالا
فى العلالى مكانك
مين اللى قل
بالخيانة كيانك
مبين اللى حط
من المقام وهانك
يا بلدنا يا ام الكل
وكان من الفل فستانك
ليه وريتنا الذل
على ايد اولادك
جاين سفاح يا بلد
ولا ولاد خدام
كل طريقهم غلط
وزرعينه بألغام
والشهم فيكى اتجلد
والندل بقى سجان
مين اللى غير
فى المسار قضبانك
مين اللى عالا
فى العلالى مكانك
مين اللى قل
بالخيانة كيانك
اصحى وصحى النوم
منفعش بعد اليوم
تشكى و تتشكى
من غم ولا هموم
واللى خانك قاعد
على كرسى متمدد
وولادك اتهانت
نسوان بتعدد
ورجالها جوة سجون
وهى بتسدد
لفتورة المجنون
والدين بيتمدد
يا بلدنا يا ام الكل
ليه وريتنا الذل
على ايد اولادك
على ايد اولادك

بقلم محمد البلاط

زمن جنان فى جنان فى جنان - بقلم محمد البلاط

زمن جنان فى جنان فى جنان
فيه الشرب من العطشان
واللى هياكل ياكل طقة
لجل ما نبنى الأوطان

انا من جوعى راح اشبع يابا
وابنى وطن عملوه خرابة
كله كلام معزوف بربابا
واللى يغنى عليه خبلان
جيت على الدنيا سمعها بنبى
وبكرة اسيبها ويستلم ابنى
وانا الفكر اللى معزبنى
هى كانت من غير بنيان
مين اللى هدمها يا عم قلولى
ارضها خير والماس ولولى
وكل الغرب كانو يبصولى
طالبين منها الدعم كمان
لما معكش ثمن الطقة
اذاى تبنى يا عم فى شقة
وتشيل حمل وانت جعان
زمن جنان فى جنان فى جنان
شوفنا الباشا بثلاجة فاضية
وياما عقول وكلاها وراضية
تقول عقول الناس دى فاضية
ولا زمنا بقى سكران
زمن جنان فى جنان فى جنان
فيه من عطشك راح يرويك
ومن الجوع راح تشبع ديك
واللى عزمنا ناوى يعطيك
اكبر مقلب خدتو كمان
زمن جنان فى جنان فى جنان
بلم محمد البلاط

مش قد الحمل مترفعهوش - بقلم محمد البلاط

قد الحمل مترفعهوش
وبلاش تجميل وشغل رتوش
الحمل تقيل متدخلوش
ولا انت فاكرها كلام فنكوش

من الجوع شبعنا وسقيتنا
العطش الصافى ورويتنا
وقتلت قتيلنا وعزيتنا
واهو شغل مجوس
مش هنكر ان انت البانى
لسجون فى بلدنا والجانى
بضياع الموجود فى ايدنا
ونشرة الفكر العلمانى
افهمها وحلل معانيها
الروح لخالقها وبريها
ويا روح ما بعدك تانى روح
وعشان الحق هنفنيها
من بعد الجوع فيه ايه تانى
قتل وسجون كثير بانى
ومبنش عليكى يا نداغه
من الندغ سنين فى لبان
فنكوش فنكوش
وده شغل مجوس
ورش رتوش
وجعان موهم بأكل العيش والضانى
مش قد الحمل مترفعهوش
ولا انت فاكرها كلام فنكوش
من بعد الجوع فيه ايه تانى
بقلم محمد البلاط