- راجعة بينا السفينة -

راجعة بينا السفينة تبتدى رحلة جديدة

رحلة اخدت منا ياما ودى راح تاخد الحديدة

رحلة فيها ولادنا ماتت والبلد فى الوهم ضاعت

واللى ضيعها وخدعها كان من البيئة الفريدة

واشتكى منا ولينا وقال غلطنا وبايدينا

والنهارة خلاص نوينا ننسى اسم عبيد وسادة

والكلاب خرجت علينا قالو لا انتا اللى لينا

وان تركت يوم مكانك يبقى موتنا وانتهينا

واللى ضيعها وباعها قالنا الفين احا

والهدوم اللى عليها بايديه اللى خلعها

وسينا ضاعت ويا غزة بوسكى سك معاه مزة

والف باشا وباشا قاعد مسطول بغنوة ورقصة

والجنود على الحدود العدو دسها وهرسها

والمقابر لسة شاهدة على التناكة والمعانده

واللى كان عامل عمدة للايادى قام وباسها

قال يا ناس خلاص تنحى

الكلاب هاجت وزاطت والنشيد الوطنى قالت

احا احا ليه تنحى والنهاردة القصة عادت

ورجعة بينا السفينة تبتدى رحلة جديدة

رحلة اخدت منا ياما ودى راح تاخد الحديدة

- بقلم محمد البلاط

 

منتظر ايه لبلد اتظلم فيها الاماره - بقلم محمد البلاط

 

- منتظر ايه لبلد اتظلم فيها الاماره

منتظر ايه لبلد كرمة اهل الدعارة

واللى لله سجد اتظلم فيها باشارة

واللى ضيعها وباعها هيصولوه و بحراره

واللى حس بوجعها وجوه منه فيه مرارة

اتقتل اما فى شارع او فى حارة او مغارة

منتظر ايه لبلد اتظلم فيها الاماره

منتظر من الرقص ايه الا قلت الكرامة

ضيعو نيلهم بايدهم وبعملهم شالو شيلة

واللى شيلهم سيبهم وبكرة هيسافر لداره

بعد ما قلب جيوبهم باحلى فكرة واشتغالة

منتظر ايه للعبيط لما فى الزفا يزيط

ولما يجى من بعيد يعرف ان ابوه اللى مات

وكان بيرقص على موته

منتظر ايه للى ظالم وجوه قلبه الحقد كاتم

وما صدق يلقى خادم يريحه بظلم العباد

منتظر للفاجر ايه لما كلب يبقى بيه

واللى عايش محترم يتظلم وينداس عليه

لملمو كل الذنوب والمعاصى طمعو فيها

لوط وعاد وثمود للشراكة اشتروها

وضيعو قوتهم وزادهم وماية الجنة اهملوها

واهتمامهم فى اللى غنى وزرع الفرقة ما بينا

وشجعو الظالم فى ظلمه لما بايديه قتلنا

منتظر ايه لبلد كرمة اهل الدعارة

واللى لله سجد اتظلم فيها باشارة

واللى ضيعها وباعها هيصولوه و بحراره

واللى حس بوجعها وجوه منه فيه مرارة

اتقتل اما فى شارع او فى حارة او مغارة

منتظر ايه لبلد اتظلم فيها الاماره

- بقلم محمد البلاط

جالنا اللى مكنش على البال - بقلم محمد البلاط

 ااااه وااااه ااااه وااااه

من اللى جرلنا وخدنا معاه

جالنا اللى مكنش على بالنا

وضيع منا كل امالنا

داس على ناس من ذهب وماس

وكسر الفاس وفضى مشنه

جاى بالنار ورصاص فى جيوبه

وظهرت منه كل عيوبه

بدا المكر وخدعه يصيبو

اللى حضرلو واللى مجاش

هم بدم وصاب الكل

فيه المسكين اتجرع ذل

بعد ما باس الراس وفاز

داس على الناس و داس على الكل

خدنا فى سكة ملهاش اخر

منها لا ترجع ولا تتاخر

كره اب فى ابنه وسافر

وغلا علينا قطن وشاش

تاجر فينا وفى اهلينا

هدم بيوت وكسر الزينه

قتل الفرح بجرح وشرد

ناس من مشفى وكانت عيانه

هد مساجد لله فيها

ساجد عابد بيحيها

داس قرانه واسمه اهانه

بكلاب كانو ومربيها

ااااه وااااه ااااه وااااه

من اللى جرلنا وخدنا معاه

جالنا اللى مكنش على بالنا

وضيع منا كل امالنا

داس على ناس من ذهب وماس

وكسر الفاس وفضى مشنه

ااااه وااااه ااااه وااااه

- بقلم محمد البلاط -

ااااه يا بلدنا يا زفا الميت - بقلم محمد البلاط

 

- ااااه يا بلدنا يا زفا الميت -

قبل الزفا وفرح الميت كنت يا سيد شوف احوالنا

سايق العفة ووطن اتفرفت واحنا فى نار وانتا فى جنة

ليه مش حاسس بالمخليق ومنا يا سيد ناشف الريق

وكل يومين بيمرو علينا حادثة بقطر يا اما حريق

كان واجب تنظر للماية وتوقف كل الحرامية

لكن الظاهر هى مظاهر على التطهير مبتتش النية

للى ملوش فى الممهنة مكان والبلطجى يبقالو دكان

واللى اتعلم قاعد مبلم شايل الهم والاحزان

الدكتور شغال عجلاتى عالم الذرة عمل صرماتى

واول مرة اشوف فى حياتى الدجال ومعاه مصلية

ااااه يا بلدنا يا زفا الميت ومتعشمة فى الرزق يجيكى

مين هيجيلو العيد ويعيد وللاندال مديتى ايديكى

مش محتاجة وحوجك ناس نهبو الخير منك والماس

خدعو الخلق بضى وبرق اتعينو فيكى حراس

اااااه يا بلدنا اااه يا بلدنا الغربان وقفت على المدنة

واللى ملوش ربا كروش والجرزان صبحوا اسيادنا

طلع الميت يحضر زفا وورا الزفا شىء اتخفى

من افعالنا زهق واستكفى ناوى يتركنا ويرحل عنا

قبل الزفا وفرح الميت كنت يا سيد شوف احوالنا

- بقلم محمد البلاط -

نطع بصدغ افضل من عزبة - بقلم محمد البلاط

- نطع بصدغ افضل من عزبة -

صح حقيقى مهيش كذبة نطع بصدغ افضل من عزبة

وانتا يا عم مالك اثنين تشحت تسرق كحل العين

عافية بتنهب سهل بتغضب شىء معروف وسب الدين

لجمع المال دايما ملهوف تمد اديك بدون كسوف

وكل امورك تافهة فى تافهة لا خير منك ولا معروف

عمرى ما شوفت بعينى شحات لبس بذلة وبيقول هات

انا يلزمنى اجيب اللحمة واحلى بكيلو بلح امهات

فاكك الدكة وقاطع السكة وعايز الفكة اللى معاك

صح حقيقى مهيش كذبة نطع بصدغ افضل من عزبة

وانتا الوهم وانتا الكذبة ومحير الخلق معاك

- بقلم محمد البلاط

 

امى قلتلى - بقلم محمد البلاط

 

- امى قلتلى يا عرة يا هايف -

انتا عماك الله فى بصيرتك لكن عينك باقية وشايف

شايف حالنا وايه جرالنا ووقف الحال ورزقنا ناشف

اتعلم تلعب بالبيضة والمسمار ترشقه فى الحيطة

ولو فى يوم عملت البلوة اعملها وادارى فى حيطة

اعطى الحق للى ملوش والهى الناس بالفنكوش

واقبض ثمنه وحطه فى جيبك وابكى عليه بحبة روج

اتعلم اللوع واصله ومتخليش الناس يفاصلو

واوعى ترجع حق لاصله لو لاديك الناس هتبوس

وامسك فى الباطل وماطل واحلف الف يمين ويمين

انك انتا الفاهم الشاطر

وبدل الكلب ربى كلاب تحرسلك شباك وباب

ومتبخلش عليها واعطيها ومنها وفيها افتل واعطيها

انتا عماك الله فى بصيرتك لكن عينك باقية وشايف

شايف حالنا وايه جرالنا ووقف الحال ورزقنا ناشف

امى قلتلى يا عرة يا هايف

انتا عماك الله فى بصيرتك لكن عينك باقية وشايف

- بقلم محمد البلاط

اسحب التوقيع يا ريس - بقلم محمد البلاط

- اسحب التوقيع يا ريس -

عن البعير تدل بعرة والقدم اثر لمسير

والخطوط الحمرا كثرت بس فين هو الدليل

سهل تشتغل الغلابه بالربابه والفطير

سهل تحمى كل سرك جوا منك بدون غفير

سهل تعمل اى حاجة الا لعبة الخواجه

استوينا كثير منها والتاريخ حمل كثير

لو خطوطك صح جد يبقى مش لزمها شد

ولا تهديد برد ولا هدم اى سد

واسحب التوقيع يا ريس واترك الباقى لاهلو

اللى هيجوع ويعطش واللى راح تموت اهلو

وبايدينا وبسلاحنا نقدر نداوى جراحنا

وان مقدرناش وكلت ولا قلت عزيمتنا

يبقى نستاهل ما يجرى وميقولوش منا خانا

هى موته ولا اكثر غير حياتنا فى ايه نفكر

يا نموتها بكرامة يا بكرامة نعيشها سكر

- اسحب التوقيع يا ريس -

بقلم محمد البلاط