انا مش عاشق ولا ميال - بقلم محمد البلاط

 

 - انا مش عاشق ولا ميال -

انا مش عاشق ولا ميال ولا عجبانى فيك احوال

دا انا علمنى الحب بانى اقبل اكون للوفا خدام

وانتا العيش والملح وجيره وقصة الناس احتارت فيها

وكل ايام قضيتها فى عمرى ولسه الباقى فيه هقضيها

انتا الحب بكل معانى وفوق العشق انتا السامى

وانتا اللى ورايا وقدامى وانتا الماسة اللى بخبيها

وانا مش عاشق ولا ميال ولا عجبانى فيك احوال

دا انتا الخييل وانا الخيال والمعصم وانا ليك سوار

وانتا المية ان كنت انا نار وانتا عليا الغطا والشال

وانتا خريطة فى كفى لعمرى لو ضاعت راح اتوه فى الحال

و انا علمنى الحب بانى اقبل اكون للوفا خدام

وانتا العيش والملح وجيره وقصة الناس احتارت فيها

وكل ايام قضيتها فى عمرى ولسه الباقى فيه هقضيها

انا مش عاشق ولا ميال ولا عجبانى فيك احوال

دا انتا الخييل وانا الخيال والمعصم وانا ليك سوار

- بقلم محمد البلاط

فين الوفا - بقلم محمد البلاط

 - فين الوفا دا فين -

كان الوداد فيه شفا وفاتح ابوابنا

معرفش ليه الجفا نال منا واصابنا

فين الدفا والوفا وفين حضن احبابنا

العيب فى الزمن ولا العيب عيبنا

منين جيه العفن غير من الاعيبنا

شمس بتيجى وتروح وليل وراه نهار

وايام تجى وتروح بجرام و بعيار

لا شمس غابت يوم ولا هرب نهار

وكله فى الكون داير فيه دوار

واحنا بنتغير كبير وصغير

وكله متخير مابين ينام ويثور

ونسينا الطيبة ومسكنا فى الغيبة

وزرعنا الخيبة فكرينها هتنور

واتصحرت قلوب معدتش عرفه تتوب

على معاصى وزنوب بتلف وتدور

فين الوفا دا فين والحب فينا مات

لا بيتشاف بالعين ولا مر تانى وفات

بعد ما راح الزين والباقى الحيات

فين الوفا دا فين فين الوفا دا فين

بقلم محمد البلاط

 ظهر لنا الفنان اللى ملوش عنوان

الا فى الدكان بياع النكته

باخر القصيدة خرم فى سد النهضة

مش قله فى العزم لكنها فكرة

فكرة ذكى مشهور بشهرة الكفته

هيحل الازمة وفاكرها الجزمة

مقطوعه من الاركان

خبير ومعلم قليل ما يتكلم

عليه حالنا ما هان

قام اتنفض همهم

وحلها بالخرم

اخر القصيدة خرم فى سد النهضة

بقلم محمد البلاط

قبل ما تلوم الزبون وفرلو اللى هيشتريه - بقلم محمد البلاط

 - قبل ما تلوم الزبون -

مش قبل ما تلوم الزبون توفر اللى هيشتريه

ولا انتا فاكر العيون مشفتش الا اللى انتا فيه

التبن ليه اكلين والفول ليه اكلين وان كان كيفك بين البنين

يبقى بهواك بس متجبرش الزبون ياكل معاك

مش كلها باربع رجول

وابو زيل لو يصدقك على التبن رش كيلو فول

بس اياك تفتكر كل اللى مخلوقين عجول

وان قولت شي مش للجميع ولا كله هيوفى لقول

سهل تلاقى عبد السميع ينسى الادب وايه الاصول

ويذوقك من علفتك اللى فاكرها لكل دول

دول ناس يا عم مش بقر ولا منحوتين من حجر

افهم يا عم الذكر الامر فيه الف شور

مش شيي تمشى الجميع ولا هس هتوقف كول

ولا كل المخلوقين بقر عايز تمشيهم طابور

وقبل ما تلوم الزبون وفرلو اللى هيشتريه

- بقلم محمد البلاط

اللى خان الود مين - بقلم محمد البلاط

 - اللى خان الود مين -

اللى خان الود مين ومين اللى جرى دمعنا

ومين اللى موت الحنين فى القلوب بهجرنا

مين اللى راح مسألش فينا وسألوه الناس نسانا

ومين اللى فاكر جرحو منا وناسى جرحه اللى فينا

مين اللى جرى دمع عينا ومين عشانه الليل سهرنا

ومين قتل فينا امالنا وما افتكر حتى يواسينا

مش عتاب هعتب عليك ولا تانى هبقى ليك

بعد طول الهجر منك والمسايسة وادادى فيك

بعت عمرى وعشرتى بعت قلبى فى محنتى

بعت عيش وملح بينا ونسيت فين سكتى

اللى خان الود مين ومين اللى جرى دمعنا

ومين اللى موت الحنين فى القلوب بهجرنا

- بقلم محمد البلاط

يا اما يا ست الحبايب - بقلم محمد البلاط

 يا ملاكى مين سواكى اللى بيحن عليا

وفى رضاكى سعدى من الله بشوفو

جوه قلبى وبعنيه

يا ملاكى مين سواكى كان بيخاف عليا

يا اما يا ست الحبايب يا حنان فى بحر دايب

منه نشرب المحبه ونسقى منه القرايب

بايه اوفى وكيف اكفى يوم بوستى فيه كفى

وطلبتى الله يكفينى المصايب

يا اما يا ست الحبايب يا ملاكى اللى غايب

كنتى ليا ماسه لامعه وفى طريقى ليا شمعة

ولو حسبت كل دمعه على الفراق مش راح تكفى

لسه طيفك بيجينى ولو حزين بيواسينى

ويطبب ليا جرحى ويمسح الدمع فى عينى

يا ملاكى مين سواكى اللى بيحن عليا

اللى بيحن عليا

بقلم محمد البلاط

رغم هجرك لسا فكرك - بقلم محمد البلاط

 

رغم هجرك لسا فكرك قلبى وبيسأل عليك

ومشتريك رغم عميلك ولو بتحزن بيواسيك

وانتا لا بتسأل عليا ولا فكرت شوية

فى اللى بايعه ومشتريك

ورغم هجرك لسا فكرك قلبى وبيسأل عليك

روحت ونسيت اللى حبك وقسيت كثير فى بعدك

وسألت كثير عليك وان لقيتك القى صدك

ااااه من غدرك يا ظالم جوا قلبى كثير كاتم

بشتكى لليل منك ومن عميلك وانتا نايم

ليه بتظلم قلب حبك وقلب كان ليك مسالم

ورغم هجرك لسا فكرك قلبى وبيسأل عليك

بقلم محمد البلاط