قبل ما تلوم الزبون وفرلو اللى هيشتريه - بقلم محمد البلاط

 - قبل ما تلوم الزبون -

مش قبل ما تلوم الزبون توفر اللى هيشتريه

ولا انتا فاكر العيون مشفتش الا اللى انتا فيه

التبن ليه اكلين والفول ليه اكلين وان كان كيفك بين البنين

يبقى بهواك بس متجبرش الزبون ياكل معاك

مش كلها باربع رجول

وابو زيل لو يصدقك على التبن رش كيلو فول

بس اياك تفتكر كل اللى مخلوقين عجول

وان قولت شي مش للجميع ولا كله هيوفى لقول

سهل تلاقى عبد السميع ينسى الادب وايه الاصول

ويذوقك من علفتك اللى فاكرها لكل دول

دول ناس يا عم مش بقر ولا منحوتين من حجر

افهم يا عم الذكر الامر فيه الف شور

مش شيي تمشى الجميع ولا هس هتوقف كول

ولا كل المخلوقين بقر عايز تمشيهم طابور

وقبل ما تلوم الزبون وفرلو اللى هيشتريه

- بقلم محمد البلاط

اللى خان الود مين - بقلم محمد البلاط

 - اللى خان الود مين -

اللى خان الود مين ومين اللى جرى دمعنا

ومين اللى موت الحنين فى القلوب بهجرنا

مين اللى راح مسألش فينا وسألوه الناس نسانا

ومين اللى فاكر جرحو منا وناسى جرحه اللى فينا

مين اللى جرى دمع عينا ومين عشانه الليل سهرنا

ومين قتل فينا امالنا وما افتكر حتى يواسينا

مش عتاب هعتب عليك ولا تانى هبقى ليك

بعد طول الهجر منك والمسايسة وادادى فيك

بعت عمرى وعشرتى بعت قلبى فى محنتى

بعت عيش وملح بينا ونسيت فين سكتى

اللى خان الود مين ومين اللى جرى دمعنا

ومين اللى موت الحنين فى القلوب بهجرنا

- بقلم محمد البلاط

يا اما يا ست الحبايب - بقلم محمد البلاط

 يا ملاكى مين سواكى اللى بيحن عليا

وفى رضاكى سعدى من الله بشوفو

جوه قلبى وبعنيه

يا ملاكى مين سواكى كان بيخاف عليا

يا اما يا ست الحبايب يا حنان فى بحر دايب

منه نشرب المحبه ونسقى منه القرايب

بايه اوفى وكيف اكفى يوم بوستى فيه كفى

وطلبتى الله يكفينى المصايب

يا اما يا ست الحبايب يا ملاكى اللى غايب

كنتى ليا ماسه لامعه وفى طريقى ليا شمعة

ولو حسبت كل دمعه على الفراق مش راح تكفى

لسه طيفك بيجينى ولو حزين بيواسينى

ويطبب ليا جرحى ويمسح الدمع فى عينى

يا ملاكى مين سواكى اللى بيحن عليا

اللى بيحن عليا

بقلم محمد البلاط

رغم هجرك لسا فكرك - بقلم محمد البلاط

 

رغم هجرك لسا فكرك قلبى وبيسأل عليك

ومشتريك رغم عميلك ولو بتحزن بيواسيك

وانتا لا بتسأل عليا ولا فكرت شوية

فى اللى بايعه ومشتريك

ورغم هجرك لسا فكرك قلبى وبيسأل عليك

روحت ونسيت اللى حبك وقسيت كثير فى بعدك

وسألت كثير عليك وان لقيتك القى صدك

ااااه من غدرك يا ظالم جوا قلبى كثير كاتم

بشتكى لليل منك ومن عميلك وانتا نايم

ليه بتظلم قلب حبك وقلب كان ليك مسالم

ورغم هجرك لسا فكرك قلبى وبيسأل عليك

بقلم محمد البلاط

الف اهلا بالجنيه - بقلم محمد البلاط

- الف اهلا بالجنيه -

الف اهلا بالجنيه ايه جرالك عامل ايه

وشك اخضر شعرك اصفر وليه مغير شكل زيلك ومساويه

ناوى تانى على النزول ولا على الغلبان نويت

مش محصل حق فول ولا رشة فوقه زيت

اى نادى ليه رايح معاك زفه وبفضايح

لا عرفت تعوم فى ميه ولا نمت فى الصفايح

اى نية انتا نويها ولا بتجامل شرايح

والزمم ملعوب فيها وانتا بينها جاى ورايح

اهدى حبه واستخبى لما يجي بلدنا سائح

قبل ما يحطوك فى علبه ويلقوك جوها سايح

كنت باشا وابن باشا والنهاردة بقيت قشاشة

وان طاوعت الهبل يا اسطى مش هتبقى بالبريزة

اهدى حبه واستخبى قبل ما تروح فى الكناسة

- اهدى حبه واستخبى

- بقلم محمد البلاط

 

 https://l.facebook.com/l.php?u=https%3A%2F%2Fhamsatweb.wordpress.com%2F2021%2F01%2F18%2F%25d9%2587%25d9%2585%25d8%25b3%25d8%25a7%25d8%25aa-%25d9%2581%25d9%2588%25d9%2582-%25d8%25a3%25d9%2588%25d8%25b1%25d8%25a7%25d9%2582-%25d8%25a7%25d9%2584%25d8%25b5%25d9%2585%25d8%25aa-%25d8%25a7%25d9%2582%25d9%2584%25d8%25a7%25d9%2585-%25d9%2582%25d9%2584%25d9%2585-%25d8%25a7%25d9%2584%25d8%25b4%25d8%25a7%25d8%25b9%2F%3Ffbclid%3DIwAR3QgEspMPJRWcbctKhRZRYCbAHF95G8GBAhNmVLTOhJbH9ocH9xe_EaOmw&h=AT2qAiOFO9sFZFsbH4UmBY6Zgh2jndWwTd07Sj_50OEdd5lSdY5W3larhRnCJ4x9aC6BMsA-2xK3848DcQaDKrynHPcY-ZLI5JO1TBkSZkq-biwQUMCkH_3pI-gIcKFqX44&__tn__=R]-R&c[0]=AT1Fo75o4FSXQY7LC4O4uaeWFpgy_5zkE8uXyL79M68FeuQgM_9-FHDbiGzGqJwnv_gYOuDyJPzXJZb3pf9htWT3nxqoMg15ZS-lFWylDkD_j_T-PqN4AbRF6BXTK8kr0dwDwfesGRrdhLQLlF8xxcN8nxdUnNs_tQs

 انتا اللى اغبى من الغباء

مش هو يا ابنى اللى غبى دا انتا اللى اغبى من الغباء

وعقل البعيد مش سوى وجهل الحمير اكبر وباء

خطط ونفذ محترف مكر الثعالب يا ابنى داء

سمع الكلام فهمه وقام مرحش نام وفسره الف وباء

عرف القناة هتكون تمام والقمح هيغطى العراء

مصنعنا هتكون العلم بعمال تعرف الوفاء

من كل دا الكلب اتوهم جاب العصا فى الغنم ساق

هد الهرم مركب خرم زرع الفتن صبح ومساء

والمستفيد جبلاية لمة القرود ليها مطار وطريقها سالك للحدود

نهبو اللى كان اسمه وطن عليه الغلابة بتتركن وبنو السدود

تفصل ما بين حبة غجر وبين الذكر وعشموهم بالوعود

صدقتهم وحاربت ناسك كلهم مش قولتلك انتا الغبى

وعقل البعيد مش سوى وجهل الحمير اكبر وباء

مش هو يا ابنى اللى غبى دا انتا اللى اغبى من الغباء

بقلم محمد البلاط