الف اهلا بالجنيه - بقلم محمد البلاط

- الف اهلا بالجنيه -

الف اهلا بالجنيه ايه جرالك عامل ايه

وشك اخضر شعرك اصفر وليه مغير شكل زيلك ومساويه

ناوى تانى على النزول ولا على الغلبان نويت

مش محصل حق فول ولا رشة فوقه زيت

اى نادى ليه رايح معاك زفه وبفضايح

لا عرفت تعوم فى ميه ولا نمت فى الصفايح

اى نية انتا نويها ولا بتجامل شرايح

والزمم ملعوب فيها وانتا بينها جاى ورايح

اهدى حبه واستخبى لما يجي بلدنا سائح

قبل ما يحطوك فى علبه ويلقوك جوها سايح

كنت باشا وابن باشا والنهاردة بقيت قشاشة

وان طاوعت الهبل يا اسطى مش هتبقى بالبريزة

اهدى حبه واستخبى قبل ما تروح فى الكناسة

- اهدى حبه واستخبى

- بقلم محمد البلاط

 

 https://l.facebook.com/l.php?u=https%3A%2F%2Fhamsatweb.wordpress.com%2F2021%2F01%2F18%2F%25d9%2587%25d9%2585%25d8%25b3%25d8%25a7%25d8%25aa-%25d9%2581%25d9%2588%25d9%2582-%25d8%25a3%25d9%2588%25d8%25b1%25d8%25a7%25d9%2582-%25d8%25a7%25d9%2584%25d8%25b5%25d9%2585%25d8%25aa-%25d8%25a7%25d9%2582%25d9%2584%25d8%25a7%25d9%2585-%25d9%2582%25d9%2584%25d9%2585-%25d8%25a7%25d9%2584%25d8%25b4%25d8%25a7%25d8%25b9%2F%3Ffbclid%3DIwAR3QgEspMPJRWcbctKhRZRYCbAHF95G8GBAhNmVLTOhJbH9ocH9xe_EaOmw&h=AT2qAiOFO9sFZFsbH4UmBY6Zgh2jndWwTd07Sj_50OEdd5lSdY5W3larhRnCJ4x9aC6BMsA-2xK3848DcQaDKrynHPcY-ZLI5JO1TBkSZkq-biwQUMCkH_3pI-gIcKFqX44&__tn__=R]-R&c[0]=AT1Fo75o4FSXQY7LC4O4uaeWFpgy_5zkE8uXyL79M68FeuQgM_9-FHDbiGzGqJwnv_gYOuDyJPzXJZb3pf9htWT3nxqoMg15ZS-lFWylDkD_j_T-PqN4AbRF6BXTK8kr0dwDwfesGRrdhLQLlF8xxcN8nxdUnNs_tQs

 انتا اللى اغبى من الغباء

مش هو يا ابنى اللى غبى دا انتا اللى اغبى من الغباء

وعقل البعيد مش سوى وجهل الحمير اكبر وباء

خطط ونفذ محترف مكر الثعالب يا ابنى داء

سمع الكلام فهمه وقام مرحش نام وفسره الف وباء

عرف القناة هتكون تمام والقمح هيغطى العراء

مصنعنا هتكون العلم بعمال تعرف الوفاء

من كل دا الكلب اتوهم جاب العصا فى الغنم ساق

هد الهرم مركب خرم زرع الفتن صبح ومساء

والمستفيد جبلاية لمة القرود ليها مطار وطريقها سالك للحدود

نهبو اللى كان اسمه وطن عليه الغلابة بتتركن وبنو السدود

تفصل ما بين حبة غجر وبين الذكر وعشموهم بالوعود

صدقتهم وحاربت ناسك كلهم مش قولتلك انتا الغبى

وعقل البعيد مش سوى وجهل الحمير اكبر وباء

مش هو يا ابنى اللى غبى دا انتا اللى اغبى من الغباء

بقلم محمد البلاط

بكرة تقوم القيامة - بقلم محمد البلاط

 بكرة تقوم القيامة

----------------

اتعلم يوم من الدنيا ومن اللى بتشوفو عنيك

وافهم الاعبها فى ثانية قبل ما تدوس عليك

ما فيه راكب يفضل راكب ولا صاحب يفضل صاحب

وقبل ما تناسب حاسب وزمامك ملك ايديك

لا تطاطى لجل المال ولا تبقى فى يوم غدار

وامشى على قد الحال ولو تزعل يوم اتعاتب

قدامك الف مثال الصالح والبطال

واللى بيقل باصله واللى بيخدم الجار

شوف حال الطبالين وصل حالهم لفين

من عار لعار لعار واتنبزو ومكرهوين

فين كان مرتضى من قمة الرضى

اصبح من العدا واسفل سافلين

اتعلم يوم من الدنيا ومن اللى بتشوفو عنيك

وافهم الاعبها فى ثانية قبل ما تدوس عليك

هتشوف فى الجاى ياما وهتسمع حواديت

بكرة تقوم القيامة ويتحرر العبيد

والبيه يبقى فى جزامة ونجيب غيره جديد

ودى سنة الحياة فيها الم والف اااه

واللى اتركب هيركب والناس تمشى وراه

بكرة تقوم القيامة

قرار الله مضاه قرار الله مضاه

بقلم محمد البلاط

زعلان انا منكم وعندى ديسكاتكم - بقلم محمد البلاط

 اخرتها ترمونى وتقلو مقامى بعد ما كنت الوحش

ازاى تهينونى وانا اللى مكانى ما يملهوش الجحش

زعلان انا منكم وعندى ديسكاتكم

بكرة راح افضحكو ويشوف اللى ما شفش

وكل متدارى انا اللى بيه دارى

وكنت بدارى و الخير معاكم منفعش

طلعتونى من الدور وعملتونى طرطور

وبقيت بلف وادور كما طور فوق القش

وابنى كمان شيلتوه بملقاط ورميتوه

ايه زنبه ان ابوه عبيط مبيفهمش

مش كنت خدامكم مساح لجذامكو

ايه اللى جرالكم علشان تقولو كش

يا خدامين الغز مهما يكون الرز

لابد راح تتغز وبقيت امامكم

بقولها وندمان على خدمتى لثعبان

لما عملو مكان هدملى انا العش

اسف على فعلى انا بعتزر يعنى

ويا ريت يسمعنى اللى اتظلم واتهان

وتحت امر الكل لو راح اشوف الذل

هقبل واكون مطيع ايه يعمل اللى اتعل

ورافض التطبيع ورافض التطبيع

بقلم محمد البلاط

لما الديك يبيض يا سى تيحة - بقلم محمد البلاط

 

لما الديك يبيض يا سى تيحه هبقى اقولك احلى نصيحة

جايز تنفع او ليك تشفع وتحميك من كل فضيحة

نفس عمايلك هى عمايلك اللى كانت السبب فى فضحك

واستعملت الخدعة ومكرك وصبحت ريحتك اوسخ ريحة

قولنا بلاش تشترى الصوت ويكفى علينا بس تفوت

لكن يظهر لو هتموت مش راح تنسى الاعيب شيحا

الايام بتلف وترجع ولسة جعان مش عايز تشبع

ياللى سرقت البيت والقوت وبتهددنا بنار المدفع

ياللى شقيت لجل ما اربيك واعمل منك راجل مجدع

وبمالى شارى سلاح فى ايديك بيه الشر تقدر تدفع

اترينى واهم وفى اوهامى ان الشيخ دا هيبقى امامى

ومنه نصيحة تخف الامى اتريه سهم وفيا بيوجع

باع الدين علشان الدنيا باع الناس والاهل فى ثانية

فى الاعيب الفتنة بيصنع عقرب اسود لف الدنيا

راجع تانى بالايام اصل البيه شغال خدام

عند كلاب بس بكام ناسى ان الدنيا دى فانية

قولنا بلاش تشترى الصوت ويكفى علينا بس تفوت

لكن يظهر لو هتموت مش راح تنسى الاعيب شيحا

لما الديك يبيض يا سى تيحه هبقى اقولك احلى نصيحة

جايز تنفع او ليك تشفع وتحميك من كل فضيحة

بقلم محمد البلاط

اياك فاكر الغلابة راح ينسو حقهم - بقلم محمد البلاط

 اياك فاكر الغلابه راح ينسوا حقهم

واللى اكلوه الديابه وبات فى بطنهم

مش منسى ولا راح ولا فيه يوم سماح

ولابد للجراح هتروح من جسمهم

يا ظالم والمظالم اكوام مكومة

والناس الغلابه ليك مستسلمة

ما دمش ملك مالك ولا ضاعت مرحمة

اعلم انك هالك وملكش مكرمة

ضيعت الحقوق والواطى جيبتو فوق

اصحى واعقل وفوق

مش كل ماء يروق

وانهاره مسممة

اياك فاكر الغلابه راح ينسوا حقهم

واللى اكلوه الديابه وبات فى بطنهم

مش منسى ولا راح ولا فيه يوم سماح

ولابد للجراح هتروح من جسمهم

الامر ان كان من الله الكل راضى بيه

الصبر لينا حلة وغطى نتغطى بيه

لكن عند المزلة بركان هتلاقيه

اياك فاكر الغلابة راح ينسو حقهم

بقلم محمد البلاط