صباح الورد النادى - بقلم محمد البلاط

صباح الورد النادى
على اهلى وعلى بلادى
وبتمنى يكون يومكم
عليه ربنا راضى
صباح الورد النادى
صباح الورد النادى

صباح الفل على العامل
وعلى الفلاح والشقيان
صباح بالخير يكون شامل
على المالك وعلى السكان
صباح من الله واسم الله
على القاعد وعلى المرتاح
وعلى الناظر والتلميذ
والنصاب والسفاح
وعلى السواق والراكب
وعلى الطالع وعلى النازل
وعلى الشاب والشايب
وبالتدريج ومنازل
صباح الفل شامل الكل
والشغال والعاطل
صباح الفل
بقلم محمد البلاط

اللى سهران الليالى - بقلم محمد البلاط

اللى سهران الليالى
فى الندا بيلم قوته
ليه يجوروا عليه يوماتى
وليه بيسعوا ليه لموته

قسم الرزق معاهم
وشقاه وشقى ولاده
وهما قلو بغباهم
وطمع فيه وذاده

وفكرهم الرب ناسى
الحرامى واللى عاصى
واتمادو كثير فى ظلمه
وعلى الحقيقة الكل راسى

اللى ليه فى المهنة واسطة
واللى فى السمسرة اسطى
واللى بيذيد ليه ميزانه
بدون ما يطول كلامه
وكل شهر ليه بسطة
وهو قاعد فى مكاانه

المجاملة بحق ناس
لناس ملهمش اساس
واسامى مش لناس
حقهم مقطوع جملة

واللى سهران الليالى
فى الندا بيلم قوته
ليه يجوروا عليه يوماتى
وليه بيسعوا ليه لموته
ليه بيسعوا ليه لموته

بقلم محمد البلاط

ان كنا عايزين الحلول - بقلم محمد البلاط

ان كنا عايزين الحلول
-------------------
ان كنا عايزين الحلول نعرف اساس المشكلة
وكلامنا يبقى بالاصول مفهوش مجاملة لعينة
ومحكمش على شىء معرفوش وناس فيه متدهولة
وابعد عن اصحاب الكروش سبوبة ليهم البلبلة
واسأل وفصص واعتبر من كل كلمة او خبر
ومتحكموش على اللى ظهرالسر مكتوم فى النفوس
احتياجك تبقى ابقى فيه مذلة وحزن يبقى
واللى حصلك اهانة وبيع كرامة وليها سابقة
لو فى ايدك شغلة حرة وبتزاولها فى كل مرة
كنت هتبقى اللى هوا واللى سايقك اللى عرة
مين اللى قالك تعطى زهرك للى واكلك واللى قاهرك
ليه تضيع شقى عمرك على ناس نهبو المجرة
ويرضوك بكلمة مرة فيها السم اللى قاهرك
تحت امرك لو موافق ومش موافق نشوف ظهرك
احتياجك تبقى ابقى فيه مذلة وحزن يبقى
واللى حصلك اهانة وبيع كرامة وليها سابقة
افتكر عام وماضى والوسيط كان فيها قاضى
ضاع سعيك وابتهالك وطاطيت وكنت راضى
وسعيت تانى للمذلة ورضيت بحكم عرة
والنهاردة جاى تبكى وبالهموم مالى الف صرة
ضيعو الحلم اللى كانلك وامل مزروع فى عقلك
واللى كنت فاكرة انه ملك ليك ولالف مثلك
ضيعوه بكلمة وضلك اللى كنت فاكرة منك
راجع النفس وعاتبها واوعى يوم تانى تسيبها
تجرى ورا شىء عجبها وتنسى اللى اصله منك
واتفق انت وجيرانك واللى شغال فى مجالك
طعمو الشجر وسيبوه باى شىء تعرفوه
بليمون او برتقال واللى باقى اخلعوه
وفى مكانه غلة تاكل او خضار وتبيعوه
وبلاش اى مشاكل واوقفو المصنع سيبوه
يعملو منه خرابة اللى كان وكر لعصابة
والى كان سكنه الديابة يبقى خردة ويبيعواه
والخيار الثانى منى افهموه واعقلوه
اللى بيمصمص فى عظمك جوة حلقه حط شوكة
واللى ناوى كسر ظهرك خلى ايامه دى سودة
وافهم المعنى بعقلك بعد ما تنظف بفوطة
متجلسش ساعى ليها ومتساومش وتراضيها
اللى ليك تحت يدك وهى تاخد اللى ليها
واحفظو مرة الكرامة لو فيه نية تحفظوها
مش عشان عزر وغرامة تقلو منها وتبيعوها
ودوس عاللى يقل منك او يقل من كرامتك
بعدها ايه فضلك الا تنهان وصمتك
ضيعو الحلم اللى كانلك وامل مزروع فى عقلك
واللى كنت فاكرة انه ملك ليك ولالف مثلك
ضيعوه بكلمة وضلك اللى كنت فاكرة منك
راجع النفس وعاتبها واوعى يوم تانى تسيبها
تجرى ورا شىء عجبها وتنسى اللى اصله منك
وان كننا عايزين الحلول نعرف اساس المشكلة

بقلم محمد البلاط

مش عايزة الحب اللى يهينى - بقلم محمد البلاط

مش عايزة الحب اللى يهينى
--------------------------

انا مش هستناك تجاملنى
ولا تعطف ولا تسأل عنى
وان كان الحب بيتشحت
مش عايزة الحب اللى يهينى
انا عايزة اللى يقدر حبى
ويعرف احساسى اللى فى قلبى
ويقرانى من عينى ونظراتى
لو حتى بدارى وبخبى
انا عايزة الطيب والانسان
اللى فى عنيه يكونلى مكان
والقلب يكون مفتوح ليا
وساعتها فى عينى راح ينصان
انا مش هستناك تجاملنى
ولا تعطف ولا تسأل عنى
وان كان الحب بيتشحت
مش عايزة الحب اللى يهينى
مش عايزة الحب اللى يهينى

بقلم محمد البلاط

اسألوه - بقلم محمد البلاط

أسألوه اسألوه
------------

أسألوه اسألوه
ايه اللى غير ايه هواه
اسألوه أسألوه
ايه اللى زود ايه قساه
بعد ما كنا اللى كنا
ليه بعده ليه عنا
مش عشانه سيبنا جنة
ودخلنا النار معاه
أسألوه اسألوه
ايه اللى غير طبعه ايه
ولا كان مخدوع قلبى
واتساهلت كثير معاه
عندى ما تلقوش جواب
طب يفيد بايه العتاب
اللى ظالم واللى قاسى
اسألوه ليه الغياب
اسألوه لو انه يقبل
هجر منى وهجر يطول
وما يقابلش الناس وعنى
يتقصص ولا يسأل
اسألوه واسألو ناسه
واللى يعرف ايه اساسه
ايه اللى منه كان ليا
وايه اللى منى كان ليه
وان قالولكم انى اللى ظالم
للاوامر هبقى خام
وان قالولكم انه ظالمنى
حقى عنده وتجيبوه
أسألوه اسألوه
ايه اللى غير ايه هواه
اسألوه اسألوه
ايه اللى زود ايه قساه
بعد ما كنا اللى كنا
ليه بعده ليه عنا
مش عشانه سيبنا جنة
ودخلنا النار معاه
أسألوه اسألوه

بقلم محمد البلاط

برامجندا - بقلم محمد البلاط

برامجندا برامجندا
لجل ما تمشى الاجندة
واللى فاهم كل عاقل
واللى مش فاهم معاندة
لو فاكر جيشك يحارب
يبقى عيب انى اعاتب
سهل اقول انك مطية
وابن موسى عليك راكب
طب منين تقدر تمول
والديون عليك ثقيلة
لو يكون القبض اول
ايه فى حربك الوسيلة
الخيار ولا البقالة
ولا حلة البليلة
كنت خلصت المهمة
اللى كنتو فيها لمة
جوة سينا الدنيا شامة
قلة الحيلة خميرة
طب بلاش تهلك عساكر
واضرب السد بصاروخ
اسبت انك لسة فاكر
قبل ما روحك تسوخ
سهل تلقاهم يفرو
ولا يتقلبو عليك
جيشنا مش خاين كله
ولا هتديرهم ايديك
اعقل وفكر بحكمة
ولا هى يا عم حاكمة
الدمار يبقى بايديك
الدمار يبقى بايديك

بقلم محمد البلاط

النيل مش شىء نتفاوض فيه - بقلم محمد البلاط

النيل مش شىء نتفاوض فيه
ولا كنز ابوك وبسطوعليه
ده النيل شريان من عند الله
ومروره على الكل وبيحيه
مش كنز فى ارضك محفوظلك
ولا صنعة صنعها انت بيدك
وان كان فيك عقل وبتفهم
فكر تفكير على قدك
يا تحوشو الهوا من نواحيكم
يا نجيكو نكسر رجلكم
يا يكون العقل بيتكلم
يا نخزق بصباعنا عنيكم
النيل مش شىء نتفاوض فيه
ولا كنز ابوك وبسطوعليه
ده النيل شريان من عند الله
ومروره على الكل وبيحيه
يسعدنا بلدكم تتقدم
وتكون الافضل والاعظم
وامامك الف مكان ومكان
تعمل سدود اشكال والوان
لكن على شريانى وتقطع
اعذرنى اتغيرة الالوان
وهكون القاطع لوريدك
من الرقبة مش كفة ايدك
وحبيبك اللى بيتخابس
وعطدينا الوجه العابث
لابس فى الحيطة خلاص لابس
وبدون جيوش سكتنا اسوان
النيل مش شىء نتفاوض فيه
ولا كنز ابوك وبسطوعليه
ده النيل شريان من عند الله
ومروره على الكل وبيحيه

بقلم محمد البلاط