مين قالك انك مجروح - بقلم محمد البلاط

مين قالك انك مجروح
------------------

مش هعزيك ولا اسأل عنك
مين قالك انك مجروح
لو جواك الشوق او همك
بان فى عنيك من غير ما تبوح

الاحاسيس لو هتخبيها
نظرة عينك تنطق بيها
لو بدموعك راح ترويها
وتقضيها عويل ونوح

لكن يظهر مبتقراش
الا كلام مكتوب ببلاش
لا بيعلم ولا بيفهم
ولا بيفسر ايه الاحساس

ما انا قدامك جويا جرح
ومزرنيش من سنتين فرح
ولا فكرت تبص فى عينى
ولا حسيت بألام الجرح

وعشان الاعيبك فهماها
وكل حياتك انا درساها
مش هصدق لو تبكى فى يوم
وللمخاليق تقول بهواها

الاحاسيس لو هتخبيها
نظرة عينك تنطق بيها
لو بدموعك راح ترويها
وتقضيها عويل ونوح

مش هعزيك ولا اسأل عنك
مين قالك انك مجروح

بقلم محمد البلاط

انا مش هستنى رضاك عنى - بقلم محمد البلاط

انا مش هستنى رضاك عنى
--------------------------
انا مش هستنى رضاك عنى
ولا هسمع تانى لحواديتك
انا عشت معاك غصب عنى
دا لانى كنت اللى بريدك
وحاولت اصلح فى عيوبك
واتحمل منك الاعيبك
اتريك مخبيلى فى جيبك
مفاتيح لسجن فيه تسجنى
بتحب البعد خلاص ابعد
وبلاش معايا تانى تعند
واشوق طريقى ومن حقى
منتش معبود انا ليه هعبد
كان عشمى تكون انسان تانى
تعرف مقدارى ومكانى
اتريك بتجامل عزالى
وعشان ترضيهم بتخونى
انا مش هستنى رضاك عنى
ولا هسمع تانى لحواديتك

بقلم محمد البلاط

المنافق - بقلم محمد البلاط

المنافق
-------
مع ناس مش ناس انا وياهم
بجاملهم واتمنى رضاهم
يمكن فى الزنقة لو تحصل
راح اشوفهم جنبى والقاهم
ما هو زمن الخسه واللى يبيع
وكثير فيه لسة وفيه تطبيع
اللى بيعامل فيه ربه
تحت الرجلان ينداس ويضيع
مكسب وفلوس وحجات كثير
بس انت تبوس وتكون ذليل
تقول اللى مطلوب يتقال
ويكون موال يتغنى كثير
محروس بكلاب لو تبقى هناك
الفين بواب وتحت الشباك
طريقك دايما ليك فاضى
تقتل الفين قاضى يرعاك
مع ناس مش ناس
وصحيح انجاس
تكلمهم كلمة ما تعجبهم
الرد يكون بالنار ورصاص
وان كنت فقير وعلى قدك
والدمعة دائما على خدك
نشكر لو سبنا اللى يعضك
والسجن خلاص
مع ناس مش ناس
وصحيح انجاس
بجاملهم واتمنى رضاهم
يمكن فى الزنقة لو تحصل
راح اشوفهم جنبى والقاهم

محمد البلاط

بعد اللى خسرته ايه هخسر - بقلم محمد البلاط

بعد اللى خسرته ايه هخسر
مش عايز اعدد ولا افسر
عن قلبى ابعدى الاعيبك
لأطاوعك ولقلبك اكسر

الجرح اللى فى قلبى تعبنى
وتأنيبى لنفسى معزبنى
ليه عطيت لحوا فى يوم امان
من بعد ما تشبكنى تسيبنى

اتريها فى بحر الشوق هايصة
بشباكها بتفردها وماشية
لا بترحم واقع فى هواها
ولا سايبة الناس بأمل عايشة

عن قلبى ابعدى الاعيبك
لأطاوعك ولقلبك اكسر
واخلص تارى وتصيبك
النار اللى فى قلبى بتعصر

الوعد اللى وعدته لقلبى
لا يقرب منكم ولا يأمن
ولا عمره يحن لدمعتكم
ويفضل انه يكون صايم

وان فكر حد يقربله
ويفكر انه فى هوا عايم
ليخلص منه اللى جراله
ويا ريت الكل يكون فاهم

لا هحن لحوا والاعبها
وان حاولت عمرى ما هسيبها
النار اللى فى قلبى بتعصر
قسم بالله راح تصيبها

بعد اللى خسرته ايه هخسر
مش عايز اعدد ولا افسر
عن قلبى ابعدى الاعيبك
لأطاوعك ولقلبك اكسر
لأطاوعك ولقلبك اكسر

بقلم محمد البلاط

اللى يحبك حبه يا قلبى - بقلم محمد البلاط

اللى يحبك حبه يا قلبى
واللى يجاملك ابقى راضيه
بكلمة بسمة ولو بالهمسة
او باللمسة تحن عليه

اوعى يغشك ضحكة فى وشك
وانت فاهمها الضحكة دى ليه
ما انتا شايفهم اللى عارفهم
لما يعوزو بيعملو ايه
لما يعوزو بيعملو ايه

واللى يحبك حب حقيقى
اوعى فى يوم تفرط فيه
صعب تلاقى فى زمنك شارى
يرضى عليك وترضى عليه

زمن السرعة وزمن الرالى
واللى يطولو بيلعبوا بيه
واديك شايف اللى جرالى
واللى جرالك وحصل ايه

اللى شريه بالغالى اهو باعك
رغم طباعك بتدادى فيه
اللى يحبك حبه يا قلبى
واللى يجاملك ابقى راضيه

اوعى يغشك ضحكة فى وشك
وانت فاهمها الضحكة دى ليه
وانت فاهمها الضحكة دى ليه

بقلم محمد البلاط

مش كل اللى تحبه يحبك - بقلم محمد البلاط

مش كل اللى تحبه يحبك
----------------------

مش كل اللى تحبه يحبك
ولا كل اللى تسيبه يسيبك
ياما ناس فى الدنيا بترخصلك
وبتشكر دايما فى غيابك
وتقل معاهم بأصلك
وتدور على اللى بيعينك
وياك تعبت كثير ياما
ولا عمرى عتبتك بملامة
وتغيب وترجع واقابلك
واقولك الفين سلامة
لا تحن ولا بترضى علينا
ولا بتفكر يوم تراضينا
ولا عايز تسمع لكلامنا
ولا بر عليه بترسينا
وان كان اللى هيرضيك خصامنا
انا هبعد بس ما تنسانا
يمكن تفتكر فى يوم انك
مش كل اللى تحبه يحبك
ولا كل اللى تسيبه يسيبك
ياما ناس فى الدنيا بترخصلك
وبتشكر دايما فى غيابك
مش كل اللى تحبه يحبك

بقلم محمد البلاط

الكلاب فى بلدنا سابو - بقلم محمد البلاط

الكلاب فى بلدنا سابو
-------------------

مش عشان بقول يا باشا
تفتكر انك ملاك
من السما نازل علينا
بالعزاب ويا الهلاك
احترام منى وقرار
احترم اى حمار
لو مكانه فى اى منصب
حتى لو بيبع خضار
الظروف اوقات بتحكم
للكلب تقول يا سيد
علما انه شىء مشخرم
الفه حبة عبيد
واوعى تفتكر انى ورثك
فى ميراث ابوك سابولك
او هكون مطيع وعبدك
او راح اقبل يوم غرورك
زايى زايك والكرونا افضل دليل
قادر اسبتلك بانك
الجبان واكبر عويل
ولو ابوك اتصاب بيها
راح تسيبه على السرير
وتنتظر اللى يشيله
ويواريه لو جوه بير
يبقى ازاى لواطى
اتحنى واقول يا باشا
او افكر ليه اطاطى
وهو اقل من القشاشة
وفيه كثير داس اللى جابو
نسى ابوه وفى مرضه سابه
واسأل الاعلام يقولك
كام زيك فى اهله عابو
وعايزنى اقول يا باشا
الكلاب فى بلدنا سابو
بقلم محمد البلاط