ياعم الحاج طاوعنى - بقلم محمد البلاط

( ياعم الحاج طاوعنى )
=========
ياعم الحاج طاوعنى
وخد من حقى وانا راضى
لكن بلاش تبيعنى
وتهدر حق اولادى
ميراثى من الجدود ده ميراث
مهش منهوب ولا سرقه
ومكتوب داخل كراس
وداخل الراس انا حفظه
وكل اولادى عرفينه
وعهد عليهم يصونوه
بالمنجل وبالفاس
وحلفوا ما يكلو الفينو
ياعم الحاج طاوعنى
وخد من حقى وانا راضى
مش انت الواصى والداين
ولا مغرقنا جمايل
من افعالك صبح باين
معندكش خال احساس
ميراثى من الجدود ده ميراث
مهش منهوب ولا سرقه
ومكتوب داخل كراس
وداخل الراس انا حفظه
ياعم الحاج طاوعنى

يا رب العدل يا ربى - بقلم محمد البلاط

( يا رب العدل يا ربى )
==========

فى دنيا الغدر والخسة
معدش ليا فيه لسة 
لا احباب ولا اصحاب
وكنسة الخير بمقشة

طمع جلاد واصحابه
فى قوت الناس يتقسموا
وما تقدر على عتابه
ويحسن فى الكذب رسمه

ويقتل الضنى بأيديه
ويتهم فيه والديه
ولو نسأل ده كله ليه
يقولك شرع واحكامه
ونطق الحكم راسى عليه

واحلف اليمين مظلوم
وليه الحق ليه مهضوم
ميزان العدل ليه ميل
وللظالم ليه بيكيل
ويحكم اعدام المظلوم

يا قاضى العدل فين عقلك
تجامل اللى بيضرك
وناسى العدل الجبار
وشارى النار بجهلك

معدش فى يدى ليك حيلة
ومسؤل عن السيرة
هتفضل ليك وصمة عار
وتنهان بين الجيرة

واقابل ربى بدمى
واسأل كان ايه زنبى
وزنب اطفال كانو صغار
يا رب العدل يا ربى
يا رب العدل يا ربى

بقلم محمد البلاط

رغم تعبى وجرح قلبى - بقلم محمد البلاط

( رغم تعبى وجرح قلبى )
============

رغم تعبى وجرح قلبى
قولت اجاملهم حبيبى 
وفى فرحهم قولت احضر
وجرحى بالبسمة اداريه
وفى حضورى يمكن اقدر
على قلبى واراضيه
بقسمته ويا نصيبه
وانها مكنتش ليه
وفى الفرح فيه ناس عارفة
قصتى وبعنيها شايفة
مظلوم يجامل فى جانى
ومن حضورى كثير خايفة
ورغم تعبى وجرح قلبى
قولت اجاملهم حبيبى
وفى فرحهم قولت احضر
وفى حضورى يمكن اقدر
على قلبى واراضيه
بقسمته ويا نصيبه
وانها مكنتش ليه

بقلم محمد البلاط

صبر ايوب بيواسينى - بقلم محمد البلاط

صبر ايوب لان لصبرى
وبيواسيه
على حزن عض قلبى
من اللى حنيت عليه
ضاع معاهم كل عمرى 
وبدور مش لقيه
وصبر ايوب لان لصبرى
وبيواسيه
قلت الأصل اللى منهم
مش جديده لا تعاتبهم
وان قابلت حد منهم
اياك تسلم عليه
يضحكولك وفى قلوبهم
شايلين ليك الحسد
وفى همومهم بتجاملهم
ويقطعو عنك مدد
وان طلبت حد منهم
كل طلبك يترفد
متعملش حد تانى
قبل ما تعرف اساسه
فيه اللى خاين وانانى
واللى سهل يبيع ناسه
واللى سهل انه يبيعك
ويدوسك بمداسه
وفيه اللى شارى لو بغالى
واللى عقله جوة راسه
وعشانك ده يعانى
ومنه يظهرلك حماسه
متعملش حد تانى
قبل ما تعرف اساسه
صبر ايوب لان لصبرى
وبيواسيه
على حزن عض قلبى
من اللى حنيت عليه

بقلم محمد البلاط

طالبة منك السماح - بقلم محمد البلاط

( طالبة منك السماح )
=========

ذكرياتى كانت فى حبك 
احلى ذكرى 
رغم جرحى ورغم المى
ورغم خوفى من اللى بكرة
والنهاردة ببقى ندمى
وبقولك انا شاكرة
شاكرة صابرك شاكرة قلبك
شاكرة حتى ساعات هجرك
بعد ما عرفت الحقيقة
وان قلبى كان ظالمك
طالبة منك السماح
واللى فات اعتبره راح
وانسى وانسى الجراح
واعذر القلب اللى حبك
جهله والغيرة وعنادك
للظنون كانت براح
والنهاردة ببقى ندمى
وبقولك انا شاكرة
شاكرة صابرك شاكرة قلبك
شاكرة حتى ساعات هجرك
بعد ما عرفت الحقيقة
و طالبة منك السماح
ذكرياتى كانت فى حبك
احلى ذكرى

بقلم محمد البلاط

ليه تعشم قلبى ليه - بقلم محمد البلاط

( ليه تعشم قلبى ليه )
========

ليه تعشم قلبى ليه
انك انت اللى ليه
والحنان هيكون بأيدك
فى كاسات هتصبه ليه

ليه راوضت ليه مشاعرى
ليه شغلت ليا بالى
ليه تضيع كل عمرى
فى انتظار وهم وخالى

ليه تعشم قلبى ليه
انك انت اللى ليه
والحنان هيكون بأيدك
فى كاسات هتصبه ليه

واحتاجك ملقاش طيفك
ولا حتى بعينى اشوفك
ولو قابلتك مرة صدفة
تستخبى من كسوفك

والنهارده بتعاتبنى
على البعاد والهجر ليه
ونسيت انك سايبنى
لألم بأعانى بيه

كنت بأعد الساعات
كنت بسهر الليالى
بنتظر منك معاد
وانت قلبك منى خالى

ليه تعشم قلبى ليه
ليه تعشم قلبى ليه

بقلم محمد البلاط

ايه اللى باقى ليك يا قلبى - بقلم محمد البلاط

( ايه اللى باقى ليك يا قلبى )
=============

ايه اللى باقى ليك يا قلبى
ليك يا قلبى 
الا هجر وقسوة حبيبك
ياما قولت ليه تخبى
ليه تخبى
ما تصارحهم باللى تعبك
خوفت تجرحهم بكلمة
وبكلامهم جرحوك
صونت واشتريت بذمة
خدعوك واهم بعوك
ايه اللى باقى ليك يا قلبى
ليك يا قلبى
الا هجر وقسوة حبيبك
شافو حزنك شافو دمعك
بالكلام ما حد جاملك
وتواسيهم فى الامهم
ويخنوك رد لجمايلك
بيع يا قلبى اللى باعك
واشترى راحتك ونفسك
مش حبيب عمره اللى خانك
ولا عمره يهمه حزنك
ايه اللى باقى ليك يا قلبى
الا هجر وقسوة حبيبك
الا هجر وقسوة حبيبك
بقلم محمد البلاط