كلمت تحيا واحنا نموت مش هينفعها ده شىء يوجعها - بقلم محمد البلاط

( يعمل ايه الحظ فى نحسك )
===========
قص بأيدك انت وفصل
موهوم تعدل اللى اتكسر
يعمل ايه الحظ فى نحسك
وعلى قدومك خيرنا اتعسر

قولت هتطعم كل جعان
قولت هتكشف على العيان
قولت فى قلبك لينا مكان
لما الحلم بدم اتفسر
قولى وعدت بايه وعملته
غير الوهم اللى انت صنعته
وعايش دور دكتور وعظمته
وعايز تبقى كمان سلطان
فكرك تصنع مجد بطوبة
وشعوب على امرها مغلوبة
ادخل مسجد لله صلى
وقوله عزمت يا ربى التوبة
لما الناس هتموت من جوعها
مين يحميها ومين ينفعها
كلمت تحيا واحنا نموت
مش هينفعها ده شىء يوجعها
قص بأيدك انت وفصل
موهوم تعدل اللى اتكسر
يعمل ايه الحظ فى نحسك
وعلى قدومك خيرنا اتعسر
بقلم محمد البلاط

اخر حكايتى معاك - بقلم محمد البلاط

( اخر حكايتى معاك )
========
اخر حكايتى معاك
هجر وفراق وغدر
وانا كنت بستناك
وشيفه فيك البدر
عشمانة تكون لى
مصباح ينورلى
وكثير طال الصبر
و اخر حكايتى معاك
هجر وفراق وغدر

عملت وياك ايه
قلبى ده تقسى عليه
وتبيع عشرتنا
وتنسى محبتنا
وتهجر فى محنتنا
وتزيد عليهم غدر
وانا كنت بستناك
عشمانة تكون لى
مصباح ينورلى
وشيفه فيك البدر
و اخر حكايتى معاك
هجر وفراق وغدر
هجر وفراق وغدر
محمد البلاط

احسب وعد وافتكر - بقلم محمد البلاط

احسب وعد وافتكر
مكنش ده ولا كنش ده اللى اتفقنا عليه زمان
ولا كان بينا فيه لقى فى نفس المكان
صعبان عليك ليه تفتكر اللى نقشناه على الشجر
ولا خلاص قلب حجر ومبقاش ليا فيه مكان
مكنش ده ولا كنش ده اللى اتفقنا عليه زمان
كنت الحنون اللى يصون قلب يحبه ويعشقه
ليه النهارده عليك يهون وبأيدك انت تحرقه
بالهجر والقسوة سوى وتسيبو فى نار الهوى
عطشان وعشمه يتروى وترضى بأزاه وعليك يهون
مكنش ده ولا كنش ده اللى اتفقنا عليه زمان
ايه المحبة غير عطا ووداد واخلاص ورضى
واخدت عمرى اللى مضى وطالب كمان
وان قولت منك بنتظر وقلبى بشوقه بيتعصر
واحسب وعد وافتكر كام مرة كام
صعبان عليك ليه تفتكر اللى نقشناه على الشجر
ولا خلاص قلب حجر ومبقاش ليا فيه مكان
مكنش ده ولا كنش ده اللى اتفقنا عليه زمان
بقلم محمد البلاط

كرمنى الله كثير بيكم - بقلم محمد البلاط

( كرمنى الله كثير بيكم )
===========
كرمنى الله كثير بيكم
ورزقى ذاد على ايديكم
وزان البيت بوجودكم
زهور والله راعيكم

بيسعدنى ويفرحنى
اشوف الفرحة فى عينيكم
يا بحر حنان وفى ايديكم
دواء وبلسم وحنية
ساعت ما ارجع وانا تعبان
وتنكبو على ايديا
تبوسو وتحضنو فيها
وتسألوا جبت ايه ليا
واخبى فى جيبى افراحكو
واعاند وياكم والعب
واشوف فيه ايه يفرحكم
واراهن مين فينا يكسب
ونلعب قد ما نلعب
شقاوت العنزة و الثعلب
ومن اللعبة انا اسحب
واعمل نفسى المهزوم
وتخدو كل ما معايا
وحتى اقلامى ودوايا
والقى الجيب صبح مخروم
وبفرح والهموم تنزاح
وبلقى الدنيا ديه براح
ويسعدنى ويفرحنى
اشوف الفرحة فى عينيكم
يا بحر حنان وفى ايديكم
دواء وبلسم وحنية
كرمنى الله كثير بيكم
بقلم محمد البلاط

خلاص مليت وفاض صبرى - بقلم محمد البلاط

( خلاص مليت )
=======
خلاص مليت وفاض صبرى
وقلبى معدش يتحمل
كلام الناس ولا الوسواس
وفى الرحمن بتأمل
وكافى عليا كافى كافى
حمول شيلها اكتافى
وبطلب الرضى من الله
وقلبى لله صافى
ومش خالص ولا بسلم
من المنان ولا الابكم
ولا جاهل اساس الشىء
وعامل فيها بيفهم
خلاص مليت وفاض صبرى
وقلبى معدش يتحمل
كبار القوم خلاص بركة
وصبينها بقو حكام
وقلت مننا البركة
وراعى الدين اخد اعدام
وجاهل الحياة شجرة
ثمارها للى صلى وصام
خلاص مليت وفاض صبرى
وقلبى معدش يتحمل
ومستنظر معاد قبرى
ويا ريته عليا ما يطول
ونبعد عن نفاق مخليق
بيجرى السم مجرى الريق
وعينهم تلقى فيها بريق
عن الشر ما يتحول
خلاص مليت وفاض صبرى
وقلبى معدش يتحمل

بقلم محمد البلاط

ايه الى باقى ليا تانى - بقلم محمد البلاط

( ايه اللى باقى ليا تانى )
==========
ايه اللى باقى ليا تانى
بعد ما ضاع منى حبك
ومين فينا اللى كان انانى
وانا بعت ولا غدرك

كنت فكراك راح تصونى
وفى عينيك هلقى مكانى
ليه غدرت وغذب عنى
ليه بعدت عنى تانى
كنت فكراك باقى ليا
وكنت شيلاك فى عينيه
بعتنى وهجرت قلبى
وابتديت تانى بالقسية
ايه اللى باقى ليا تانى
بعد ما ضاع منى حبك
ومين فينا اللى كان انانى
وانا بعت ولا غدرك
امرى سلمتوا لربى
هو اعلم بيا منك
اخلاصى قد ايه فى حبك
وقابلته انت بغدرك
هطوى قلبى على حزنى
يمكن يسلاك وينسى
والقى ليا فى بحر ظلمك
شط يمكن اقدر ارسى
ايه اللى باقى ليا تانى
بعد ما ضاع منى حبك
ومين فينا اللى كان انانى
وانا بعت ولا غدرك
بقلم محمد البلاط

مش هسأل على ودك تانى - بقلم محمد البلاط

( مش هسأل على ودك تانى )
==============
مش هسأل على ودك تانى
ولا هطلب منك حنية
انا ليه الحب ده خلانى
حسسنى انى عليك رمية

مش هسأل على ودك تانى
ولا هطلب منك حنية
عمالة بصالح وبدادى
وكسرة الخاطر وفؤادى
حزنانة وعندك شىء عادى
وبرغم الدمع ما فى عينية
مش هسأل على ودك تانى
ولا هطلب منك حنية
انا ليه الحب ده خلانى
حسسنى انى عليك رمية
راح اصبر قلبى واطبب فيه
والعقل عشانك راح الغيه
ولا انك يوم بأيدك ترميه
ولا اذله عشانك ولا اخليه
يتقل ويبقى ليك هفية
مش هسأل على ودك تانى
ولا هطلب منك حنية
انا ليه الحب ده خلانى
حسسنى انى عليك رمية
مش هسأل على ودك تانى
ولا هطلب منك حنية
بقلم محمد البلاط