مخدوعة فيك - بقلم محمد البلاط

( مخدوعة فيك )
ابتديت افهم كلامك واعرفك
بعد الخداع وكان حبى بينصفك
واللوم قلبى لو يفكر يهجرك
مخدوعة فيك مخدوعة فيك
ونظرة عينيك بتكشفك

سلمتك قلبى وببوح ما اخبى
واحكى بحبى واكبرك
وصدقت كذبك لما عرفتك
وقولت حبى مسهرك
مخدوعة فيك مخدوعة فيك
ونظرة عينيك بتكشفك
كام واحدة قبلى عرفتها
وعرفت تخدع عقلها
بكلمة محبة وبحنان
وهدمت ليها حلمها
وان الأوان بان اللى بان
وابتديت افهم كلامك واعرفك
مخدوعة فيك مخدوعة فيك
ونظرة عينيك بتكشفك
بقلم محمد البلاط

يا بحر مليان بأسرار - بقلم محمد البلاط

لمين غيرك راح احكيله
ويحفظ سرى جوه حشاه
واحن اوقات واغنيله
واسهر الليالى معاه

ابوح له بسرى وبألمى
وساعات احكيله عن ندمى
وابكى اوقات من عشمى
واقوله على اللى بتمناه
وتسمع لجل ترضينى
ورغم سكوتك وعينى
فيها الدمع بتحينى
والقى روحى سرحه معاك
موفى معايا بوعودك
وحافظ سرى جوه حشاك
ورغم الخوف من موجك
لكن قلبى كثير يهواك
لمين غيرك راح احكيله
ويحفظ سرى جوه حشاه
واحن اوقات واغنيله
واسهر الليالى معاه

ابوح له بسرى وبألمى
وساعات احكيله عن ندمى
وابكى اوقات من عشمى
واقوله على اللى بتمناه
وتسمع لجل ترضينى
ورغم سكوتك وعينى
فيها الدمع بتحينى
والقى روحى سرحه معاك
موفى معايا بوعودك
وحافظ سرى جوه حشاك
ورغم الخوف من موجك
لكن قلبى كثير يهواك
يا بحر مليان بأسرار
وكاس صبار للعاشقين
على شطك تنطفى النار
وسهل الصلب بيك يلين
مطمن قلب الحيران
وجامع شمل العاشقين
وحافظ للجميع اسرار
لمين غيرك راح اشكى لمين
لمين غيرك راح احكيله
ويحفظ سرى جوه حشاه
واحن اوقات واغنيله
واسهر الليالى معاه
بقلم محمد البلاط

وكاس صبار للعاشقين
على شطك تنطفى النار
وسهل الصلب بيك يلين
مطمن قلب الحيران
وجامع شمل العاشقين
وحافظ للجميع اسرار
لمين غيرك راح اشكى لمين
لمين غيرك راح احكيله
ويحفظ سرى جوه حشاه
واحن اوقات واغنيله
واسهر الليالى معاه
بقلم محمد البلاط

التهمة مهش من عدم مسلم بصلى - بقلم محمد البلاط

ان كان عليا يا وطن
مش سهل اسيبك
لكن غدر الزمن
ضيع نصيبك
خلى اللى كان ملهوش ثمن
سهل يهينك
ويبيع كيانك للرمم
ويقل دينك
وان كان عليا يا وطن
مش سهل اسيبك
بعدى مهوش منى خوف
ولاه جبن منى
ياما ناس كثير مسكت دفوف
وليك تغنى
وناس متعرفش الكسوف
رقصت لجنى
ملك قلوبها منه خوف
وانا ليك مصلى
وعشان بحبك يا وطن
كثير حصلى
ابنى الوحيد ليا اتسجن
وسال دمى
والبيت بأيدهم اتهدم
والجار خنى
والتهمة مهش من عدم
مسلم بصلى
والله يعينك يا وطن
وكمان يعينى
ويصبر اللى اتظلم
من قبل منى
وان كان عليا يا وطن
مش سهل اسيبك
لكن غدر الزمن
ضيع نصيبك

بقلم محمد البلاط

يا بياعين الود - بقلم محمد البلاط

يا بياعين الود

من العشرة عايزين ايه

فهمين اصولها بجد

ولاه انتوا فاكرين ايه

بانين ما بينا سد

ونادى مافى رد

بتعيبو مافى حد

نقدر نرد عليه

يا بياعين الود

من العشرة عايزين ايه

عاملنا فيكم الله

والسنة والقران

صغيركم بان قساه

والعيب منكم بان

قولنا ننول رضاه

بالصبر والغفران

وكتمنا فينا الأااااه

وصبرنا على اللى اهان

يا بياعين الود

من العشرة عايزين ايه

فهمين اصولها بجد

ولاه انتوا فاكرين ايه

بقلم محمد البلاط

بكلمة واحدة من كلامك - بقلم محمد البلاط

( بكلمة واحدة من كلامك )
كل يوم افتح جوابك
واقرأ فيه كل الكلام
بس مش فهمة عتابك
وعلى ايه كان الخصام

وبكلمة واحدة من كلامك
عقلى وقف عندها
قطعت كل اللى بيتا
والوصال بينا انتهى
كنت فاكراك ضى عينى
وبسمة تمحيلى انينى
واتحيلت عليك تجينى
تقولى ايه سبب الخصام
كل ردك كان فيه صد
قلبى منه اتهد هد
وفى رسايلك قعدة اعد
وقريتها كلها
وبكلمة واحدة من كلامك
عقلى وقف عندها
قطعت كل اللى بيتا
والوصال بينا اننتهى
بكلمة واحدة من كلامك
عقلى وقف عندها
محمد البلاط

هتنسى الود مش هنساك - بقلم محمد البلاط

هتنسى الود مش هنساك
وتبنى سد اعديلك
جبرنى الشوق اكون وياك
من اخر الدنيا انا اجيلك

واقول للخلق واقولك
تسيبنى مش راح اسيبك
ولو مرة ظهر غضبك
بروح الحب اغنيلك
سهرنا الليل وونسنا
وكان من فرحه يحرصنا
ولو جالوا معاد للنوم
يميل علينا و يبوسنا
ويحكيلك حكايتنا
جايز نسيتها ونسيتنا
وبصمة ايدك الباقيه
على الشباك وباب بيتنا
هقول للخلق مجروحه
بحبه وقتلنى الشوق
بيهرب وانا مذبوحه
ومش عايز يا ناس يروق
هتنسى الود مش هنساك
وتبنى سد اعديلك
جبرنى الشوق اكون وياك
من اخر الدنيا انا اجيلك
وبشكى لوعتى فى هواك
وبمسح دمعى فى منديلك
ومش هقدر انا انساك
ولو تبعد راح اجيلك
بتهوى الليل لتجريحى
وهجرى وكتم انفاسى
واعيش الويل بجروحى
وكاتمه فيا احساسى
واخر الصبر مش قادره
وذاد وصفى وتلميحى
واعشم نفسى ببكره
هيرجع ويكون فريحى
وبشكى لوعتى فى هواك
وبمسح دمعى فى منديلك
ومش هقدر انا انساك
ولو تبعد راح اجيلك
هتنسى الود مش هنساك
وتبنى سد اعديلك
جبرنى الشوق اكون وياك
من اخر الدنيا انا اجيلك
من اخر الدنيا انا اجيلك
بقلم محمد البلاط

ليه بالهجر بتقسى وتظلم - بقلم محمد البلاط

بستناك انا بستناك
ياللى تعبت القلب معاك
ومحيرنى ومسهرنى
وانا بتحمل واملى رضاك

ليه بالهجر بتقسى وتظلم
وانا للقرب فيك متعشم
ياللى هواك على الناس اتقسم
وان مظلوم كثير وياك
بستناك واللهفة فى قلبى
وانا لهواك مش قادر اخبى
وانت بتعصى وتعشق غلبى
ورغم بعادك بستناك
والله ان طال العمر وعشته
وقلبى بظلمك حتى كسرته
وبألعيبك دى حيرته
هفضل فاكر مش هنساك
هنسى اذاى العمر الجاى
وضى العين وكل مناى
جوه القلب سكن ومعاى
وروحى وعقلى دول وياك
ده انت العشق الدافى لقلبى
بنطق بيه وعمرى ما اخبى
ورغم الهجر وتعبى وغلبى
راضي يا حبى كثير بقساك
بستناك انا بستناك
راضي عمايلك املى رضاك
بس اعيش العمر الباقى
لو لساعات فى حضن هواك
ليه بالهجر بتقسى وتظلم
وانا للقرب فيك متعشم
ياللى هواك على الناس اتقسم
وان مظلوم كثير وياك
بستناك ان بستناك
ياللى تعبت القلب معاك
ومحيرنى ومسهرنى
وانا بتحمل واملى رضاك
بقلم محمد البلاط