ارمى همومك ارميها - بقلم محمد البلاط

ارمى همومك ارميها
مفيش مجال تخليها
وعيش لبكرة وكن راضى
والصعب فيها تعديها

الدنيا ثانية وبنعيشها
ليه الهموم فيها نفرشها
على جمر نار ونخطيها
بخور ونتبخر بيها
ارضى بكل المكتوبلك
خفيف ثقيل لو هيضرك
الجىء لرب الكون طالب
يخف عنك ويحبك
والحب من الله الرحمة
لو الهموم كانت زحمة
يقبلها منك ما يردك
والنور يكونلك فى الظلمة
ارمى همومك ارميها
مفيش مجال تخليها
وعيش لبكرة وكن راضى
والصعب فيها تعديها
بقلم محمد البلاط

كان ذنب القلب يحبك - بقلم محمد البلاط

انا كل ما اقرب منك
تهجر وبتبعد ليه
كان ذنب القلب يحبك
علشان ما بتلعب بيه
بتحمل ياما عينادك
وبصبر قلبى عشانك
ويقل الشوق وودادك
طب قولى انا اعمل ايه
لو ببعد عنك تزعل
واقرب منك تتقل
احترت معاك وبفكر
اخرتها معاك بقى ايه
انا كل ما اقرب منك
تهجر وبتبعد ليه
لو كان فيه طريق ليك تانى
ريحنى وقولى عليه
وانا عمرى ما اكون انانى
والعاصى الله يهديه
وان كان على قلبى وجرحو
انا هقدر اطبب فيه
ياما مر عليه وفرحو
ما اتهنى ابدا بيه
واتعود يطوى فى جرحو
وايام تيجى تنسيه
كان ذنب القلب يحبك
علشان ما بتلعب بيه
علشان ما بتلعب بيه
بقلم محمد البلاط

معذورة يا دنيا وسلام - بقلم محمد البلاط

الحب اصبح ليه كلام

وعز السلام بين البشر

واللى باقيلهم الكلام

فى اللى جرى واللى حصل

ومفيش مواسى يصبرك

على حزن للقلب كسر

معذورة يا دنيا وسلام

على اللى اتقبر واللى اتدفن

كان فقر معجون بالحنان

ويا ريتو دام لو كان بصل

شوفنا زمن فيه اللئام

علوا فى المقام

والواطى بالقرش كبر

وعز السلام بين البشر

والحب اصبح بالكلام

معذورة يا دنيا وسلام

معذورة يا دنيا وسلام

بقلم محمد البلاط

بشتاقلك انا انا بشتاقلك - بقلم محمد البلاط

بشتاقلك انا انا بشتاقلك

على قد الشوق اللى فى قلبك

والدمع بيرق فى عينى

لو حد غيرى يقربلك

بشتاقلك انا انا بشتاقلك

بشتاق لرسايلك اقرها

وبشوفك كلك جوها

بحنانك وبرقة قلبك

فى حروفها بقلبى انا حسها

ما تغبشى وتطول غيبتك

وتعزب بالبعد حبيبتك

ده انا دمعى بيرق فى عينى

لو جت فى كلام الناس سيرتك

بشتاقلك انا انا بشتاقلك

على قد الشوق اللى فى قلبك

وبستنظر فى الرد وصالك

وان غبت عليا انا جيالك

وان كنت على الصبر بتقدر

فاض منى الصبر على بعادك

ما تكمل يا حبيبى جمايلك

وبستنظر فى الرد وصالك

بشتاقلك انا انا بشتاقلك

بقلم محمد البلاط

سواح - بقلم محمد البلاط

سواح فى دروبك اااه يا دنيا

سواح سواح

وبدور فيكى وفى دروبك

علشان ارتاح

سواح بجراحى وبتألم

وهمومى فى قلبى ما بتكلم

والناس بتعدى وما تسلم

وانا كلى جراح

انا الومك ولا الوم ناسك

احساسهم ضاع ولا احساسك

على المبدىء عايش انا وماسك

ومفيش جراح

سواح متغرب انا فيكى

وبحاول ادادى واراضيكى

حرمانى وتعطى اللى نسيكى

وانا كلى جراح

سواح فى دروبك ااااه يا دنيا

سواح سواح

بقلم محمد البلاط

غضبى صحيح صح قريب - بقلم محمد البلاط

غضبى صحيح صح قريب

لكن ظنى ما بيخيب

لو تعاملنى بالأخلاص

يبقى خلاص واكون الطيب

يبقى خلاص واكون الطيب

تلعب لعبة قطة وفار

يبقى قرار بأيديك اخدتو

يفصل بينا بيها منشار

واللى ما بينا جت نهايته

والى ما بينا جت نهايته

لو بالحب هكون البادى

تقسى عليا واكون انا راضى

بس القلب يكون حساس

هبقى معاك السهل وعادى

هبقى معاك السهل وعادى

ما انت عارفنى كثير انا طيب

سهل وباجى معاك قريب

واللى انا طالبه الاخلاص

مش برصاص ليا بتصوب

مش برصاص ليا بتصوب

غضبى صحيح صح قريب

لكن ظنى ما بيخيب

لو تعاملنى بالأخلاص

يبقى خلاص واكون طيب

يبقى خلاص واكون طيب

بقلم محمد البلاط

مجلة ملتقى شعراء و ادباء الوطن العربى: الشاعر محمد البلاط‏لا انا طيلاك ولا حتى طيلنىوالع...

مجلة ملتقى شعراء و ادباء الوطن العربى: الشاعر محمد البلاط‏
لا انا طيلاك ولا حتى طيلنىوالع...: الشاعر محمد البلاط ‏ لا انا طيلاك ولا حتى طيلنى والعزال ياما قلوا علينا تفسير بس اللى فى عنينا ومحسوش ال...