اسألوا اللى قتلنى - بقلم محمد البلاط

اسألوا اللى قتلنى
....................
مين اللى حلل هدر دمى

مين بخسه منه خانى
ومين اللى دافع الثمن
للى غدر و قتلنى
........................................
مين عشان باع الديانه
حطنى فى حصار وخانه
مين فى راسه ان الصيانه
قتل ناس وهدر دمى
.................................
مين كان من الضباع
اشترى فى الناس وباع
مين اللى صنع وهم مركب
من ورق لها شراع
...............................
مين اللى صلى ومين اللى صام
مين اللى لجل وطنه قام
مين اللى بداء بالخصام
مين اللى قتل الحمام
.................................
مين اللى دبلج الحكاية
مين اللى شرد الولايه
مين اللى سجن الكرام
مين اللى صنع النهاية
...................................
مين اللى حلل هدر دمى
مين بخسه منه خانى
ومين اللى دافع الثمن
للى غدر و قتلنى
بقلم محمد البلاط

ايه من الاسلام عايزينو - بقلم محمد البلاط

ايه من الاسلام عايزينو
...........................
ايه الناتج من الغرزه

غير الدخان والمزه
وحرمة يحلى ليها الكيف
تهز وسطها هزه
وعين تأكل فى لحم رخيص
وسكنه ابراج العزه
وتعطينا دروس وعلوم
واصل علومهم غاشه
وعلم الدين دخلينو
كأنه سكر ومذه
واسم الله نسينو
وكل فكرهم رصه
ايه من الاسلام عايزينو
وليه بالحقد نظرينو
يا اما نعارض امر الله
يا اما يسبوا له دينه
ويعطونا دروس ووعظ
وجعلوا الاية مقلوبه
فلسطين العدو والدود
واسرائيل محبوبه
بقلم محمد البلاط

ابعد عن الناس كلها - بقلم محمد البلاط

ابعد عن الناس كلها
وملكش دعوه بالبشر
زمن وجاى يلمها
ويرم فيه اللى اتكسر
خلاص قررت انا ابعد
عن المخاليق والجيره
فيه ايه باقى فيكى يسعد
يا دنيا منظره وعيره
قلوب لناس بتحقد
وناس عيشاكى فى الحيره
على المسكين بيتكالب
كلاب جربانه مسعوره
زمن رافع حال السالب
وكبر للناهب صوره
وداس بالرجل على الغايب
وذود قيمة العوره
خلاص قررت انا ابعد
عن المخاليق والجيره
ابعد عن الناس كلها
وملكش دعوه بالبشر
زمن وجاى يلمها
ويرم فيه اللى اتكسر
خليك مع ربك وعيش
وسيب اللى عايز الافيش
واقضيها لو منغير ريش
ما توهش توهة الدارويش
لله كلام وللرسول
راجعه بعقل وبال يطول
فيه ليه معانى وعبر
لو تتبع سهل الوصول
واسمع معانيه وقدره
جايلك مهدى يفسره
ولكل مظلوم اتظلم
من حقه راح يمكنه
ابعد عن الناس كلها
ولوعد واحد انتظر
خسف بناس كان قصدها
ميزان عدل ينكسر
وساعتها احمد ربنا
ان الملاك لينا وصل
يحى اللى ميت فى القلوب
ويرم فيها اللى اتكسر
ابعد عن الناس كلها
وملكش دعوه بالبشر
زمن وجاى يلمها
ويرم فيه اللى اتكسر
بقلم محمد البلاط

بتسأل ليه على حبى - بقلم محمد البلاط

بتسأل ليه على حبى
وقلبى منه بيقاسى
قتلنى الشوق وبخبى
ومش حاسس بأحساسى
بتسأل اللى كان وياك
على الحلوه وعلى المره
وشال الهم فى صره
وفى الغيبه بيستناك
بتسأل ليه على حبى
وانا فى الصعب شايله معاك
صبرت وقولت اخبى
وأدب قلبلى لو يعصاك
بتسأل ليه بتسأل ليه
وليه مش شايف اللى معاك

بقلم محمد البلاط

بترسم خجلى وتحاكى بريشتك الجمال فيا - بقلم محمد البلاط

بترسم خجلى وتحاكى بريشتك الجمال فيا
وبتلون بألوانك بلون الورد خيالك ملاك انسيه جنيه
وزهره جميله فى بستان على مايه فى فسقيه
والوانك خالطها بعطر يحاكى احساسك بيا

لكن احساسى نسيته كأن قلبى بأديه
عشان رسمك هميلك واملكلك زمام قلبى
صحيح اعجابى بفنك وللقبعه ارفع لك
عشان رسمك لكن احساسى جوايا متعرفهوش
وبتمنى عشان نفسك حاول تنسى مترسمهوش
انا نفسى لأحساسى بقيت تايهه و مملكهوش
وريشتك رغم روعتها وفن تعبير خطوطها متوصلوش
محمد البلاط

قلبى خفيف وضعيف ورهيف - بقام محمد البلاط

قلبى خفيف وضعيف ورهيف
ياللى سهام رمشك ما تهيف
انا بتألم من اللى جرالى
وانت قاعد مبسوط مكيف

بتألم والنار جوايا
ومشعلل الشوق فى حشايا
لو قالوا عنك الف حكاية
عمرى م حن عليك ولا هعطف
حن علينا ولو بالكلمة
او بنظرة تهدى الحال
يمكن بسمه تكون النعة
تزيل خصامنا تهد جبال
يبقى ساعتها هلين واصالحك
وانسى القسوة وانسى عمايلك
وانسى ايام الهجر وغدرك
واتحمل لو بعدك طال
خبى رموشك لما تشوفنى
نظرة عينك بتكتفنى
وبتغير من حالى لحال
ابقى صالحنى واتأسفلى
ياللى سهام رمشك ما تهيف
قلبى خفيف وضعيف ورهيف
وانا بتألم من اللى جرالى
وانت قاعد مبسوط مكيف
بقلم محمد البلاط

انا لسه ليك - بقلم محمد البلاط

انا لسه ليك انا لسه ليك
واوعى تفكر او يجيك
فكر يراضى الظن فيك
انى فى يوم راح اودعك

اياك تشك انى اخدعك
او قلبى يبقى غير الك
رغم السدود
رغم اللى بينا من حدود
رغم اللى موجود فى البشر
لسه ما بينا فيه عهود
رغم الألم
وقلب اتصدم
بكلام جاى من عدم
وملوش فى الاساس وجود
رغم الشراع اللى اتقطع
رغم اللى قالوا الودع
مش سهل انى اتخدع
وعنك ازود
الشك صابك ولاه ايه
وجاى تسأل تانى ليه
هى القلوب اتغيرت
ولا انت بالنسبالى ايه
انا اللى بهواك والهوى
خدنى معاك وربما
يا نعيش سوى يا نموت سوى
يا قلوبنا بالشوق تنكوى
وان كان حقيقى الهوى
بلسم ليك ودوا
وانا قلبى بيه راح ينكوى
انا لسه ليك
رغم السدود
رغم اللى بينا من حدود
رغم اللى موجود فى البشر
لسه ما بينا فيه عهود
انا لسه ليك انا لسه ليك
بقلم محمد البلاط